1 Pi 2:19 - Nouvo Testaman Kreol Morisien Harmonisation NTPS KM

¹⁹ Li enn benediksion si, par respe pou Bondie, zot siport bann soufrans ki zot pa merite.

Nouvo Testaman dan Kreol Morisien

¹⁹ Li enn benediksion si, par respe pou Bondie, zot siport bann soufrans ki zot pa merite.

1 Pi 2:19 ပူးပေါင်းရင်းမြစ်များ

Psom 119:86

To bann instriksion ranpli ar laverite. Mo lennmi pe persekit mwa san okenn rezon; ed mwa!

Psom 35:19

Pa les mo lennmi selebre laviktwar lor mwa, Pa les bann ki ena zis laenn dan leker gagn lamizman dan mo maler.

Psom 38:19

Mo bann lennmi paret bien for. Parmi, boukou ayir mwa san rezon.

Psom 69:4

Bann ki ayir mwa san rezon zot pli boukou ki seve lor latet. Mo lennmi koz manti lor mwa; zot for, e zot pe konplote pou touy mwa. Zot ti oule mo rann seki zame mo ti kokin.

Lk 6:32

Si to kontan zis bann seki kontan twa, ki rekonesans to merite ladan? Parski mem bann peser kontan seki kontan zot.

Zn 15:21

Me bann-la pou fer tousala parski zot ar mwa e parski bann-la pa konn Sa-Enn ki finn avoy mwa la.

Zistwar Bann Zapot 11:23

Letan li ariv laba li trouv lagras Bondie, li ti bien-bien kontan. Li ti ankouraz zot tou pou res fidel ar Lesegner ar tou zot leker.

Let pou Romin 13:5

Akoz sa bizin obeir lotorite, pa selman pou evit pinision, me osi par devwar konsians.

1 Ko 15:10

Me par lagras Bondie mo finn vinn seki mo ete. Sa lagras ki li finn akord mwa la, li pa dan vid. Okontrer, mo finn travay plis ki tou lezot Zapot; non, pa mwa, me lagras Bondie ki avek mwa.

2 Ko 1:12

Rasinn nou fierte, se temwaniaz nou konsians: nou konportman dan lemond e avek zot li nouri par sinserite ek pirte ki Bondie donn nou. Nou pa gide par sazes imin me par lagras Bondie.

2 Ko 8:1

Bann frer ek bann ser, nou anvi ki zot kone kouma lagras Bondie finn manifeste dan bann Legliz Masedwann.

2 Tim 1:12

Akoz samem zordi mo pe soufer. Me mo touzour konfian, mo napa per, mo kone dan ki mo finn met mo lafwa e mo sir e sertin ki li pou vey lor mwa ziska Gran Zour-la vini.

Eb 10:2

Sinon zot ti pou finn aret ofer sakrifis, parski dimounn ki finn pirifie enn fwa pourtou, pa ti pou ena move konsians.

1 Pi 2:20

Ofet ki merit zot ena si zot siport bann kou kan zot finn fer ditor? Me si, apre ki zot finn fer dibien, zot ena pou soufer, sa li enn lagras devan Bondie.

1 Pi 4:15

Ki personn parmi zot pa soufer akoz li enn kriminel, enn voler, enn bandi ou akoz li finn mel dan zafer ki pa regard li.