Titus 3:5 - Sa Ugud Apudyus

⁵ tinaguna ditaḵu. Daḵampun aḵ gapu'tta naun-unane ḵingwa taḵu nataguwan taḵu, nu adi gapu si ḵummadaguwana. Tinaguna ditaḵu'tte namapoḻḵasana'tta basuḻ taḵu ḵad isun di niyanaḵ taḵu ḵasin ya naittan taḵu'ḵ baru we biyag gapu'tte ḵabooḻan ni Ispiritu Santu.

Titus 3:5 ပူးပေါင်းရင်းမြစ်များ

Matthew 3:11

“Bonyagaḵ diḵayu'tte danum aḵ angipailae nambabawi ḵayu'tta basuḻyu ya agayyu we angwa. Yaḵon sa dumatonge miyun-unud ḵan saḵon, bonyagana diḵayu si Ispiritu Santu ya sa apuy. Nangatngatu nu saḵon ya gapu si ḵinangatuna, naippun labbongḵu we angaptin atte sandalna.

Luke 1:50

Siyae ḵumadagu'tta angisipog ḵan siya. Siya pasige ḵumadagu atta tagu'tte losane timpu.

Luke 1:54

Da ganaḵ Israel we sammiluna, dida binadangana. Nituttuwa inkarina si ummamdane daguna.

Luke 1:72

Pune sadi, mituttuwa inkarin Apudyus atta danaḵḵoḻ taḵu we mipanggob si ḵadaguna, ya aaddi ye ituttuwana ḵabaḻuwane intuḻagna ḵan dida,

Luke 1:78

Te aḵ Apudyus ḵumadagu ya naanus, pun ibuunna Anagu we naḻpu'd langite isuna inite dumingit.

Romans 11:14

ta umaposan oḵyan da udume ḵailiyaḵe Judyu ta amatida ḵan Jesu Kristu ḵad mataguda.

Romans 11:6

Yaḵon nu gapu'tte ḵinabaḻun Apudyus namiliyana ḵan dida, daḵampun ogon atta ambaḻu we ḵingwada. Te nu gapu'tta ambaḻu we ḵingwada namiliyan Apudyus ḵan dida, daḵampun aḵ mipagapu'tte ḵinabaḻuna.

Romans 12:2

Adiyu unudon da ugalin da tagu we adipun namati yaḵon iyunudyu we baliwan Apudyus da somsomoḵyu ta pabaruwona. Te nu ḵoonyu ḵaḵna, igammuwonyu nu ngai pinion Apudyus, ngai ambaḻu, ngai mas-omana ya naippun angkurangana.

Romans 3:20

Te naippun tagu'ḵ naun-unan atte antotollong Apudyus gapu'tte anuttuwaana'tte lintog te sa usar ni lintog ipaigammunae naḵabasuḻ losan da tagu.

Romans 3:28

Patiyon taḵu we aḵ Apudyus angwa si maun-unan da tagu mipagapu si amatiyanda ḵan Jesu Kristu, daḵampun aḵ sa anuttuwaanda'tte lintog.

Romans 4:5

Yaḵon ngaimane adi angwa'tta ambaḻu we banag ta awaton Apudyus yaḵon amati ḵan Apudyus we angwa'tta ḵabasbassuḻan aḵ maun-unan, sa pammatina gapun ni angwaan Apudyus ḵan siya'ḵ maun-unan.

Romans 9:11

Te sa daan da sadi ye ḵapile abeng miyanaḵan ya sa daanda angwaan aḵ ambaḻu baḵon nu lawweng, ḵanan Apudyus ḵan Rebecca, “Sa panguḻu anserbi si udidi.” Ḵingwana sanat ta sa panggobna'tte amiliyana'tta tagunae daḵampun aḵ mibatay si ḵingwan di tagu yaḵon mibatay si namiliyana ḵan dida.

Romans 9:16

Pun sadi inon Apudyus we ampili'tte tagu we daḵampun aḵ mibatay si pion ni tagu baḵon nu sa ḵoona yaḵon gapu ta ḵumadagu'ḵ Apudyus.

Romans 9:30

Ngai ibaga taḵu nu? Da Gentil we adidapun ginamgaman naun-unanda'tte sinagung Apudyus, naun-unanda gapu si pammatida ḵan Jesu Kristu.

