1 Tim 6:20 - Nouvo Testaman Kreol Morisien Harmonisation NTPS KM

²⁰ Timote, mo garson, vey bien lor seki Bondie finn konfie twa, evit bann koze dan vid e bann gran-gran deba, ki zot swadizan apel “konesans.”

Nouvo Testaman dan Kreol Morisien

²⁰ Timote, mo garson, vey bien lor seki Bondie finn konfie twa, evit bann koze dan vid e bann gran-gran deba, ki zot swadizan apel “konesans.”

1 Tim 6:20 ပူးပေါင်းရင်းမြစ်များ

Zistwar Bann Zapot 16:1

Pol ti ariv Derb ek List akot ti ena enn disip ki apel Timote. So mama ti enn Zwiv e ti enn krwayan osi. So papa ti enn Grek.

Zistwar Bann Zapot 17:18

De-trwa filozof osi ti koz ar li. Ena filozof Epikiryen, e lezot bann Stoik. Ena dir, “Ki sa ninport-la pe zaze koumsa?” Lezot ki ti pe tann li anons Zezi ek larezireksion ti fer remark, “Koumadir li pe koz lor bann bondie nou pa kone.”

Zistwar Bann Zapot 17:21

Tou bann dimounn Atenn ek bann etranze ki ti viv laba ti pas tou zot letan pa fer nanye, me nek partaz ek ekout bann nouvo lide.

Let pou Romin 1:22

Zot pretann zot saz, me ofet zot finn vinn fou

Let pou Romin 3:2

Dan boukou manier lavantaz-la li gran. Premie dabor Bondie finn konfie zot so mesaz.

1 Ko 2:6

Mo bizin dir kanmem, ki nou servi lasazes pou koz ar dimounn ki finn bien grandi dan zot lafwa. Li pa enn sazes ki sorti dan lemond, ni sazes bann ki pe regne lor sa lemond-la, zot enn bann pwisans ki pe al tengn.

1 Ko 3:19

Lasazes dapre sa lemond-la, li enn foli devan Bondie. Lekritir dir, “Bondie may bann saz dan zot prop riz.”

Let pou Kolosien 2:18

Pa les personn kokin zot laviktwar par bann devosion, par lapriyer ar bann anz lor baz vizion e lintelizans imin ki gonfle ar pretansion.

Let pou Kolosien 2:8

Pran gard ki personn pa piez zot dan bann gran lide, sa bann tronpri ki imin finn invante, anba lanpriz bann lafors ki dan liniver, e ki pena okenn lien avek Lekris.

2 Tes 1:4

Akoz samem nou koz lor zot avek boukou fierte dan Legliz Bondie. Zot pe tini ferm dan zot lafwa malgre tou bann persekision ek detres ki zot ankor pe siporte.

2 Tes 2:15

Mo bann frer ek ser, tini ferm avek sa tradision ki nou finn montre zot la, ki li par parol ou par let.

1 Tim 1:11

Mo tir sa lansegnman-la dan grander Bonn Nouvel ki Bondie Beni, finn konfie mwa.

1 Tim 1:2

Mo pe adres twa sa let-la Timote, twa mo zanfan lwayal dan lafwa; mo demann Bondie Papa ek Zezi Kris nou Segner akord twa so lagras, so pardon ek so lape.

1 Tim 1:4

Anpes zot rakont toutsort kalite zistwar ek koz gran-gran koze lor bann anset parski tousala pa servi nanye. Zis par lafwa ki plan Bondie avanse.

1 Tim 1:6

Ena finn perdi sime e zot lespri finn egare dan bann diskour ninport.

1 Tim 1:9

Lalwa pa konsern bann dimounn ki ena bon kondwit. Li pou bann malfeter ek bann rebel, bann move dimounn ek bann peser, bann ki pena respe ni pou Bondie ni pou bann zafer sakre; pou bann ki touy zot papa zot mama, bann asasin,

1 Tim 4:7

Les dekote bann zistwar payin, bann palab e tou sort komeraz. Abitie twa viv dan latasman avek Bondie.

1 Tim 6:11

Me twa ki reprezant Bondie, evit tousala. Rod lazistis, latasman ar Bondie, lafwa, lamour, pasians ek douser.

1 Tim 6:14

pou vey lor komannman to finn gagne pou ki to san repros kan nou Segner Zezi Kris pou manifeste li.

2 Tim 2:1

Timote, mo garson, les Lekris Zezi rann twa pli for.

2 Tim 2:16

Evit bann diskision steril. Sa elwagn dimounn ar Bondie.

Let pou Tit 1:14

Pa pret atansion ar tou sort kalite zistwar ki bann Zwif pe rakonte ek bann komannman imin ki fer dimounn tourn ledo ar laverite.

Let pou Tit 1:4

Mo adres sa let-la pou twa Tit, mo vre zanfan dan lafwa. Mo priye Bondie nou Papa ek Lekris Zezi nou Sover: ki li amenn lagras ek lape lor twa.

Let pou Tit 1:9

Li bizin tini ferm dan mesaz ki vre, parey kouma ti finn ansegne, pou ki so lansegnman ed dimounn ek koriz bann ki opoz zot.

Let pou Tit 3:9

Evit bann fos largiman, bann long lalis anset, diskision ek lager konsernan Lalwa. Tousa initil.

Revelasion 3:3

Rapel bien lansegnman ki to finn resevwar e fason ki to finn tann li. Res touzour fidel ar Bondie e sanz to konportman. Si to pa revey twa, mo pou vinn may twa par sirpriz kouma enn voler dan lanwit san ki to kone ki ler.