1 Zn 2:11 - Nouvo Testaman Kreol Morisien Harmonisation NTPS KM

¹¹ Me dimounn ki ayir so frer e so ser, li dan teneb, li mars dan teneb, e li pa kone kot li pe ale, parski teneb finn fer li vinn aveg.

Nouvo Testaman dan Kreol Morisien

¹¹ Me dimoun ki air so frer e so ser, li dan teneb, li mars dan teneb, e li pa kone kot li pe ale, parski teneb finn fer li vinn aveg.

1 Zn 2:11 ပူးပေါင်းရင်းမြစ်များ

Proverb 4:19

Bann move dimounn mars dan sime marenwar; zot kogne, e zot pa kone ar ki.

Zn 12:35

Zezi dir zot, “Lalimier pou res ankor inpe letan avek zot; kontigne marse kan lalimier ankor ar zot, pou ki zot pa tom dan marenwar; parski dimounn ki mars dan nwar, pa kone kot li pe ale.

Zn 12:40

“Bondie finn rann zot lizie aveg, zot leker dir kouma ros, pou ki zot pa trouv kler avek zot lizie, pa konpran avek zot leker, lerla zot pa pou konverti e zot pa pou gagn zot gerizon.”

2 Ko 3:14

Me zot lintelizans ti pe al dan tengn. Mem zordi letan zot lir Ansien Testaman sa vwal-la reste, parski selman par Lekris ki vwal-la tonbe.

2 Ko 4:4

Zot pa krwar parski bondie lemal dan sa lemond-la finn fer zot lespri aveg pou ki zot pa trouv lalimier Bonn Nouvel ki revel laglwar Lekris, ki montre nou kouma Bondie ete exakteman.

Let pou Tit 3:3

Lontan nou pa ti servi nou lespri, nou ti rebel ek dan erer. Nou ti esklav tou sort kalite plezir. Nou ti viv dan lemal ek lanvi. Lezot ti ayir nou, e nou ti ayir zot.

2 Pi 1:9

Me dimounn ki pena sa bann kalite-la, li pa trouv lwin e li parey kouma dimounn aveg ki finn bliye ki tou so bann pese avan finn lave.

1 Zn 1:6

Si nou dir ki nou viv ini avek li letan ki nou pe mars dan teneb, nou koz manti e nou pa pe fer seki vre.

1 Zn 2:10

Dimounn ki kontan so frer ek so ser, li pe viv dan lalimier, e pena nanye dan li ki kapav fer li ek lezot tom dan pese.

1 Zn 2:9

Dimounn ki dir, “Mo dan lalimier,” apre li ayir so frer ek so ser, li ankor dan teneb.

1 Zn 3:15

Seki ayir so frer ou so ser, li enn kriminel, e zot kone ki okenn kriminel pena lavi eternel dan li.

1 Zn 4:20

Si kikenn dir, “Mo kontan Bondie”, apre li ayir so frer ek ser, li enn manter. Si li pa kontan so frer oubien so ser ki li trouve ar so lizie, li pa kapav kontan Bondie ki li pa trouve.

Revelasion 3:17

To dir, ‘Mo ris, mo pe prospere, mo pa bizin nanye.’ An verite to pa kone ki to dan lamizer, malere, pov, aveg ek touni.