1 Ko 15:19 - Nouvo Testaman Kreol Morisien Harmonisation NTPS KM

¹⁹ Si lesperans ki nou ena dan Lekris li zis pou sa lavi-la, noumem bann dimounn pli malere ki kapav ena.

Nouvo Testaman dan Kreol Morisien

¹⁹ Si lesperans ki nou ena dan Lekris li zis pou sa lavi la, noumem bann dimoun pli malere ki kapav ena.

1 Ko 15:19 ပူးပေါင်းရင်းမြစ်များ

Psom 17:14

Protez mwa kont sa kalite dimounn la, ki rasazie ar ramas dibien olie fer lebien; fer ki zot zanfan ek ti zanfan ranpli zot vant ziska zot rasazie.

Mt 24:9

Dimounn pou livre zot, pou touy zot e tou bann nasion pou ayir zot akoz mo nom.

Lk 21:34

“Pran kont pou ki zot leker pa angourdi par toutsort kalite kiksoz, par labwason ek bann difikilte lavi, sinon Gran Zour-la pou tom lor zot san ki zot atann,

Lk 8:14

Seki tom dan pikan, sa bann ki tande, me kan traka, larises ek plezir lavi vini, li touf zot; zot fri pa mir.

Zn 16:2

Bann-la pou met zot deor dan sinagog. Me ler pe vini kot dimounn, ki pou touy zot, pou krwar ki zot pe servi Bondie kan zot pe fer sa,

Zn 16:33

Mo finn dir zot tousala pou zot gagn lape an mwa. Lemond pou fer zot soufer; me gard kouraz, mo finn sorti vinker lor lemond.”

Zistwar Bann Zapot 14:22

Zot ti fortifie ek ankouraz bann disip pou res ferm dan lafwa. Zot dir, “Nou bizin pas par boukou difikilte pou nou kapav rant dan Rwayom Bondie.”

1 Tes 1:3

Devan nou Bondie ek Papa nou rapel seki zot finn fer akoz zot lafwa, kouma zot finn travay dir akoz zot lamour pou Zezi e kouma zot finn tini ferm dan lesperans pou Zezi Kris.

2 Tim 1:12

Akoz samem zordi mo pe soufer. Me mo touzour konfian, mo napa per, mo kone dan ki mo finn met mo lafwa e mo sir e sertin ki li pou vey lor mwa ziska Gran Zour-la vini.

2 Tim 2:4

Enn vre solda pa mel li ar lavi sivil. Li travay zis pou so sef.

2 Tim 3:12

Tou dimounn ki vremem oule viv dan Lekris pou gagn persekision dan zot lavi.

1 Pi 1:21

Par li, zot krwar dan Bondie ki finn resisit li parmi bann mor e finn donn li laglwar pou ki zot lafwa ek zot lesperans repoz dan Bondie.

Revelasion 14:13

Apre sa mo tann enn lavwa dan lesiel ki dir, “Ekrir sa: Beni bann ki aster-la finn mor dan linion ar Zezi Kris! Wi, ki zot repoze apre zot travay parski zot bann bon aksion swiv zot.”