1 Ko 2:9 - Nouvo Testaman Kreol Morisien Harmonisation NTPS KM

⁹ Me kouma Lekritir deklare, “Seki lizie pa finn trouve, seki zorey pa finn tande, seki okenn dimounn pa finn panse kapav arive, samem ki Bondie finn prepare pou dimounn ki kontan li.”

Nouvo Testaman dan Kreol Morisien

⁹ Me kouma Lekritir deklare, “Seki lizie pa finn trouve, seki zorey pa finn tande, seki okenn dimoun pa finn panse kapav arive, samem ki Bondie finn prepare pou dimoun ki kontan li.”

1 Ko 2:9 ပူးပေါင်းရင်းမြစ်များ

Psom 31:19

Li vreman gran sa bonte ki to rezerve pou dimounn ki ena respe pou twa! Devan lizie tou dimounn to montre to bonte pou bann ki fer twa konfians.

Mt 20:23

Li reponn zot, “Koup ki mo pou bwar, zot pou bwar, me pou kone kisann-la pou asiz dan mo kote drwat ek gos, sa li pa depann lor mwa. Bondie, mo papa finn rezerv sa bann plas-la pou sertin dimounn ki li anvi.”

Mt 25:34

Alor lerwa pou dir ar bann ki dan kote drwat, ‘Vini, zot ki mo papa finn beni. Resevwar rwayom ki Bondie finn prepare pou zot depi kreasion lemond.

Zn 3:16

Bondie finn telman kontan lemond, ki li finn donn so Sel Garson pou ki tou dimounn ki krwar dan Li, pa mor me gagn lavi eternel.

Let pou Romin 8:28

Nou kone ki Bondie pou servi tou kiksoz pou bienet bann dimounn ki kontan li, ki li finn apele dapre so plan.

Eb 11:16

Me an realite, zot ti anvi enn pei pli meyer, setadir, enn pei dan lesiel mem. Akoz samem Bondie pa onte ki zot apel li zot Bondie; parski li finn prepar enn lavil pou zot.

Let Zak 1:12

Li pou bienere sa dimounn ki tini ferm dan leprev. Bann ki prouve zot ferm pou resevwar kouronn laviktwar ki Bondie finn promet bann ki kontan li.

Let Zak 2:5

Mo bann frer ek ser bieneme, ekout mwa: Bondie finn swazir bann ki pov dapre lemond pou ki zot vinn ris dan lafwa e posed rwayom ki finn promet bann ki kontan li.

1 Pi 1:12

Bondie ti revel ar bann profet ki zot pa ti pe servi zot prop lintere, me ti pou zot ki li ti transmet sa mesaz ki ti finn deza anonse par pwisans Lespri Sin depi dan lesiel. Mem bann anz ti anvi konn sa mesaz-la.

1 Zn 4:19

Nou, nou kontan nou kamarad parski Bondie finn kontan nou an premie.