1 Ko 1:10 - Nouvo Testaman Kreol Morisien Harmonisation NTPS KM

¹⁰ Dan nom nou Segner Zezi Kris, mo fer enn lapel pou ki zot tou res dakor ant zot, pou ki pena okenn divizion parmi zot e ki zot bien ini dan enn sel panse ek enn sel konviksion.

Nouvo Testaman dan Kreol Morisien

¹⁰ Dan nom nou Segner Zezi Kris, mo fer enn lapel pouki zot tou res dakor ant zot, pouki pena okenn divizion parmi zot e ki zot bien ini dan enn sel panse ek enn sel konviksion.

1 Ko 1:10 ပူးပေါင်းရင်းမြစ်များ

Psom 133:1

Ala li zoli la! Sa ki enn plezir sa! Lepep Bondie viv dan larmoni ek lakorite!

Mt 9:16

Personn pa rakomod enn vie linz avek enn tisi nef; parski latwal tisi nef la pou retresi e pou desir ankor plis sa vie linz-la.

Mk 2:21

Personn pa pran enn bout latwal ki pankor retresi pou rakomod enn vie linz; si fer sa, bout latwal nef la pou ris sa vie linz-la kat kote, li pou plis desire.

Mk 3:24

Si enn Rwayom divize kont limem, Rwayom-la pa kapav tini dibout.

Zn 10:19

Ankor enn fwa, ti ena divizion parmi bann Zwif, akoz so bann parol.

Zn 17:23

Mwa dan zot, twa dan mwa pou ki zot vinn enn sel. Lerla lemond pou kone ki to finn avoy mwa, ki mo kontan zot kouma to kontan mwa.

Zn 7:43

Ti ena divizion dan lafoul lor lidantite Zezi.

Zn 9:16

De-trwa Farizien dir li, “Sa dimounn ki finn fer sa la, pa posib ki li sorti kot Bondie, parski li pa respekte saba.” Enn lot bann ti pe dir, “Kouma enn peser kapav fer sa kalite mirak-la?” Lerla finn ena divizion ant zot.

Zistwar Bann Zapot 4:32

Sa group krwayan la ti ena enn sel leker, enn sel lespri; personn pa ti dir ki so dibien pou li tousel sa, me zot ti met tou ansam an kominote.

Let pou Romin 1:13

Bann frer, bann ser, mo anvi ki zot konpran ki souvan mo finn fer plan pou vinn kot zot, me sak fwa kiksoz anpes mwa. Mo ti anvi ki mo travay port so fri kot zot parey kouma kot bann lezot nasion.

Let pou Romin 12:1

Alor, mo bann frer, mo bann ser, par konpasion ki Bondie ena pou nou, mo exort zot ofer zotmem kouma bann sakrifis vivan, sin e agreab, konsakre pou servi Bondie; sa vre adorasion ki zot ofer.

Let pou Romin 12:16

Viv dan lakorite ant zotmem. Fode pa ena lorgey, me aksepte servi dan enn manier modes. Pa bizin ena enn tro gran lopinion lor zotmem.

Let pou Romin 15:30

Mo fer enn lapel, mo bann frer, mo bann ser, par nou Segner Zezi Kris e par lamour ki Lespri Sin done: zwenn zot ansam ar mwa pou priye Bondie pou mwa.

Let pou Romin 16:17

Mo sipliye zot, bann frer, bann ser, res lor zot gard kont bann dimounn ki diviz lezot pou fer bann klik, e egar zot par bann lansegnman ki kontrer ar seki zot ti aprann. Evit sa bann-la.

1 Ko 1:11

Bann pros fami Kloe finn inform mwa ki ena rivalite parmi zot.

1 Ko 11:18

Premie dabor, kan zot zwenn ansam kouma Legliz, mo tann dir ki ena divizion parmi zot; e mo krwar ki sa li vre, sa.

1 Ko 12:25

pou ki pena divizion dan lekor, me ki sak parti pran swin lezot.

1 Ko 3:3

Zot ankor viv kouma dimounn dan lemond. Kan ena zalouzi ek rivalite ant zot, eski zot pa pe konport zot kouma bann dimounn ki dan lemond? Eski zot pa pe mars dapre tandans imin?

1 Ko 4:16

Alors mo sipliy zot, swiv mo lexanp.

2 Ko 10:1

Par douser ek bonte Lekris, mwa, Pol mo pe fer enn lapel ar zot; mwa ki dimounn dir ki mo “timid” kan mo ar zot, me ki ena “lodas” kan mo lwin.

2 Ko 13:11

Finalman, bann frer ek bann ser, viv dan lazwa, fer zefor pou vinn parfe, ankouraz zot kamarad, res dakor ant zot, viv dan lape, e Bondie ki lamour ek lape pou avek zot.

2 Ko 13:9

Nou dan lazwa kan nou, nou feb, me zot, zot for. Dan nou lapriyer, nou demann ki zot vinn parfe.

2 Ko 5:20

Alor dan nom Lekris, nou vinn bann anbasader, koumadir Bondie pe fer so lapel atraver nou; dan nom Lekris nou sipliye zot: les zot rekonsilie avek Bondie.

2 Ko 6:1

Antan ki bann travayer ki kolabor ar Bondie, nou sipliy zot: pa negliz lagras ki zot finn resevwar ar li.

Ga 4:12

Mo bann frer e ser, mo sipliy zot, vinn parey kouma mwa; parski mo finn vinn parey kouma zot. Zot pa ti maltret mwa.

Let pou Filipien 1:27

Me selman, amenn zot lavi dapre Bonn Nouvel Lekris. Mem si mo vinn get zot ou pa, mo espere tande ki zot pe tini ferm dan enn sel lespri pou lit ansam pou fer lafwa avanse dapre Bonn Nouvel.

Let pou Filipien 3:16

Me kot nou finn arive, anou kontigne tini ferm dan mem direksion.

1 Tes 5:13

Ena boukou estim pou zot akoz travay ki zot fer. Ki ena lape parmi zot.

2 Tes 2:1

Frer ek ser, konsernan retour nou Segner Zezi Kris ek nou rasanbleman avek li, nou sipliy zot,

1 Tim 5:21

Mo sipliy twa, dan prezans Bondie e Zezi Kris, devan tou bann anz beni, obzerv sa bann regleman-la dan enn fason strik, san fer faver personn.

2 Tim 4:1

Mo dimann twa, dan prezans Bondie ek Lekris Zezi ki bizin vini pou ziz bann vivan ek bann mor par so manifestasion ek so regn,

1 Pi 2:11

Mo bann kamarad, mo dimann zot antan ki etranze ek exile lor later, pa rant dan piez instale par bann dezir imin ki an dezakor ar zot lam.

1 Pi 5:10

Zot ena pou soufer ankor inpe letan. Bondie, ki lasours lagras, ki finn apel zot pou so laglwar eternel dan Zezi Kris, pou limem beni zot, donn zot lafors ek ranz zot lexistans lor enn baz solid.