1 Ko 4:10 - Nouvo Testaman Kreol Morisien Harmonisation NTPS KM

¹⁰ Nou enn bann fou akoz Lekris, me zot, zot bann saz dan linion avek Lekris; nou feb, me zot, zot for; nou gagn dezoner, alor ki zot, zot gagn loner.

Nouvo Testaman dan Kreol Morisien

¹⁰ Nou enn bann fou akoz Lekris, me zot, zot bann saz dan linion avek Lekris; nou feb, me zot, zot for; nou gagn dezoner, alor ki zot, zot gagn loner.

1 Ko 4:10 ပူးပေါင်းရင်းမြစ်များ

Proverb 11:12

To bet, si to fer vantar ar to prosin; bann dimounn ki ena disernman kone kan bizin res trankil.

Mt 24:9

Dimounn pou livre zot, pou touy zot e tou bann nasion pou ayir zot akoz mo nom.

Mt 5:11

Zot pou Bienere kan dimounn insilte zot, persekit zot ek mal parl zot parski zot krwar dan mwa.

Lk 10:16

Seki ekout zot, ekout mwa; seki rezet zot, rezet mwa, e seki rezet mwa, rezet Sa-Enn ki finn avoy mwa la.”

Lk 18:9

Zezi ti rakont sa parabol-la pou dimounn ki krwar zot drwat e ki ena mepri pou lezot.

Lk 6:22

Bienere kan dimounn ayir zot, e kan met zot deor, insilte zot, abes zot, mal parl zot akoz Garson Limanite.

Zistwar Bann Zapot 17:18

De-trwa filozof osi ti koz ar li. Ena filozof Epikiryen, e lezot bann Stoik. Ena dir, “Ki sa ninport-la pe zaze koumsa?” Lezot ki ti pe tann li anons Zezi ek larezireksion ti fer remark, “Koumadir li pe koz lor bann bondie nou pa kone.”

Zistwar Bann Zapot 17:32

Aster kan zot finn tann rezireksion bann mor, ena ti riye; me lezot ti dir, “Nou pou ekout twa enn lot fwa lor sa size-la.”

Zistwar Bann Zapot 26:24

Alors ki Pol ti ankor pe defann li dan sa manier-la, Festis kriye bien for, “Pol, to fou. Tou seki to finn aprann pe rann twa fou.”

Zistwar Bann Zapot 9:16

Momem mo pou montre li ki kantite li bizin soufer pou mwa.”

1 Ko 1:21

Bann imin avek tou zot sazes pa finn kapav rekonet Bondie, la kot li finn manifeste so sazes. Akoz sa ki Bondie finn desid pou sov seki krwar par so mesaz swadizan fou.

1 Ko 1:23

me nou, nou proklam Lekris krisifie. Sa li enn mesaz ki kree skandal parmi bann Zwif, ek li enn foli pou bann Grek.

1 Ko 1:25

Foli Bondie pli saz ki sazes bann zom, ek febles Bondie pli for ki lafors bann zom.

1 Ko 10:12

Alors si to krwar to pe tini ferm, fer atansion ki to pa tonbe.

1 Ko 2:14

Dimounn ki pena Lespri pa aksepte bann kiksoz ki Lespri Bondie done, parski li paret enn foli pou li. Li inposib konpran sa bann don-la parski bizin Lespri Bondie pou konpran sa.

1 Ko 2:3

Akoz sa mo finn vinn kot zot kouma enn dimounn feb, ki pe tranble.

1 Ko 3:18

Fode ki personn pa tom dan lerer. Si ena parmi zot krwar ki li saz dapre sistem lemond, ki li vinn enn fouka dabor pou lerla li vremem vinn enn saz.

1 Ko 3:2

Mo finn donn zot dile, ki pa enn manze solid, parski zot pa ti pare pou sa. Ofet, mem aster-la zot pa ankor pare pou siport manze solid.

1 Ko 4:8

Zot deza ena tou seki zot oule! Zot deza finn vinn ris! Zot finn vinn bann lerwa, alor ki nou, nou bann nanye ditou! A, si selman zot ti vremem bann lerwa! Koumsa nou ti pou kapav lerwa nou osi ansam ar zot.

2 Ko 10:10

Dimounn dir, “Let Pol bien dir ek sever; me kan li parmi nou li feb ek so koze bat dan vid.”

2 Ko 11:19

Zot ki saz, zot aksepte seki fou.

2 Ko 11:29

Si kikenn feb, mo santi mwa feb osi; si kikenn tonbe, mo santi douler-la.

2 Ko 13:9

Nou dan lazwa kan nou, nou feb, me zot, zot for. Dan nou lapriyer, nou demann ki zot vinn parfe.

2 Ko 4:12

Savedir lamor pe fer so travay dan nou, me lavi pe fer so travay dan zot.

2 Ko 6:8

Nou gagn laglwar e nou gagn dezoner, nou gagn insilt e nou gagn louanz. Tret nou kouma manter, pourtan nou dir laverite;

1 Tes 4:8

Akoz samem, dimounn ki rezet sa lansegnman-la, li pa pe rezet enn zom me Bondie ki donn osi so Lespri Sin.

1 Pi 4:14

Sa enn benediksion pou zot si zot pe gagn insilte akoz zot disip Kris, savedir Lespri Bondie ek Lespri so laglwar res ar zot.