1 Zn 3:5 - Nouvo Testaman Kreol Morisien Harmonisation NTPS KM

⁵ Zot kone ki Lekris finn vini pou efas nou bann pese, e limem, li pena okenn pese dan li.

Nouvo Testaman dan Kreol Morisien

⁵ Zot kone ki Lekris finn vini pou efas nou bann pese, e limem, li pena okenn pese dan li.

1 Zn 3:5 ပူးပေါင်းရင်းမြစ်များ

Mt 1:21

Li pou donn nesans enn garson e to pou apel li Zezi. Avredir limem pou sov so pep ki dan pese.”

Lk 23:41

Nou, nou pe gagn seki nou merite parski nou pe pey pou seki nou finn fer, me li, li pa finn fer nanye de mal.”

Lk 23:47

Letan santiryon Romin trouv seki ti finn arive, li rann laglwar Bondie, li dir, “Vremem sa dimounn-la ti inosan.”

Zn 1:29

Landime, Zan trouv Zezi pe vini e li dir, “Get Agno Bondie ki tir pese lemond;

Zn 1:31

Momem mo pa ti konn li; mo finn vinn batiz dan dilo pou fer Izrael konn li.”

Zn 14:30

Mo nepli pou dir zot tousala; sef demon ki diriz lemond pe vini e li pa kapav fer mwa nanye.

Zn 8:46

Kisann-la parmi zot kapav montre mwa ki mo pe fer pese? Si mo pe koz laverite, ki fer zot pa krwar dan mwa?

2 Ko 5:21

Lekris pa ti ena pese, me Bondie finn met nou pese lor li, pou ki letan nou ini ansam ar li, nou rant dan enn lavi akseptab devan Bondie.

1 Tim 1:15

Ala enn parol sir ki tou dimounn bizin tande: Zezi Kris finn vinn lor later pou sov bann peser. Parmi bann peser, momem premie;

1 Tim 3:16

Wi, vremem, mister nou lafwa, li gran. Lekris finn paret kouma enn imin, Lespri Sin finn rann li zis, Bann anz finn kontanple li, Finn anons li kot tou bann pep lemond krwar dan li E li finn mont dan laglwar.

Let pou Tit 2:14

Li finn donn so lavi pou nou afin ki li tir nou dan pese ek fer nou vinn so sel pep ki destine pou fer lebien.

Eb 1:3

Li reflet laglwar Bondie e li reprezant exakteman natir Bondie ki siport liniver par pwisans so parol. Apre ki li finn pirifie pese tou bann imin, li finn asiz dan kote drwat Bondie ki nou sel gran Segner dan lesiel.

Eb 4:15

Nou pena enn gran pret ki pa kapav sinpatiz ar nou dan nou febles, me nou ena enn ki finn konn tantasion dan toutsort fason, me ki pa finn fer pese.

Eb 7:26

Samem sa kalite gran pret-la ki nou ti bizin. Kikenn ki sin, san okenn defo, ki pena pese, separe avek bann peser e ki plase pli ot dan lesiel.

Eb 9:26

sinon li ti pou bizin soufer ankor ek ankor depi fondasion lemond. Me la kouma li ete, li finn paret enn fwa pourtou ziska lafin pou efas pese par sakrifis so prop lekor.

Eb 9:28

Alor Kris, ki finn ofer limem enn sel fwa pou efas pese enn kantite dimounn, li pou paret enn deziem fwa, pa pou efas pese, me pou sov bann ki pe vremem atann so retour.

1 Pi 1:18

Zot kone, li pa pou nanye ditou ki zot finn sove dan zot move manier viv, ki zot finn erite ar zot anset. Pa larzan ou lor ki ti sov zot,

1 Pi 1:20

Bondie finn swazir li davans, avan mem kreasion lemond e li finn revel li dan sa dernie letan-la pou zot prop bien.

1 Pi 2:22

“Li pa finn fer okenn pese, e okenn mansonz pa finn sorti dan so labous.”

1 Pi 2:24

Dan so prop lekor li finn sarye nou pese lor lakrwa, pou ki nou aret viv dan pese e viv enn fason ki korek. Par so bann blesir, nou finn geri.

1 Pi 3:18

Ofet, Zezi Kris limem li finn soufer pou pese tou dimounn; parey kouma enn inosan li finn mor pou bann koupab, pou li kapav amenn zot kot Bondie. Fizikman zot finn touy li, me li finn reviv spiritielman,

1 Zn 1:2

Sa lavi-la finn manifeste li, e nou finn tann li, nou finn trouv li e temwagn lor li; e nou anons zot lavi eternel ki ti avek nou Papa e ki finn manifeste ar nou.

1 Zn 1:7

Me si nou mars dan lalimier parey kouma limem ki dan lalimier, nou pou viv ini avek nou kamarad, e disan so Garson Zezi lav tou nou pese.

1 Zn 2:1

Mo bann ti zanfan, mo pe ekrir zot tousala pou ki zot pa fer pese. Me si kikenn fer pese nou ena enn avoka kot Bondie Papa: Zezi Kris ki zis.

1 Zn 2:2

Li finn ofer limem kouma sakrifis pou nou pese, pa zis pou nou tousel me osi pou pese lemond antie.

1 Zn 2:29

Si zot kone ki Lekris zis, alor zot osi rekonet ki tou dimounn ki fer seki zis, li enn zanfan Bondie.

1 Zn 3:8

Seki fer pese, li sorti kot diab. Depi koumansman diab dan pese, me Garson Bondie finn vini pou detrir travay diab.

Revelasion 1:5

e kot Zezi Kris, temwin fidel, premie-ne parmi bann mor e dirizan bann lerwa lor later. Zezi Kris kontan nou, par so lamor li finn tir nou dan nou pese.