1 Ko 14:37 - Nouvo Testaman Kreol Morisien Harmonisation NTPS KM

³⁷ Si kikenn panse ki li enn profet, oubien ki li ena enn don ki Lespri done, li bizin rekonet ki dan seki mo pe ekrir ena komannman Lesegner.

Nouvo Testaman dan Kreol Morisien

³⁷ Si kikenn panse ki li enn profet, oubien ki li ena enn don ki Lespri done, li bizin rekonet ki dan seki mo pe ekrir ena komannman Lesegner.

1 Ko 14:37 ပူးပေါင်းရင်းမြစ်များ

Lk 10:16

Seki ekout zot, ekout mwa; seki rezet zot, rezet mwa, e seki rezet mwa, rezet Sa-Enn ki finn avoy mwa la.”

Let pou Romin 12:3

Par lagras ki finn donn mwa, mo dir ar sakenn parmi zot fode pa ki zot ena enn lopinion tro ot lor zotmem; okontrer ena bann panse modes, sakenn dapre lafwa ki Bondie finn donn li.

1 Ko 14:29

Pou seki resevwar mesaz profetik, de oubien trwa profet kapav pran laparol, e lezot bizin evalie seki pe dir avek boukou swin.

1 Ko 14:36

Eski Parol Bondie finn demar depi kot zot? Eski zot tousel ki finn resevwar li?

1 Ko 14:38

Si li pa rekonet sa, Bondie pa rekonet li.

1 Ko 2:15

Dimounn ki ena Lespri kapav port zizman lor valer tou kiksoz, me personn pa kapav ziz li.

1 Ko 3:1

Frer, ser; mo pa finn kapav koz ar zot kouma bann dimounn ki ena Lespri, me kouma bann dimounn dan lemond, kouma bann ti-baba dan lafwa Kretien.

1 Ko 7:25

Aster-la, lor size bann fam ki pa marye, mo pena okenn lord ki Lesegner finn done, me mo donn mo lopinion parski mo enn zom ki merit zot konfians akoz labonte Lesegner.

1 Ko 7:40

Selman dapre mwa, li pli erez si li res kouma li ete. Sa mo lopinion, e mo panse ki mo ena Lespri Bondie dan mwa.

1 Ko 8:2

Seki krwar li konn kiksoz, li pa ankor konn tou seki bizin kone.

2 Ko 10:12

Nou pena toupe pou klas noumem ou konpar noumem ar sertin ki fer zot fanor. Zot bet! Zot etablir zot prop kriter pou fer konparezon ek zizman lor zotmem.

2 Ko 10:7

Pa get laparans, get seki devan zot lizie. Si kikenn konsider ki li apartenir ar Lekris, ki li rann limem kont ki nou osi, otan ki li, nou apartenir ar Lekris.

2 Ko 11:4

An-efe, zot kapav toler ninport kisann-la ki vinn pres enn Zezi diferan ar seki nou finn anons zot; zot pare pou resevwar enn lot lespri e enn lot Bonn Nouvel ki diferan ar Lespri ek Bonn Nouvel ki nou finn anons zot.

Ga 6:8

Si li sem dapre so natir imin, li pou rekolte koripsion; si li sem dapre Lespri, li pou rekolte lavi eternel.

2 Pi 3:2

Zot bizin rapel bann parol ki bann sin profet ti dir, e komannman ki Lesegner ek Sover ti koze atraver bann Zapot.

1 Zn 4:6

Nou, nou sorti kot Bondie. Dimounn ki konn Bondie ekout nou, e dimounn ki pa sorti kot Bondie, pa ekout nou. Koumsa mem ki nou rekonet Lespri Bondie ki vre ek lespri dimal ki fos.

Let Zid 1:17

Me zot, mo bann kamarad, rapel bien predikasion bann zapot Zezi Kris nou Segner.