1 Pi 3:20 - Nouvo Testaman Kreol Morisien Harmonisation NTPS KM

²⁰ Sa bann lespri-la, dan letan lontan, pa ti obeir Bondie kan li ti pe atann ar boukou pasians dan lepok Noe ti pe aranz lars. Enn tigit dimounn, zis wit, ti sap dan deliz.

Nouvo Testaman dan Kreol Morisien

²⁰ Sa bann lespri la, dan letan lontan, pa ti obeir Bondie kan li ti pe atann ar boukou pasians dan lepok Noe ti pe aranz lars. Enn tigit dimoun, zis wit, ti sap dan deliz.

1 Pi 3:20 ပူးပေါင်းရင်းမြစ်များ

Mt 7:14

Parski laport etrwat ek sime lavi li dir, e tigit dimounn pran sa sime-la.

Lk 12:32

Pa gagn per, ti troupo, parski Bondie kontan pou donn zot so Rwayom.

Zistwar Bann Zapot 2:41

Boukou seki finn krwar sa mesaz-la ti resevwar batem, e sa zour-la anviron trwa-mil dimounn ti azoute ar group bann krwayan.

Let pou Romin 9:22

Bondie ti anvi montre so koler e fer konn so pwisans. Li ti siport avek enn gran pasians bann lobze ki merit so koler, seki ti pe al ver destriksion.

Ef 5:26

pou sanktifie li; pou pirifie Legliz, li finn lav li dan dilo, e par so parol,

Eb 11:7

Par so lafwa, Noe finn tann warning Bondie lor kitsoz ki pou arive, ki li pa ti ankor trouve. Li finn obeir Bondie e finn aranz enn bato, e sa bato-la finn permet li sov lavi so fami. Par sa, Noe finn kondann lemond, e akoz so lafwa, Bondie finn konsider li kouma enn eritie lazistis.

1 Pi 1:22

Aster ki zot finn pirifie zot lam par obeisans ki zot ena pou laverite, pratik enn lamour sinser. Kontan touzour zot kamarad ar enn leker kler.

1 Pi 1:9

parski zot pe rekolte fri zot lafwa; delivrans zot lam.

1 Pi 2:25

Wi, zot ti bann brebi egare, me aster-la zot finn retourn kot berze ki gardien zot lam.

1 Pi 3:19

e dan sa leta spiritiel-la, li finn al pres ar bann lespri anprizone.

1 Pi 4:19

Alor bann ki pe soufer akoz volonte Bondie, ki zot kontigne fer seki bien e zot soumet devan zot Kreater ki gard touzour so promes.

2 Pi 2:5

e li pa finn epargne sa vie lemond-la, me li finn avoy enn gran deliz lor so bann move abitan, e li finn sov lavi wit dimounn, parmi Noe, enn predikater lazistis.

2 Pi 3:15

Zot bizin konsider pasians nou Segner kouma enn lokazion pou nou akeyir delivrans Bondie, parey kouma nou frer Pol finn ekrir avek lasazes ki Bondie finn donn li.