1 Ko 2:14 - Nouvo Testaman Kreol Morisien Harmonisation NTPS KM

¹⁴ Dimounn ki pena Lespri pa aksepte bann kiksoz ki Lespri Bondie done, parski li paret enn foli pou li. Li inposib konpran sa bann don-la parski bizin Lespri Bondie pou konpran sa.

Nouvo Testaman dan Kreol Morisien

¹⁴ Dimoun ki pena Lespri pa aksepte bann kiksoz ki Lespri Bondie done, parski li paret enn foli pou li. Li inposib konpran sa bann don la parski bizin Lespri Bondie pou konpran sa.

1 Ko 2:14 ပူးပေါင်းရင်းမြစ်များ

Proverb 14:6

Bann dimounn vantar zame pou vinn saz; me bann ki intelizan e reflesi, zot aprann vit.

Mt 16:23

Me li vire e li dir Pier, “Pas deryer mwa, Satan! To enn gro ros lor mo sime parski to pa pans kouma Bondie me kouma imin.”

Zn 10:20

Boukou parmi zot dir, “Ena enn demon lor li, li fou, ki fer zot ekout li?”

Zn 12:37

Malgre tou bann sign ki li finn fer devan zot, zot kontign pa krwar dan li.

Zn 14:17

Limem Lespri laverite. Lemond pa kapav resevwar li parski li pa trouv li e pa konn li. Zot, zot konn li parski li res ar zot e li dan milie zot.

Zn 14:26

Me Sa-Enn ki pou defann zot la, limem Lespri Sin ki mo Papa pou avoy lor mo nom. Li, li pou montre zot tou kiksoz e li pou fer zot rapel tou seki mo finn dir zot.

Zn 15:26

Kan Sa-Enn ki pou defann zot la pou vini, li pou donn so temwaniaz lor mwa. Li sorti kot mo Papa; mo pou avoy li e limem Lespri laverite.

Zn 5:44

Kouma zot kapav ena lafwa, zot ki kontan resevwar grander ant zotmem e pa pe rod grander ki sorti kot sel vre Bondie?

Zn 8:43

Kifer, zot pa konpran seki mo pe dir zot? Se parski zot pa kapav aksepte mo parol.

Zistwar Bann Zapot 16:14

Parmi zot ti ena enn fam ki apel Lidia, enn abitan Tiatir. Li ti enn marsan letof gran valer, li ti ador Bondie. Lesegner ti prepar so leker pou li ekout Pol avek atansion.

Zistwar Bann Zapot 17:18

De-trwa filozof osi ti koz ar li. Ena filozof Epikiryen, e lezot bann Stoik. Ena dir, “Ki sa ninport-la pe zaze koumsa?” Lezot ki ti pe tann li anons Zezi ek larezireksion ti fer remark, “Koumadir li pe koz lor bann bondie nou pa kone.”

Zistwar Bann Zapot 17:32

Aster kan zot finn tann rezireksion bann mor, ena ti riye; me lezot ti dir, “Nou pou ekout twa enn lot fwa lor sa size-la.”

Zistwar Bann Zapot 18:15

me parski sa zafer-la konsern bann parol ek bann nom, ek zot prop lalwa, debrouy zot; mo refiz ziz sa bann zafer-la.”

Zistwar Bann Zapot 25:19

Okontrer, zot ti pe diskit zot larelizion, ek lor kikenn ki apel Zezi ki zot ti dir finn mor, me ki Pol pretann li vivan.

1 Ko 1:18

Parski mesaz lor lamor Lekris lor lakrwa li enn foli pou seki dan perdision, me pou nou ki Bondie pe sove, sa parol-la samem pwisans Bondie.

1 Ko 1:21

Bann imin avek tou zot sazes pa finn kapav rekonet Bondie, la kot li finn manifeste so sazes. Akoz sa ki Bondie finn desid pou sov seki krwar par so mesaz swadizan fou.

1 Ko 1:23

me nou, nou proklam Lekris krisifie. Sa li enn mesaz ki kree skandal parmi bann Zwif, ek li enn foli pou bann Grek.

1 Ko 1:25

Foli Bondie pli saz ki sazes bann zom, ek febles Bondie pli for ki lafors bann zom.

1 Ko 15:44

anter li kouma enn lekor natirel, li resisite kouma enn lekor spiritiel. Si ena enn lekor natirel, ena enn lekor spiritiel.

1 Ko 15:46

Pa spiritiel ki vinn avan, me materyel; spiritiel vinn apre.

1 Ko 2:12

Nou pa finn resevwar lespri lemond, me Lespri ki sorti kot Bondie pou ki nou kapav rekonet bann don ki li donn nou dan so bonte.

1 Ko 3:1

Frer, ser; mo pa finn kapav koz ar zot kouma bann dimounn ki ena Lespri, me kouma bann dimounn dan lemond, kouma bann ti-baba dan lafwa Kretien.

Let Zak 3:15

Enn lasazes parey pa sort dan lesiel; li sorti depi later, li imin ek mem diabolik.

1 Zn 2:20

Me zot, zot finn resevwar lonksion ki sorti kot Sa-Enn ki Sin e zot ena konesans laverite.

1 Zn 2:27

Me zot, sa lonksion ki Lekris finn vers lor zot la, li kontign res ar zot. Kouma zot ena so Lespri dan zot, zot pa bizin enn lot dimounn pou ansegn zot. Anfet, Lespri ansegn zot lor tou kiksoz e tou seki li ansegn zot li vre, li pa fos. Samem zot bizin obeir lansegnman ki sorti kot Lespri: res touzour ini avek Lekris.

1 Zn 5:20

E nou kone ki Garson Bondie finn vini, li finn donn nou lintelizans pou ki nou konn vre Bondie. Nou res ini avek vre Bondie, ini avek so Garson Zezi Kris. Limem vre Bondie e lavi eternel.

Let Zid 1:19

Samem bann dimounn ki fer divizion. Zot swiv zot linstin natirel, zot pena Lespri Sin.