1 Zn 2:24 - Nouvo Testaman Kreol Morisien Harmonisation NTPS KM

²⁴ Gard bien mesaz ki zot finn tande depi koumansman. Si zot gard sa mesaz-la, lerla zot pou res ini avek Bondie Garson ek so Papa osi.

Nouvo Testaman dan Kreol Morisien

²⁴ Gard bien mesaz ki zot finn tande depi komansman. Si zot gard sa mesaz la, lerla zot pou res ini avek Bondie Garson ek so Papa osi.

1 Zn 2:24 ပူးပေါင်းရင်းမြစ်များ

Psom 119:11

Mo prezerv to parol dan mo leker pou mo pa fer pese kont twa.

Proverb 23:23

Touletan rod laverite, zame pa rezet li; kiltiv lasazes, linstriksion ek disernman.

Lk 1:2

Zot finn baz zot zistwar lor bann temwin ki finn trouv seki finn pase, e lor parol bann seki finn gagn lord transmet sa bann evennman-la depi koumansman.

Lk 9:44

“Les sa parol-la rant bien dan zot zorey: Garson Limanite pou livre dan lame bann zom.”

Zn 14:23

Zezi reponn, “Si vremem kikenn kontan mwa, li pou met mo parol an pratik, mo Papa pou kontan li, nou pou vinn kot li e nou pou fer nou lakaz kot li.

Zn 15:7

Si zot res ar mwa e mo parol res ar zot, tou seki zot demande zot pou gagne.

Zn 6:56

Seki manz mo lekor e bwar mo disan, li res dan mwa e mwa dan li.

Zn 8:25

Zot dir li, “Ki to ete twa, pou zize?” Zezi dir zot, “Ki mo finn dir zot depi koumansman?

Let pou Filipien 4:15

Zot, bann Filipien bien kone ki depi koumansman ler mo ti kit Masedwann, apart zot okenn legliz pa ti partisip dan mo bann depans,

Let pou Kolosien 3:16

Ki Parol Lekris prezan parmi zot dan tou so rises: ansegn zot prosin, fer zot ledikasion ar lasazes; par bann Psom, bann sante e bann kantik inspire par Lespri, sant zot rekonesans pou Bondie

Eb 2:1

Akoz samem nou bizin res ferm avek seki nou finn tande, pou ki nou pa derape.

Eb 3:14

Ofet nou enn partner avek Lekris, si nou gard sa konfians ki nou ena depi koumansman la, ziska lafin.

1 Zn 1:3

Nou anons zot seki nou finn trouve ek tande pou ki zot osi zot res ini avek nou, ki ini avek nou Papa e so Garson Zezi Kris.

1 Zn 1:7

Me si nou mars dan lalimier parey kouma limem ki dan lalimier, nou pou viv ini avek nou kamarad, e disan so Garson Zezi lav tou nou pese.

1 Zn 2:7

Mo bann frer ek ser bieneme, mo pa pe ekrir zot enn nouvo komannman, me enn vie komannman ki zot ti deza resevwar depi koumansman. Sa vie komannman-la, limem parol ki zot finn deza tande.

1 Zn 3:24

Dimounn ki obeir komannman Bondie li res ini avek Bondie e Bondie pou prezan dan li. Ala kouma nou kone ki Bondie viv dan nou, par so Lespri ki li finn donn nou.

1 Zn 4:13

Ala kouma nou kone ki nou ini ar Bondie e ki li dan nou: parski li finn donn nou so Lespri.

1 Zn 4:15

Si kikenn konfese ki Zezi limem Garson Bondie, Bondie res ini avek li e li res ini ar Bondie.

1 Zn 4:16

Nou kone e nou krwar ki Bondie kontan nou. Bondie limem lamour. Tou dimounn ki viv dan lamour, li res ini ar Bondie e Bondie viv dan li.

2 Zn 1:2

parski laverite res dan nou e pou res avek nou pou touletan.

2 Zn 1:9

Tou dimounn ki depas limit e pa gard lansegnman Kris, zot pena Bondie dan zot. Dimounn ki gard so lansegnman, zot ini avek Bondie Papa ek so Garson.

3 Zn 1:3

Mo ti bien kontan kan enn bann frer ti vini. Zot ti fer eloz to fidelite e kouma to pe mars dan laverite.

Revelasion 3:11

Mo pe vini biento. Tini ferm avek seki to ena pou ki to pa perdi to kouronn.

Revelasion 3:3

Rapel bien lansegnman ki to finn resevwar e fason ki to finn tann li. Res touzour fidel ar Bondie e sanz to konportman. Si to pa revey twa, mo pou vinn may twa par sirpriz kouma enn voler dan lanwit san ki to kone ki ler.