1 Tes 2:17 - Nouvo Testaman Kreol Morisien Harmonisation NTPS KM

¹⁷ Mo bann frer ek ser, mem si nou finn separe fizikman ar zot pou enn ti letan, zot touzour dan nou panse. Pandan sa letan-la zot ti mank nou boukou, me nou ti ena enn gran dezir pou retrouv zot ankor.

Nouvo Testaman dan Kreol Morisien

¹⁷ Mo bann frer ek ser, mem si nou finn separe fizikman ar zot pou enn ti letan, zot touzour dan nou panse. Pandan sa letan la zot ti mank nou boukou, me nou ti ena enn gran dezir pou retrouv zot ankor.

1 Tes 2:17 ပူးပေါင်းရင်းမြစ်များ

Psom 63:1

Bondie, tomem mo Bondie, kouma soley leve, mo leker rod twa. Mo dezir to prezans. Mo lekor an-antie ena swaf to prezans; kouma later desese rod dilo.

Lk 12:58

Letan to pe al kot mazistra avek dimounn ki pe akiz twa la, fer manier tom enn laranzman ar li lor sime mem; sinon li pou trenn twa devan ziz, ziz pou met twa dan lame lapolis, e lapolis pou zet twa dan prizon.

Lk 22:15

Li dir zot, “Mo finn vremem swete manz sa repa Pak la avek zot avan mo al konn lasoufrans.

Zistwar Bann Zapot 17:10

Kouma fer nwar, bann frer avoy Pol ek Silas dan lavil Bere. Kan zot ariv laba zot al dan sinagog bann Zwif.

Let pou Romin 1:13

Bann frer, bann ser, mo anvi ki zot konpran ki souvan mo finn fer plan pou vinn kot zot, me sak fwa kiksoz anpes mwa. Mo ti anvi ki mo travay port so fri kot zot parey kouma kot bann lezot nasion.

Let pou Romin 15:23

Aster-la mo travay dan rezion isi finn termine. Depi plizir lane mo pe anvi rann zot vizit.

1 Ko 5:3

Mem si fizikman mo pa prezan, mo avek zot dan lespri. Mo finn fini donn mo zizman lor dimounn ki finn fer sa la, komsi mo prezan.

Let pou Kolosien 2:5

Li vre ki mo lekor absan, me mo lespri ar zot e mo kontan trouv zot fidel e ferm dan zot lafwa pou Lekris.

1 Tes 3:6

Me, Timote fek retourne depi kot zot avek bann bon nouvel lor zot lafwa ek zot lamour. Li finn dir nou osi ki zot pe touzour pans nou e pe anvi retrouv nou parey kouma nou osi nou anvi retrouv zot.