Titus 2:10 - Sa Ugud Apudyus

¹⁰ baḵon nu an-aḵaw atta ḵuḵuwada yaḵon ipailada oḵyane pasige tuttuwae mataḻgodanda ta maila ḵinabaḻun da mituttudu we mipanggob ḵan Apudyus we anagu ḵan ditaḵu gapu'tta losane ḵoonda.

Titus 2:10 ပူးပေါင်းရင်းမြစ်များ

Matthew 24:45

Pun inugud os Jesus annae pani woḵ ḵanana, “Sa mataḻgodan ḵan nalainge sammilu, siya dinutuḵan ni apuna'ḵ angayyuwan atta buḻunnae sammilu. Siya angitod si ḵanon da buḻunna si ustu we timpu.

Matthew 5:16

Isuna bose ḵasapuḻane silawanyu oḵyan da tagu ta ilanda ambaḻu we ḵoonyu ḵad dayawonda'ḵ Amayu'd langit.”

Luke 1:47

Amoamod layadḵu, ḵan Apudyus we Anagu ḵan saḵon.

Luke 1:80

Aḵ John ḵade abengna, dummaḵoḻ woḵ lummaing ya pummigsa pammatina. Inninggaw atte bumbummaaw inggana'ḵ dummatong tumoḵwaḻana ta antuttudu'tta ganaḵ Israel.

Luke 16:10

Ḵanan Jesus we namagatup, “Sa mataḻgodane angdon atte aḵit, mataḻgodan atte ad-adu, ḵad sa adipun mataḻgodane angdon atte aḵit, adipun os mataḻgodan atte ad-adu.

John 12:6

Yaḵon inugudna ḵatti ye daḵampun aḵ gapu ta madagu'tta ḵapus nu adi gapu ta aḵḵawan. Te siya nangdon si pilaḵda ḵad dam-on angaḻa si nauppun.

1 Corinthians 4:2

Dallu gay sammilu, ḵasapuḻane mataḻgodan atta losane intaḻgod ni apuna ḵan siya.

Ephesians 4:1

Pun ḵan saḵone nibabaḻud gapu si anserbiyaḵ ḵan Apu, ḵodawoḵ ud ḵan diḵayu ta ibagayyu antataguyu si planun Apudyus we namili ḵan ditaḵu'ḵ taguna.

Philippians 1:27

Yaḵon taḵon ay nu ngai maḵwa, ilanyu ta mibagay antataguyu si Ambaḻu we Damag mipanggob ḵan Kristu ta umaliyaḵ ta iyyaḵ diḵayu ilan baḵon nu adiḵpun dongngon oḵyan mipanggob ḵan diḵayu, igammuwoḵ ose sissiyae ampigsa pammatiyu we os-ossaan panggobyu. Ḵad ḵasapuḻane an-os-ossaan os somsomoḵyu we angitaḵdoḻ si pammatiyu we mibatay si ḵatuttuwaan ni Ambaḻu we Damag,

Philippians 4:8

Sa anungus ni ibagaḵ ḵan diḵayu we susunudḵu ḵan Kristu, siya oḵyan pasigyu sosomḵon da tuttuwa, ampatog, ustu, ampoḻḵas, ambaḻu ḵan ḵadayawan. Ḵad taḵon ay da udume ambaḻu baḵon nu nanggodonge ugud, sadi oḵyan da imumuḻayu'tta somsomoḵyu.

1 Timothy 1:1

Saḵon aḵ Paul we nadutuḵan aḵ apostol we sammilun Jesu Kristu, gapu'tte bilin Apudyus we anagu ḵan ditaḵu ya aḵ Jesu Kristu we namnamaon taḵu'ḵ angwa'tta losane uuwayon taḵu.

1 Timothy 5:17

Sa mipanggob atta angipangpangu'tta namati ye ambaḻu angidaḻananda, ibelangyu oḵyan dida'ḵ mapadayawan ya ustu tangdanda. Amod ay da angiwaḻagawag si Ambaḻu we Damag ya da antuttudu.

1 Timothy 6:1

Losane musassu we namati, ḵasapuḻane patgandae ustu da ap-apuda ta ippun ḵadellawan ni ngadan Apudyus ya sa annae tuttudu taḵu.

1 Timothy 6:3

Nu awad angituttudu si sabali ye tuttudu we adipun umanamung atte tuttuwae tuttudun Apu taḵu we Jesu Kristu, adinapun inunud tuttudu we mipaoy atte naapudyusane biyag.

Titus 1:3

Ḵad sa ustu we timpu, impaigammuna'tta tagu mipagapu'tte Ambaḻu we Damag. Ḵad sa sadi ye Ambaḻu we Damag, intaḻgodna ḵan saḵon ta siya iwaḻagawagḵu. Te aḵ Apudyus we nanagu ḵan ditaḵu, siya bos imbilinna ḵan saḵone ḵooḵ.

Titus 3:4

Yaḵon taḵon ay nu ḵingwa taḵu da ḵaḵna, aḵ Apudyus we Anagu ḵan ditaḵu, impailana ḵad ḵinabaḻuna ḵan ayatna

1 Peter 2:12

Ḵasapuḻane unudonyu ambaḻu we antatagu ta taḵon ay nu ḵanan da adipun amati ye lawweng da ḵoonyu nu ilanda da ambaḻu we ḵoonyu, idayawda'ḵ Apudyus atte umaliyana.

1 Peter 3:16

Ḵad ḵasapuḻane pasig ampoḻḵas somsomoḵyu ta awad ḵad an-ugud aḵ lawweng ḵan diḵayu gapu si ambaḻu we ugaliyu we namati ḵan Kristu, mibabbainda si inugudda.

2 John 1:9

Ngaimane tagu we adinapun pagatupane angunud atta tuttudun Kristu yaḵon amo dog-ana, adinapun igammu'ḵ Apudyus. Yaḵon sa tagu we pagapagatupanae angunud atta tuttudun Kristu, iinggaw aḵ Apudyus we Ama ya sa Abengna ḵan siya.