Titus 3:9 - Sa Ugud Apudyus

⁹ Yaḵon adayuwam da naippun anunae ansosongbatan di tagu, da mituttudu mipanggob atta listaan da ngadan da iyawe ya da susubog atte Lintog Moses. Te da sadi ye susubog, naippun paat ambaḻu'ḵ ambanaganda ḵad ngai ibadangda si pammati taḵu?

Titus 3:9 ပူးပေါင်းရင်းမြစ်များ

1 Corinthians 13:2

Ḵad taḵon ay nu awad ḵabooḻaḵe angibaga'tte ipaigammun Apudyus baḵon nu awad ḵabooḻaḵe maawatan da losane ḵinatuttuwaane nilimod ḵan taḵon ay nu igammuḵ da losane maḵwae maigammu ya taḵon ay nu ampigsa pammatiḵe lamogḵu an-atunon beleg yaḵon nu naippun ayatḵu'tta asintataguḵ, naippun anuḵ.

1 Corinthians 8:1

Annaya bos ibagaḵ ḵan diḵayu si mipanggob atte anganan atte maḵane midatun atta sinan-apudyus. Tuttuwa anna ya igammu taḵu losan. Yaḵon umman taḵu te allasu we sumoḵaḻ taḵu gapu'tte anna igammu taḵu. Yaḵon nu an-asiayat taḵu, sanat pumigsaan da pammati taḵu.

1 Timothy 4:7

Adim dongngon da ug-uggud da iyawe ye ippun panggobna te daḵampun aḵ mipanggob atte tuttuwae Apudyus. Yaḵon paingsaome angadaḻ ḵan angunud atte naapudyusane biyag.

2 Timothy 2:14

Pagatupame angipaspasmoḵ atta anna'tta namati sinat ya bagbagaam dida si sinagung Apudyus ta adida andudunggaḻan mipanggob atta ugud te ippun anuna yaḵon dadailona pammatin da andongoḻ.

2 Timothy 2:16

Adiḵa midoga'tta ippun anunae ug-uggude daḵampun aḵ mipanggob atte tuttuwae Apudyus te da angwa'tta sanae banag, amo umadayuda ḵan siya.

2 Timothy 2:23

Adayuwam da dinodong-og ya ippun anunae sosongbat te susubog ambanagana.

Titus 1:14

ya adida tuttuwaon da ḵingḵingwae ug-uggud da Judyu ya da bilin da tagu we nan-awidanda ḵatuttuwaan.

James 4:1

Annaya ud imusoḵ, ngai gapun ni ampapatoyanyu ḵan ansusuboganyu? Daḵampun ḵamman aḵ sa amaamayonyu gumulu si ambaḻu we somsomoḵyu?