1 Ko 5:10 - Nouvo Testaman Kreol Morisien Harmonisation NTPS KM

¹⁰ Mo pa ekrir sa lor bann dimounn dan lemond ki imoral, gourman, voler ou adorater idol. Dan sa ka-la zot ti pou bizin kit lemond sorti ale.

Nouvo Testaman dan Kreol Morisien

¹⁰ Mo pa ekrir sa lor bann dimoun dan lemonn ki imoral, gourman, voler ou adorater idol. Dan sa ka la zot ti pou bizin kit lemonn sorti ale.

1 Ko 5:10 ပူးပေါင်းရင်းမြစ်များ

Lk 18:11

Farizien-la ti pe dibout enn kote, apar, e li ti pe priye dan so leker, ‘Bondie, mo remersie twa ki mo pa kouma bann lezot dimounn, voler, explwater, adilter, e sirtou pa kouma sa komi tax-la.

Zn 15:19

Si zot ti viv pou lemond, lerla lemond ti pou konsider zot kouma so prop zanfan; me zot pa pou lemond; mwa, mo finn swazir zot, mo finn tir zot dan lemond. Akoz samem lemond ayir zot.

Zn 17:6

Mo finn fer tou dimounn ki to finn donn mwa lor later, konn to nom; zot ti pou twa, to finn donn mwa zot tou e zot finn gard to Parol.

Zn 17:9

Mo priye pou zot; mo pa pe priye pou lemond me mo priye pou tou seki to finn konfie mwa, parski zot tou pou twa.

Zn 8:23

Li dir zot, “Zot finn pran zot lorizinn lor later, mwa mo lorizinn lao; zot lonbri atase ar sa lemond-la, mwa mo pa atase.

1 Ko 1:20

Kot dimounn saz ete? Kot dokter lalwa ete? Bann ki fer gran-gran diskour zordi, kot zot? Eski Bondie pa finn rann bet lasazes sa lemond-la?

1 Ko 10:27

Si enn non-krwayan invit twa pou pran enn repa e twa to anvi ale, manz seki li servi twa san poz kestion konsians.

1 Ko 5:11

Mo ti pe rod dir zot pa asosie zot ar kikenn ki dir li enn krwayan, me ki pe viv enn lavi debos, li enn rapas, li ador bann idol, li insilte ek abiz so prosin, li enn soular ou enn voler. Fode pa manz ansam ar enn dimounn koumsa.

1 Ko 5:9

Dan let ki mo ti ekrir avan, mo ti dir zot ki fode pa ki zot asosie zotmem ar dimounn ki viv dan imoralite.

2 Ko 4:4

Zot pa krwar parski bondie lemal dan sa lemond-la finn fer zot lespri aveg pou ki zot pa trouv lalimier Bonn Nouvel ki revel laglwar Lekris, ki montre nou kouma Bondie ete exakteman.

Ef 2:2

Lontan zot ti pe viv sa lavi-la; sa lepok-la zot ti pe swiv bondie sa lemond-la, sa prins ki ant lesiel ek later, sa lespri ki pe azir aster parmi bann ki opoz Bondie.

Let pou Filipien 2:15

pou ki zot vinn bann zanfan Bondie san defo e san repros omilie sa lemond move ek perverti la. Zot bizin briye parmi zot kouma zetwal dan lesiel.

1 Zn 4:5

Bann-la sorti dan lemond, alors tou seki zot dir sorti dan lemond e lemond ekout zot.

1 Zn 4:7

Mo bann frer ek ser bieneme, nou bizin kontan nou kamarad, parski lamour sorti kot Bondie. Dimounn ki kontan so kamarad, li sorti kot Bondie e li konn Bondie.

1 Zn 5:19

Nou kone ki nou zanfan Bondie, e lemond antie li dan pouvwar Lemal.

Revelasion 12:9

Sa gro dragon-la ti perdi so plas. Sa vie serpan ki zot ti apel diab, ou Satan, sedikter lemond la, li avek so bann anz ti perdi zot plas dan lesiel.