Titus 3:11 - Sa Ugud Apudyus

¹¹ te igammume sa tagu we ḵaḵna, bumasubasuḻ si ummadayu'tte ḵatuttuwaan ḵad taḵon ay siya, igammunae mismu ḵoona.

Titus 3:11 ပူးပေါင်းရင်းမြစ်များ

Luke 19:22

Ḵanan ni Ari, ‘Lawwengḵae sammilu! Sa imbagam siya anguwisḵu ḵan siḵa. Iniiggammume sangngaanaḵ ya aḻaḵ daḵampun aḵ nallingtaḵ ya apitoḵ os daḵampun aḵ immuḻaḵ.

Luke 7:30

Yaḵon da Pharisee ya da nalainge mimistulun ni lintog, indiyanda panggob Apudyus ḵan dida woḵ adidapun nampabonyag ḵan John.

John 3:18

Pun da amati ḵan siya, adidapun maḵoddongan. Yaḵon da adipun amati, naḵoddonganda. Te adidapun amati'tte os-ossaane Abeng Apudyus.

Acts 13:46

Yaḵon amo tummuḻod da Paul ḵan Barnabas woḵ ḵananda, “Ḵasapuḻane umunae mibaga Ugud Apudyus ḵan diḵayu we Judyu. Yaḵon gapu ta indiyanyu ya ḵinuwisyu long-agyu we ippun labbongyu si biyag aḵ inggana, sinsadi tenanni diḵayu ta inḵani'tta Gentil.

Acts 15:24

Dingngoḻni ye annat da udume grupuni ye ummoy sinat nantuttudu ḵan diḵayu ḵad da intuttududa nasaliduduwan da somsomoḵyu. Yaḵon ippun innatodni ḵan dida'ḵ ḵaḻabbongane angwa'tte ḵatti.

Acts 23:25

Nanuḻat kumander woḵ ḵanana,

Romans 3:19

Igammu taḵu we sa Ugud Apudyus we nigili'tte awe naatod ḵan ditaḵu we Judyu we anuttuwa si lintogna. Pun adipun maḵwae awad angibaga ḵanane naippun basuḻna. Te losane tagu sumangu ḵan Apudyus we maḵuwis.

2 Timothy 2:14

Pagatupame angipaspasmoḵ atta anna'tta namati sinat ya bagbagaam dida si sinagung Apudyus ta adida andudunggaḻan mipanggob atta ugud te ippun anuna yaḵon dadailona pammatin da andongoḻ.

Titus 1:11

Ḵasapuḻane paginḵona dida te dumadailda'tta pammatin da amode baḻyan, gapu si angituttuduwanda'tta daḵampun oḵyan aḵ mituttudu. Sa panggobdae angwa'tte ḵaḵna, ampabain te sa pilaḵe abus gagamgamanda.

Titus 1:14

ya adida tuttuwaon da ḵingḵingwae ug-uggud da Judyu ya da bilin da tagu we nan-awidanda ḵatuttuwaan.

Hebrews 10:26

Te nu gagaḻ-on taḵu we bumasuḻ si nagangpute inigammu taḵu mipanggob si ḵatuttuwaan, naippun ogon midatun aḵ amapoḻḵas atta basuḻ.