Titus 2:2 - Sa Ugud Apudyus

² Da anḵamaḻong-ag ḵad, ummam dida bagbagaan ta noandae uminum si bayas ya da udume ḵoḵoḵḵonda ta mibagaye mapatganda gapu'tta ambaḻu we ugalida ya tupodonda da long-agda. Bagbagaam os dida ta ipapatida pammatida, sipupusu oḵyan ayatda ya naattomda.

Titus 2:2 ပူးပေါင်းရင်းမြစ်များ

Mark 5:15

Dummatongda ḵad si igaw Jesus, inniladae tutuḵdu sadi ye laḻaḵi ye naaḻanan. Nansilup ḵan nanggodong somsomoḵna. Pun naḵimtanda.

Luke 8:35

Pun ummoy da tagu innila naḵwa. Dummatongda ḵad ḵan Jesus, indasanda sadi ye tagu we napaḻyawan da aḻan. Tutuḵdu si sinagung Jesus ya nansilup ḵan nanggodong somsomoḵna. Pun naḵimtanda.

Acts 24:25

Yaḵon intuttudun ḵad Paul mipanggob atte maun-unane antatagu, sa anupodan atta long-ag ta adi angwa'ḵ basuḻ ya sa umali ye aḻgawe anḵuwisan Apudyus atta tagu, naḵimtan aḵ Felix woḵ ḵanana, “Inḵan! Asiḵ ay siḵa paayag nu awad timpuḵ.”

Romans 12:3

Sinsadi, gapu ta innatod Apudyus ḵaḻabbongaḵe an-apostol gapu'tte ḵinabaḻuna, bagbagaaḵ sin-ossaossa ḵan diḵayu ta adiyu somsomḵone nangatu long-agyu yaḵon ḵasapuḻane usigon ni sin-ossaossa long-agna mibatay si pammatinae innatod Apudyus.

1 Corinthians 15:34

Pabaḻuwonyu ḵappos da somsomoḵyu ta iwaḻangyu we bumasuḻ. Te awad da udum ḵan diḵayu we ippun igammuda ḵan Apudyus. Ibagaḵ anna ta mabainan ḵayu.

1 Corinthians 9:25

Da ngaimane maḵaaḵ-abaḵ, ḵasapuḻane disiplinaonda da long-agda ta maaḻada gungunae allasu we madadail. Yaḵon ditaḵu we namati, sa gungunae annanayun maaḻa taḵu.

2 Corinthians 5:13

Taḵon ay nu ḵanan da tagu we natingang ḵani, sinnamaḻna te para ḵan Apudyus da ḵoonni. Yaḵon nu ḵanandae nanggodong somsomoḵni, igammuyu we para si bumaḻuwanyu.

Galatians 5:23

napakumbaba ya tupodona long-agna. Sa angunud atta sanae ugali, naippun ḵoona'tta iyadin ni lintog.

Philippians 4:8

Sa anungus ni ibagaḵ ḵan diḵayu we susunudḵu ḵan Kristu, siya oḵyan pasigyu sosomḵon da tuttuwa, ampatog, ustu, ampoḻḵas, ambaḻu ḵan ḵadayawan. Ḵad taḵon ay da udume ambaḻu baḵon nu nanggodonge ugud, sadi oḵyan da imumuḻayu'tta somsomoḵyu.

1 Thessalonians 5:6

Pun adi taḵu oḵyan masusuyope isun da udum. Yaḵon pasig taḵu oḵyan madadaḵḵag ḵan an-annad.

1 Thessalonians 5:8

Yaḵon gapu ta ditaḵu ḵuwan ni aḻgaw, naannad taḵu oḵyan. Isu taḵu oḵyan suḻdadu we angiḵabot atta saḻaḵnib ni long-agna nu maḵagubat atte ḵabusuḻna. Sa pammati taḵu ḵan ayat taḵu saḻaḵnib da baḻuḵung taḵu. Ḵad sa helmet we saḻaḵnib ni uḻu taḵu, siya namnama taḵu'tte mataguwan taḵu.

1 Timothy 1:10

da maḵadagdagas, da antattanunge angasawa'tta asillaḻaḵida ya asimbubaida, da andopap atta asintataguda ya illaḵuda dida. Da tuliyan, da angisapata'tta tinutuli ya da losane angwa'tte misullagi si tuttuwae tuttudu.

