1 Ko 15:14 - Nouvo Testaman Kreol Morisien Harmonisation NTPS KM

¹⁴ E si Lekris pa finn resisite, nou predikasion pena sans, e zot lafwa dan vid.

Nouvo Testaman dan Kreol Morisien

¹⁴ E si Lekris pa finn resisite, nou predikasion pena sans, e zot lafwa dan vid.

1 Ko 15:14 ပူးပေါင်းရင်းမြစ်များ

Psom 73:13

Savedir pou nanye mo finn res prop. Pou nanye mo finn lav mo lame pou montre mo inosans.

Mt 15:9

Zot lapriyer pena valer, parski zot ansegn doktrinn bann imin.’ ”

Zistwar Bann Zapot 17:31

parski li finn fixe enn zour kot li pou ziz lemond avek zistis par enn zom ki li finn swazir; e pou sa, li finn donn lasirans tou dimounn par aksion ki li finn fer, li finn relev li parmi bann mor.”

1 Ko 15:13

Si pena rezireksion bann mor, alor dan sa ka-la mem Lekris pa finn resisite.

1 Ko 15:17

E si Lekris pa finn resisite, zot lafwa li dan vid, e zot ankor dan zot pese.

1 Ko 15:2

Par sa Bonn Nouvel-la ki zot sove, si zot res atase dan enn fason ferm ar parol ki mo finn anonse. Sinon, savedir zot finn krwar dan vid.

Ga 2:2

Mo finn monte apre enn revelasion ki mo finn gagne. Mo finn prezant bann-la Bonn Nouvel ki mo anonse parmi bann non-Zwif. Mo ti fer sa dan enn renion prive ar bann dirizan pli inportan. Mo pa ti anvi ki travay ki mo finn fer, ek seki mo pe fer aster-la, zot initil e pa servi nanye.

1 Tes 4:14

Nou krwar ki Zezi finn mor e resisite, alor atraver Zezi, Bondie pou revey bann ki finn mor dan Lesegner.

Let Zak 1:26

Si kikenn krwar li enn relizie e li pa vey so lalang, li pe tronp limem, so larelizion pena okenn valer.

Let Zak 2:20

Zokris! To anvi kone si lafwa san bann aksion li initil?