2 Ko 1:1 - Nouvo Testaman Kreol Morisien Harmonisation NTPS KM

¹ Mwa Pol, enn Zapot Zezi Kris par volonte Bondie, ek Timote nou frer, Mo pe ekrir zot, Legliz ki dan Korint, ek tou bann krwayan ki partou dan Akai:

Nouvo Testaman dan Kreol Morisien

¹ Mwa Pol, enn apot Zezi Kris par volonte Bondie, ek Timote nou frer, Mo pe ekrir zot, legliz ki dan Korint, ek tou bann krwayan ki partou dan Akai:

2 Ko 1:1 ပူးပေါင်းရင်းမြစ်များ

Zistwar Bann Zapot 16:1

Pol ti ariv Derb ek List akot ti ena enn disip ki apel Timote. So mama ti enn Zwiv e ti enn krwayan osi. So papa ti enn Grek.

Let pou Romin 15:26

parski Masedwann ek Akai finn fer enn kolekt pou bann pov parmi bann krwayan dan Zerizalem.

Let pou Romin 16:21

Timote, ki travay ansam ar mwa, avoy zot so salitasion; Lisyis osi, ansam ar Zason e Sosipater, mo bann fami.

Let pou Romin 16:5

Mo salie osi Legliz ki rasanble dan zot lakaz. Dir bonzour Epaynet, ki ti premie dan provins Lazi pou krwar dan Lekris.

1 Ko 10:32

Viv enn fason ki zot pa kree skandal ni pou bann Zwif ni pou bann Grek ni pou Legliz Bondie.

1 Ko 16:10

Si Timote vini, fer enn manier ki li pena okenn freyer, parski li pe travay parey kouma mwa dan travay Lesegner.

1 Ko 16:15

Frer ek ser, zot kone ki Stefanas ek so fami ti bann premie konverti dan Akai. Zot finn devwe zotmem pou servi lepep Bondie. Mo sipliye zot, frer ek ser,

1 Ko 16:24

Mo avoy zot mo lamour dan lakominion avek Zezi Kris. Amen.

1 Ko 6:11

Ala kouma sertin parmi zot ti ete. Me nou Segner Zezi ek Lespri Bondie finn pirifie zot, finn sanktifie zot, ek finn met zot drwat devan Bondie.

2 Ko 1:19

Zezi Kris, Garson Bondie, ki nou - momem, Silas ek Timote - nou finn anonse parmi zot, li pa finn dans-danse ant “Wi” ek “Non”; okontrer li touletan “Wi.”

2 Ko 1:23

Mo pran Bondie kouma temwin, mo finn refiz retourn Korint pou pa donn zot tro boukou traka.

2 Ko 11:10

Par laverite Lekris ki dan mwa, mo kapav dir ki personn dan rezion Akai pa pou kapav aras sa fierte ki mo ena pou zot la.

2 Ko 9:2

Mo konn zot bon lintansion, e avek fierte mo finn dir bann Masedonien ki Akai finn pare depi lane pase, ek sa finn ankouraz bann-la pou azir.

Ga 1:1

Mwa Pol, zapot, pa par volonte bann imin oubien lotorite zom, me par Zezi Kris ek Bondie Papa ki finn resisit li parmi bann mor,

Ga 3:26

Zot tou bann zanfan Bondie par lafwa dan Zezi Kris.

Ef 1:1

Mwa Pol, enn zapot Zezi Kris par volonte Bondie, mo pe ekrir bann krwayan e bann fidel dan Zezi Kris.

Let pou Filipien 1:1

Mwa Pol ek Timote, serviter Zezi Kris. Nou pe ekrir lepep Bondie dan Filip, zot bann levek ek bann diak.

1 Tes 1:1

Mwa Pol, ansam avek Silas ek Timote, nou pe ekrir legliz pep Bondie Papa ek Segner Zezi Kris, dan Tesalonik. Ki lagras ek lape res ar zot.

1 Tes 3:2

e nou finn avoy nou frer Timote, kolaborater Bondie pou anons Bonn Nouvel Zezi Kris, pou ankouraz zot pou tini ferm dan zot lafwa,

2 Tes 1:1

Pol, Silvin ek Timote pe ekrir Legliz Bondie Papa ek Lesegner Zezi Kris ki dan Tesalonik:

1 Tim 1:1

Mwa, Pol, mo finn vinn zapot Zezi Kris gras-a promes Bondie nou Sover ek Zezi Kris nou lesperans.

2 Tim 1:1

Mwa, Pol, mo enn zapot Zezi Kris par volonte Bondie. Mo finn resevwar mision pou proklam promes lavi ki gagne kan nou enn sel avek Lekris Zezi.

Let pou Tit 1:1

Mwa Pol, serviter Bondie, mo enn zapot Zezi Kris ki finn swazir pou amenn bann krwayan dan lafwa ek gid zot dan laverite.

Let pou Filemon 1:1

Mwa Pol, ki dan kaso akoz mo travay pou Zezi Kris, ansam avek nou frer Timote, pe ekrir twa mo frer Filemon, twa ki enn pros kolaborater.

Eb 13:23

Mo anvi fer zot kone ki nou frer Timote finn sorti dan prizon. Si li pa tarde pou vini, mo pou kapav amenn li avek mwa kan mo vinn get zot.