1 Timothy 1:14

Ḵad ummamdan ḵinabaḻun Apu taḵu ḵan saḵon si nangittana'tte pammati ya ayat. Ittona bos sanae pammati ya ayat ḵan ditaḵu losan gapu si niyossaanan taḵu ḵan Jesu Kristu.

1 Timothy 1:2

Annaya suḻatḵu ḵan siḵa Timothy ye ibelangku'ḵ tuttuwae abengḵu'tte pammati ḵan Jesu Kristu. Awad oḵyan ḵan siḵa ḵinabaḻu, ḵadagu ḵan lin-awae maḻpu ḵan Apudyus we Ama taḵu ya aḵ Jesu Kristu we Apu taḵu.

1 Timothy 1:5

Yaḵon sa panggob ni sanae bilin, an-asiayat ḵayu we maḻpu si ampoḻḵas ya ambaḻu we somsomoḵ ya sa gattoḵe pammati.

1 Timothy 3:11

Da asawada ḵad, ḵasapuḻane labbongdae mapatgan ya adida an-ugud aḵ lawweng atta udum. Ḵasapuḻane naannadda ḵan mataḻgodanda'tta losane ḵoonda.

1 Timothy 3:2

Pun gapu ta ampatog sanae ḵewaaḻ, ḵasapuḻane ippun ḵadellawana, naannad ḵan lamogna tupodon long-agna. Ḵasapuḻane ossaan asawana ya adi maḵadagdagas. Ḵasapuḻane naangsan, ḵamamangili ya nalainge antuttudu.

1 Timothy 3:4

Ḵasapuḻane ustu andadaḻanna'tte baḻyanna ḵan tuttuwaon ḵan patgan da abengna.

1 Timothy 3:8

Isun da deacon, ḵasapuḻane labbongdae mapatgan ḵan maun-unan an-uugudda. Ḵasapuḻan ose adida bartekero baḵon nu ḵamommod si pilaḵ.

1 Timothy 5:1

Adim suppaḵan da naḻaḵlaḵay nu siḵa yaḵon ummam bagbagaan didae isun ni angwam atte amam. Ḵad ibelangnu da babaḻu we isun di sinusunnudnu.

Titus 1:13

Tuttuwa sadi ye ugud, pun suppaḵam dida ta gumdong pammatida,

Titus 1:8

Yaḵon ḵasapuḻane ḵamamangili ya siya pasige piona ḵoon da ambaḻu. Lamogna tupodon long-agna, naun-unan, ampoḻḵas somsomoḵna ya adipun bumasuḻ ya nadisiplina.

Titus 2:7

Siḵa ḵad os, pasig oḵyane ambaḻu ugalim ta sa ḵinabaḻum, siya unudon da buḻunnu. Ilam ta sa antuttuduwam, maḻpu si naimpusuwane ḵasomsomḵam. Ḵad sa inome angibaga, mibagay os atta ampatoge ituttudum.

Philemon 1:9

Yaḵon gapu'tte ayat, andagdaguwaḵ ḵan siḵa. Ḵooḵ anna, taḵon ay nu saḵon aḵ Paul we maḻmaḻong-ag ḵan nibabaḻud os sinsana gapu ḵan Jesu Kristu.

1 Peter 1:13

Pun isaganayu da somsomoḵyu we angwa'tta pinion Apudyus ya tupodonyu da long-agyu'tta losane ḵoonyu. Sosomḵonyu we ustuustu namnamaonyu we ḵinabaḻun Apudyus we ipailana ḵan diḵayu si mipauliyan Jesu Kristu.

1 Peter 4:7

Madam-an anungus da losane banag, pun ḵasapuḻane ansomsomoḵ ḵayu we ustu ya tupodonyu da long-agyu ta ambaḻu alluwaḻuwanyu.

1 Peter 5:8

Ansasaggana ḵayu ḵan an-annad ḵayu. Te sa ḵabusuḻ taḵu we aḵ Satan, andaḵidaḵiwase isun di ngumoḻngoḻngoḻe layone ansingisingit aḵ sokmaḻona.

2 Peter 1:6

Sa angigammuwanyu, ḵasapuḻane tupodonyu da long-agyu ya ḵasapuḻane attomanyu nu magulugulu ḵayu. Ḵad dog-anyu bos atte naapudyusane antatagu.