1 Ko 12:8 - Nouvo Testaman Kreol Morisien Harmonisation NTPS KM

⁸ Lespri Bondie donn enn dimounn enn mesaz ranpli ar sazes, me pou enn lot dimounn mem Lespri donn enn mesaz ranpli ar konesans.

Nouvo Testaman dan Kreol Morisien

⁸ Lespri Bondie donn enn dimoun enn mesaz ranpli ar sazes, me pou enn lot dimoun mem Lespri donn enn mesaz ranpli ar konesans.

1 Ko 12:8 ပူးပေါင်းရင်းမြစ်များ

Psom 143:10

Montre mwa sime to volonte parski tomem mo Bondie. Ki to lespri gid mwa avek bonte lor sime ki pena obstak.

Proverb 2:6

Parski LESEGNER, limem lasours lasazes, so parol donn konesans ek disernman.

Mt 13:11

Li reponn zot, “Parski zot, finn donn zot kapasite resevwar don pou konn sekre Rwayom Bondie, me lezot pa finn resevwar sa.

Zistwar Bann Zapot 6:3

Alors, bann frer, swazir set zom parmi zot ki ena bon repitasion, ki ranpli avek Lespri Sin ek sazes pou fer sa travay-la.

Let pou Romin 15:14

Mo bann frer, mo bann ser, mo ena konviksion ki zot ranpli ar bonte, ki zot ena tou konesans e ki zot kapav ansegn zot kamarad.

1 Ko 1:30

Limem lasours zot lavi dan Zezi Kris, ki finn vinn pou nou sazes ki sorti kot Bondie. Lekris rann nou drwat, li met nou apar pou Bondie, limem nou delivrans.

1 Ko 1:5

Dan linion avek Lekris, zot finn vinn ris dan tou kiksoz, zot ena don laparol ek konesans.

1 Ko 13:2

Si mo ena don profetize, mo posed kapasite plonz dan tou mister ek konesans, e si mo ena lafwa pou bouz montagn, me mo pena lamour, mo enn nanye ditou.

1 Ko 13:8

Lamour li eternel. Profesi pou ena so lafin enn zour; don koz an langaz etranz pou trouv so lafin, konesans pou disparet.

1 Ko 14:26

Alor la, ki nou kapav dir, bann frer ek bann ser? Kan zot zwenn ansam, ena dimounn ki pou ena enn kantik, enn lot ki pou ena enn parol pou ansegne, enn lot enn revelasion, enn lot enn mesaz an lang ek enn interpretasion sa langaz-la. Tousala bizin fer pou fortifie Legliz.

1 Ko 14:6

Get sa, si mo vinn kot zot ek mo koz an lang, kouma sa pou profit zot si mo parol pa amenn ni revelasion, ni konesans, ni profesi, ni lansegnman?

1 Ko 2:11

Kisann-la parmi bann dimounn kapav konn panse lezot dimounn? Lespri dimounn ki kone ki ena dan panse dimounn. Parey, zis Lespri Bondie ki kone ki ena dan panse Bondie.

1 Ko 2:16

Parey kouma finn ekrir, “Kisann-la konn panse Lesegner? Kisann-la kapav donn li konsey?” Me nou, nou ena panse Lekris.

2 Ko 1:12

Rasinn nou fierte, se temwaniaz nou konsians: nou konportman dan lemond e avek zot li nouri par sinserite ek pirte ki Bondie donn nou. Nou pa gide par sazes imin me par lagras Bondie.

2 Ko 11:6

Li posib ki mo pena sa don pou fer gran koze an piblik, me mo ena konesans. Nou finn montre zot sa klerman touletan e dan tou kondision.

2 Ko 2:14

Nou loue Bondie parski li touletan antrenn nou dan kortez viktwar Lekris. Bondie servi nou pou fer konn Lekris partou kouma enn parfin ki fane partou.

2 Ko 4:6

Bondie ki ti dir, “Omilie lobskirite lalimier pou briye,” limem ki fer so lalimier briye dan nou leker pou donn nou konesans laglwar Bondie ki reyonn lor figir Lekris.

2 Ko 6:6

Nou montre noumem kouma serviter Bondie par lapirte, konesans, pasians, labonte, par Lespri Sin, lamour vre,

2 Ko 8:7

Zot ena plin lafwa, don laparol, konesans, enn zel ki pena limit ek lamour ki nou finn donn zot; alor, nou atann ki zot montre enn gran zenerozite pou lokazion prezan.