1 Tim 4:15 - Nouvo Testaman Kreol Morisien Harmonisation NTPS KM

¹⁵ Pran tousala aker, donn twa afon dan to travay, persevere. Lerla, tou dimounn pou trouv to progre.

Nouvo Testaman dan Kreol Morisien

¹⁵ Pran tousala aker, donn twa afon dan to travay, persevere. Lerla, tou dimoun pou trouv to progre.

1 Tim 4:15 ပူးပေါင်းရင်းမြစ်များ

Psom 1:2

Okontrer li gagn plezir dan lalwa LESEGNER, e lanwit-lizour li medit lor so lansegnman.

Psom 104:34

Mo espere ki mo meditasion fer li plezir, parski mo dan lazwa akoz li.

Psom 105:5

Rapel bann mervey ki li finn fer, so bann mirak ek bann zizman li finn prononse,

Psom 119:148

Aswar mo pa dormi pou mo kapav medite, mo medit lor tou to bann lansegnman.

Psom 119:15

Mo etidie to bann instriksion e fixe mo regar lor sime ki to montre mwa.

Psom 119:23

Bann dirizan zwenn pou konplote kont mwa me mwa mo prefer etidie to lansegnman.

Psom 119:48

Mo respekte ek kontan to lansegnman e mo pou medit lor to bann exizans.

Psom 119:97

O komie mo kontan to lalwa! Lanwit-lizour mo medit lor to lalwa.

Psom 119:99

Parfwa mo konpran plis ki profeser parski mo touletan pe medit lor to lansegnman.

Psom 143:5

Mo rapel bien lepase; mo rapel bien to bann explwa extraordiner; mo medit lor louvraz to lame.

Psom 19:14

Fer ki parol mo labous e meditasion mo leker zot akseptab devan twa, O SEGNER, tomem mo protekter ek mo liberater.

Psom 49:3

Mo pou dir zot klerman parol lour ar sazes; anplis, mo leker pou exprim bann konesans profon.

Psom 63:6

Kan mo pe alonze lor lili mo pa aret pans twa; tout lanwit mo medit lor twa

Psom 77:12

mo pou medit lor tou seki to finn fer; mo pou reflesi lor tou to bann gran explwa.

Mt 5:16

Dan samem fason, les to lalimier briye devan tou dimounn, pou ki zot kapav trouv to bann bienfe e loue to Papa dan lesiel.

Zistwar Bann Zapot 6:4

Koumsa nou kapav kontign lapriyer ek predikasion.”

1 Ko 16:15

Frer ek ser, zot kone ki Stefanas ek so fami ti bann premie konverti dan Akai. Zot finn devwe zotmem pou servi lepep Bondie. Mo sipliye zot, frer ek ser,

2 Ko 4:14

parski nou kone ki Bondie ki finn resisit Lesegner Zezi pou resisit nou osi avek Zezi, e pou amenn nou, ansam ar zot, dan so prezans.

2 Ko 8:5

Li ti plis ki nou ti espere. Dabor bann-la finn donn zotmem Lesegner, apre par volonte Bondie zot finn donn nou zotmem.

1 Tim 4:14

Pa negliz don lagras ki to finn resevwar kan bann profet ti pronons parol dan to faver e group bann ansien ti inpoz lame lor twa.

1 Tim 4:16

Vey lor twa ek lansegnman ki to done. Persevere. Koumsa mem to pou sov tomem anmemtan ki to sov bann ki ekout twa.

1 Tim 4:6

Si to expoz tou sa bann parol-la ar bann frer ek ser, to pou vinn enn bon serviter Zezi Kris. Zot pou trouve ki to pe nouri twa avek Parol lafwa e ki to pe swiv bon lansegnman avek serye.

Let pou Tit 2:14

Li finn donn so lavi pou nou afin ki li tir nou dan pese ek fer nou vinn so sel pep ki destine pou fer lebien.