1 Corinthians 6:11

Sa awe, ḵaḵnat ḵoḵoḵḵon da udum ḵan diḵayu. Yaḵon sinsana pummoḻḵas ḵayu'tta losane basuḻyu ya intotoḵḵon Apudyus diḵayu'ḵ taguna ya siya angwa si maun-unanyu mipagapu'tte ḵabooḻan Apu Jesu Kristu ya sa Ispiritun ni Apudyus taḵu.

Galatians 2:16

Yaḵon iniiggammu taḵu we sa antotollong Apudyus, daḵampun aḵ siya angwa si maun-unan ni tagu anuttuwaana'tte lintog te sa pammatina ḵan Jesu Kristu sanat angwa si maun-unana. Siya gapunae taḵon ay ditaḵu we Judyu, namati taḵu ḵan Jesu Kristu ta aḵ Apudyus angwa ḵan ditaḵu'ḵ maun-unan gapu si pammati taḵu we daḵampun si anuttuwaan taḵu si lintog. Te ippun pulus naun-unan si antotollong Apudyus gapu si anuttuwaana si lintog.

Ephesians 2:4

Yaḵon ummamdan ḵadagu ḵan ayat Apudyus ḵan ditaḵu.

Ephesians 4:23

Ḵad ḵasapuḻane mapabaru we ustu somsomoḵyu,

Ephesians 5:26

ta itotoḵḵon ditaḵu we namati'ḵ taguna gapu ta pinapoḻḵasna ditaḵu'tte danum ya sa Ugud Apudyus.

Colossians 3:10

ya awatonyu baru we ansosomsomoḵ ḵan ugali ye itton Apudyus ḵan diḵayu ḵad pagatupana pabaruwon ta miyisu ḵayu ḵan siya ya igammuwonyu we ustu.

2 Timothy 1:9

Tinaguna ya pinilina ditaḵu ta ditaḵu da taguna. Sa nangwaana si sadi, daḵampun aḵ gapu'tte ḵingwa taḵu yaḵon gapu si panggobna ya ḵinabaḻuna ḵan ditaḵu. Sa daan ni lubung maḵwaan, inggallapun Apudyus simsimmoḵe ipailana ḵinabaḻuna ḵan ditaḵu mipagapu ḵan Jesu Kristu.

Titus 3:4

Yaḵon taḵon ay nu ḵingwa taḵu da ḵaḵna, aḵ Apudyus we Anagu ḵan ditaḵu, impailana ḵad ḵinabaḻuna ḵan ayatna

Hebrews 10:22

Umadani taḵu ḵan Apudyus we sipupusu ya antaḻgod pammati taḵu ḵan siya, ḵad pummoḻḵas da somsomoḵ taḵu'tta lawweng te isun di nawaḻsiyan taḵu si daḻan Kristu ya nadaḻusan da long-ag taḵu si an-imlonge danum.

Hebrews 4:16

Ḵad antaḻgod taḵu we umadani alluwaḻu ḵan Apudyus we ampangat ad langit gapu'tte ḵinabaḻuna ta awaton taḵu ḵadagu ḵan ḵinabaḻu ḵan siyae bumadang ḵan ditaḵu si timpu we anḵasapuḻ taḵu.

Hebrews 6:6

Gapu ta nan-awidanda da pammatida, adipun paat maḵwae ambabawida'tta basuḻda ya agaydae angwa te isun di impattoḻda ḵasin Abeng Apudyus atte kros ya imbabbainda si sinagung da adu we tagu.

1 Peter 1:3

Madaydayaw aḵ Apudyus we sa Apudyus ya Aman Jesu Kristu we Apu taḵu. Gapu si amode ḵadaguna, niyanaḵ taḵu ḵasin te innatodna ḵan ditaḵu baru we biyag mipagapu si ummuliyan Jesu Kristu. Pun awad de namnamaon taḵu we aaddi ye mituttuwa,

1 Peter 2:10

Sa awe, daḵampun aḵ tagun Apudyus diḵayu. Yaḵon sinsana, taguna diḵayu. Sa awe, adiyupun os inawat ḵadaguna yaḵon sinsana inawatyu ḵadaguna.

1 Peter 3:21

Sa sadi ye danum, mipani si bonyag. Gapu'tte nampabonyaganyu, taguwon Apudyus diḵayu'tte mipagapu si ummuliyan Jesu Kristu. Ḵad sa bonyag, daḵampun aḵ sa naamosan ni long-agyu ta maḵaan ḵaissaw nu adi sa alluwaḻuwanyu ḵan Apudyus ta daḻusana da somsomoḵyu.