1 Zn 2:5 - Nouvo Testaman Kreol Morisien Harmonisation NTPS KM

⁵ Me dimounn ki gard so parol, lamour Bondie pou vremem parfe dan li. Koumsa mem nou kone ki nou vremem ini avek li.

Nouvo Testaman dan Kreol Morisien

⁵ Me dimoun ki gard so parol, lamour Bondie pou vremem parfe dan li. Koumsamem nou kone ki nou vremem ini avek li.

1 Zn 2:5 ပူးပေါင်းရင်းမြစ်များ

Psom 105:45

Koumsa li ti sir ki so pep ti pou gard so komannman, e pou rapel so bann lalwa. Alelouya, nou sant louanz LESEGNER!

Psom 106:3

Bienere dimounn ki obzerv lazistis, ki pratik drwatir touletan.

Psom 119:146

Mo sipliy twa: sov mwa, e mo pou respekte to bann lord.

Psom 119:2

Bienere bann ki swiv so instriksion, ki obeir li ar sinserite profon dan zot leker.

Psom 119:4

To finn donn nou to instriksion, nou bizin obeir zot san fot.

Proverb 28:7

Bann zenes ki ena disernman, zot obzerv lalwa; me seki ena move frekantasion fer so paran onte.

Proverb 8:32

Aster-la, ekout mwa mo bann zanfan: bienere zot, ki mars dan mo sime.

Lk 11:28

Me Zezi reponn li, “Bienere plito seki ekout Parol Bondie e obeir li!”

Zn 14:21

Seki gard mo bann komannman e met zot an pratik, mo kone ki li kontan mwa; seki kontan mwa, mo Papa pou kontan li e mwa, mo pou kontan li osi e li pou kone ki mo ete vremem.”

Zn 14:23

Zezi reponn, “Si vremem kikenn kontan mwa, li pou met mo parol an pratik, mo Papa pou kontan li, nou pou vinn kot li e nou pou fer nou lakaz kot li.

Zn 15:5

Mwa, mo pie rezin e zot, zot bann brans. Dimounn ki res ar mwa e mwa ar zot, zot pou raport enn kantite fri parski san mwa zot pa kapav fer nanye.

Zn 6:56

Seki manz mo lekor e bwar mo disan, li res dan mwa e mwa dan li.

Let pou Romin 8:1

Aster-la pena okenn kondanasion pou bann dimounn ki dan Zezi Kris.

1 Ko 1:30

Limem lasours zot lavi dan Zezi Kris, ki finn vinn pou nou sazes ki sorti kot Bondie. Lekris rann nou drwat, li met nou apar pou Bondie, limem nou delivrans.

2 Ko 5:17

Si kikenn ini ar Lekris, li vinn enn nouvo kreasion; seki vie finn disparet, seki nouvo ki la.

2 Ko 5:21

Lekris pa ti ena pese, me Bondie finn met nou pese lor li, pou ki letan nou ini ansam ar li, nou rant dan enn lavi akseptab devan Bondie.

Let Zak 2:22

To trouve, so lafwa ek so aksion mars ansam; so aksion prouv so lafwa dan Bondie.

1 Zn 3:24

Dimounn ki obeir komannman Bondie li res ini avek Bondie e Bondie pou prezan dan li. Ala kouma nou kone ki Bondie viv dan nou, par so Lespri ki li finn donn nou.

1 Zn 4:17

Lamour li parfe dan nou. Alor, zour zizman, nou pou ena boukou kouraz parski dan sa lemond-la nou parey kouma li.

1 Zn 4:18

Pena okenn lafreyer dan lamour; vre lamour repous tou freyer. Lafreyer fer nou mazinn pinision, e tou dimounn ki gagn per, li pankor viv vre lamour.

1 Zn 5:2

Ala kouma nou kone ki nou kontan bann zanfan Bondie: kan nou kontan Bondie e nou obeir so bann komannman.

1 Zn 5:20

E nou kone ki Garson Bondie finn vini, li finn donn nou lintelizans pou ki nou konn vre Bondie. Nou res ini avek vre Bondie, ini avek so Garson Zezi Kris. Limem vre Bondie e lavi eternel.

2 Zn 1:6

Lamour vedir ki nou mars dapre komannman Bondie. Komannman ki zot finn tande depi koumansman: mars dapre sime lamour.

Revelasion 12:17

Lerla dragon-la ti ankoler kont fam-la, e li ti al deklar lager avek leres so desandan, bann ki res fidel ar komannman Bondie ek ki res bann disip Zezi.

Revelasion 14:12

Sa enn lapel pou lepep Bondie ena landirans, bann ki gard komannman Bondie e ki res fidel ar Zezi.