Titus 3:13 - Sa Ugud Apudyus

¹³ Iggam os ḵaḻabbongame bumadang ḵan Zenas we abugadu ya aḵ Apollos nu allibbatda ta awad oḵyan da losane ḵasapuḻanda.

Titus 3:13 ပူးပေါင်းရင်းမြစ်များ

Matthew 22:35

Inninggaw osa ḵan didae nalainge mistulun ni lintoge nan-imus ḵan Jesus ta siḵapana.

Luke 10:25

Inninggaw osa ḵan didae nalainge mistulun ni lintoge tummaḵdog woḵ ḵananae namadas ḵan Jesus, “Mistulu, ngai ambaḻu we ḵooḵ ta ittanaḵ ḵan Apudyus atte biyag aḵ inggana?”

Luke 11:45

Sa osa'tta nalainge mistulun ni lintog ḵanana ḵan Jesus, “Mistulu, sa ḵaḵnate imbagam, midoga ḵani mibabbain!”

Luke 11:52

“Ḵaddagu ḵayu bose nalainge mimistulun ni lintog te tutuppodonyu da inon ni anaguwan Apudyus! Te iyadiyu da tagu we tumuttuwa oḵyan!”

Luke 14:3

Ḵanan Jesus atta nalainge mimistulun ni lintog ya da Pharisee, “Iyunud ḵamman ni lintog taḵu we ḵaanon taḵu saḵit da nasaḵit atte umillongan?”

Luke 7:30

Yaḵon da Pharisee ya da nalainge mimistulun ni lintog, indiyanda panggob Apudyus ḵan dida woḵ adidapun nampabonyag ḵan John.

Acts 15:3

Pun pinaḻung-ud da namati ye magimugimung dida woḵ sa nangoyanda'tta probinsiya'd Phoenicia ya ad Samaria, imbagada'tta namati ye magimugimung sidi inon da Gentil we namati ḵan Jesus. Pun amod de layad da losane susunud ḵan Kristu sidi.

Acts 18:24

Inninggaw Judyu we iyAlexandria we ummoy ad Ephesus we Apollos ngadanna. Allainge antuttudu ya adu bos inigammuna si mipanggob atte nigili ye Ugud Apudyus.

Acts 19:1

Sa inninggawan ḵad Apollos ad Corinth, ummoy aḵ Paul ad Ephesus we naḻpu'd Phrygia we nangoy si beleg. Dummatong ḵad sidi, indasana da udume namati,

Acts 21:5

Yaḵon naḻaḵpus ḵad aḻgawe inninggawanni sidi, nallibbat ḵani ta pagatupanni baatni. Pun losan da ḵabaḻyan da namati intuḻud diḵani inggana'ḵ niduum ḵani si lasin ni siyudad. Pun losan ḵani nanalluḵu'tte taḻantag woḵ nalluwaḻu ḵani.

Acts 28:10

Adu da innatoddae atodda ḵan diḵani woḵ anna ḵade inḵanin, indatongda da losane ḵasapuḻan ni ye ambaat.

Romans 15:24

namnamaoḵe ilaḵ diḵayu nu ansadangaḵe umoy ad Spain ta ampabadangaḵ ḵan diḵayu we umoy sidi nu maabus sin-aḵitane maḵabuḻbuḻunaḵ ḵan diḵayu.

1 Corinthians 16:11

Ḵad ilanyu bos ta adiyu potogon yaḵon paḻung-udonyu we allin-awa somsomoḵna ta allaylayade angulin ḵan saḵon. Annan uwayoḵe umali ya da susunud taḵu ḵan Kristu.

1 Corinthians 16:12

Ḵad sa mipanggob ḵan Apollos we sunud taḵu ḵan Kristu, inaḻ-aḻuḵḵu ta mibuḻun oḵyan atta udume susunud taḵu ḵan Kristu we umali sinat. Yaḵon adinapun pione umali ye sana. Asi umali nu awad wayana.