1 Pi 3:14 - Nouvo Testaman Kreol Morisien Harmonisation NTPS KM

¹⁴ Me, mem si zot soufer pou fer dibien, Bondie pou beni zot. Pa bizin per personn e pa kas latet,

Nouvo Testaman dan Kreol Morisien

¹⁴ Me, mem si zot soufer pou fer dibien, Bondie pou beni zot. Pa bizin per personn e pa kas latet,

1 Pi 3:14 ပူးပေါင်းရင်းမြစ်များ

Proverb 3:25

Pa bizin per kan tanpet bate; pa trakase kan siklonn kraz lor bann move dimounn.

Mt 10:28

Pa per bann ki touy lekor imin, me ki pa kapav touy so nam; okontrer per seki kapav detrir toule-de, nam ek lekor dan lanfer.

Mt 10:31

Alor, pa bizin per, zot ena plis valer ki enn mwano.”

Mt 10:39

Seki anvi sov so lavi, pou perdi li; me seki perdi so lavi akoz mwa, pou gagn li.”

Mt 16:25

Seki oule sov so lavi pou perdi li, e seki perdi so lavi akoz mwa pou sov li.

Mt 19:29

Dimounn ki finn kit lakaz, frer, ser, papa, mama, zanfan ek zot later akoz mwa, pou resevwar san fwa plis e zot pou erit lavi eternel.

Mk 10:29

Zezi reponn, “Laverite, laverite mo pe dir zot, personn pa pou kit so lakaz, so frer, so ser, so mama, so papa, so zanfan, so later, akoz mwa ek Bonn Nouvel,

Mk 8:35

Dimounn ki anvi sov so lavi, pou perdi li; seki perdi so lavi akoz mwa ek Bonn Nouvel, pou sov li.

Zn 14:1

“Pa bizin zot boulverse; krwar dan Bondie, krwar osi dan mwa.

Zn 14:27

Shalom, mo donn zot mo lape, pa manier lemond me dan mo manier. Pa boulverse, pa gagn per.

Zistwar Bann Zapot 9:16

Momem mo pou montre li ki kantite li bizin soufer pou mwa.”

2 Ko 12:10

Akoz sa, pou Lekris, mo satisfe avek febles, insilt, detres, persekision ek langwas. Kan mo feb, lerla mem ki mo for.

Let pou Filipien 1:29

Zot finn gagn privilez pou non selman krwar dan Kris me osi soufer pou li.

Let Zak 1:12

Li pou bienere sa dimounn ki tini ferm dan leprev. Bann ki prouve zot ferm pou resevwar kouronn laviktwar ki Bondie finn promet bann ki kontan li.

Let Zak 5:11

Nou deklar bann-la bienere parski zot finn ena landirans. Zot finn tann landirans Zob e zot finn trouve seki Bondie finn fer, kouma li finn montre konpasion ek mizerikord pou li.

1 Pi 3:6

Koumsa mem Sara ti obeir Abraam e ti apel li Segner. Aster-la zot, so bann tifi, fer seki bon e zot pa les lafreyer paraliz zot lespri.