1 Zn 3:4 - Nouvo Testaman Kreol Morisien Harmonisation NTPS KM

⁴ Dimounn ki fer pese, li kas lalwa Bondie; pese vedir dezobeir lalwa Bondie.

Nouvo Testaman dan Kreol Morisien

⁴ Dimoun ki fer pese, li kas lalwa Bondie; pese vedir dezobeir lalwa Bondie.

1 Zn 3:4 ပူးပေါင်းရင်းမြစ်များ

Mt 5:19

Si kikenn kas enn pli tipti sa bann komannman-la ek ansegn lezot pou fer parey, li pou konsidere kouma pli piti dan lesiel, me kikenn ki pratik ek ansegn sa bann komannman-la li pou konsidere kouma gran dan lesiel.

Zistwar Bann Zapot 23:3

Lerla Pol dir li, “Bondie ki pou kogn twa, lespes miray ki kamoufle ar laso. To pe ziz mwa par lalwa Moiz, me to mepriz sa lalwa-la kan to donn lord dimounn pou bat mwa.”

Let pou Romin 3:20

Koumsa personn pa trouv li zistifie devan Bondie parski li finn obzerv lalwa. Lalwa nek zis fer dimounn pran konsians ki pese ete.

Let pou Romin 4:15

An-efe, lalwa provok lakoler Bondie; me si pena lalwa, pena osi dezobeisans lalwa.

2 Ko 12:21

Mo per ki pandan sa prosin vizit-la, Bondie imilie mwa dan zot prezans, e ki mo pou plore lor boukou parmi zot ki pe kontigne dan vie pese lontan; zot pankor repanti zot inpirte, imoralite ek debos ki zot ti pratike.

Let Zak 5:15

Enn lapriyer ki fer avek lafwa, pou sov malad-la; Lesegner pou remet li dibout e so bann pese pou pardone.

1 Zn 5:17

Tou bann move aksion apel pese, me ena pese ki pa mortel.