Titus 3:10 - Sa Ugud Apudyus

¹⁰ Nu awad tagu'ḵ angituttudu si tinutuli ye angisina'tta namati, bagbagaam ta iginoḵna. Nu amigwae bagbagaam ya adinapun paat tuttuwaon, adim os paat buḻbuḻunon,

Titus 3:10 ပူးပေါင်းရင်းမြစ်များ

Romans 16:17

Susunudḵu ḵan Kristu, ḵodawoḵe ummanyu'tta tagu we anadail si nan-os-ossaananyu ya angulu'tta pammatiyu. Te sullagiyonda ḵatuttuwaane nituttudu ḵan diḵayu si awe ḵad maḵḵon ituttududa. Ḵasapuḻane umadayu ḵayu ḵan dida.

1 Corinthians 11:19

Te ḵasapuḻan daddasig ḵan diḵayu ta mimatunan da gattoḵ da pammatida.

2 Corinthians 13:2

Sa pigwan ni ummaliyaḵ sinat, binagbagaaḵ da naḵabasuḻ si awe ya da udum ta iginoḵda da ḵoḵoḵḵonda. Ḵad sa sanae ippunaḵ ḵan diḵayu, ḵasinḵu bos bagbagaan didae naippun maḵailigsi si madusaanda si ḵasine umaliyaḵ nu adidapun ingginoḵ da ḵoḵoḵḵonda.

Galatians 5:12

Da sadi ye alliwong ḵan diḵayu, nu ampatog oḵyan ḵan dida sogyat, ḵumaanda oḵyan pagaye mismu atte gimungyu.

Galatians 5:20

Daydayawonda da sinan-apudyus, ambubuyun, andadawaḵ, sasangngaanda da asintataguda, subboganda, an-aḵ-aposda, mabusutda, ansoḵaḻda, adidapun an-asiinnawat ya ansisinada.

2 Thessalonians 3:14

Nu awad adipun tumuttuwa'tte imbagani si annae suḻat, adi ḵayu miyisu ḵan siya ta mababbainan.

2 Thessalonians 3:6

Sinsadi susunudni ḵan Kristu bilinonni diḵayu'tte ngadan Apu Jesu Kristu we adiyu buḻbuḻunon da namati ye baduuḻe anḵewaaḻ ya da adipun tumuttuwa'tta inawatyu we tuttudu ḵan diḵani.

2 Timothy 3:5

Agindadayawda ḵan Apudyus yaḵon adidapun bigbigon ḵabooḻanae amaliw atta lawwenge ugalida. Adayuwam da tagu we ḵassadi.

2 Peter 2:1

Yaḵon inninggaw os da sinan profeta we niḵamos atta tagu si awe. Ḵad isuna bos sinsanae awad da asi angidatong atta daḵampun aḵ tuttuwae tuttudu we naḻpuda'tte sabali ye grupu we maḵadadail atte pammati. Ḵad puḵlitanda'ḵ Apu taḵu we nanubut ḵan dida. Pun maaddaganda'tte madusaanda ḵan Apudyus.

2 John 1:10

Pun nu awad umali ḵan diḵayu'ḵ sabali tuttuduna, adiyu paḻonḵon atte boḻoyyu. Adiyu bos pakumustaon.