Titus 1:7 - Sa Ugud Apudyus

⁷ Sa gapuna oḵyane ambaḻu ugalina ippun mipabasuḻ ḵan siya. Siya angipangpangu'tte gimunge nitaḻgodan ni ḵewaaḻ Apudyus. Pun ḵasapuḻane adi ampasindayaw, adi allasu sumang-ana ya adi pasig mabartek. Adipun oḵyan os gumuggulu ya adipun ḵamommod atte pilaḵ.

Titus 1:7 ပူးပေါင်းရင်းမြစ်များ

Matthew 24:45

Pun inugud os Jesus annae pani woḵ ḵanana, “Sa mataḻgodan ḵan nalainge sammilu, siya dinutuḵan ni apuna'ḵ angayyuwan atta buḻunnae sammilu. Siya angitod si ḵanon da buḻunna si ustu we timpu.

Luke 12:42

Summongbat aḵ Jesus woḵ ḵananae nangipani, “Sa mataḻgodan ḵan nalainge sammilu, siya dinutuḵan ni apuna'ḵ angayyuwan atta doganae sammilu. Siya angitod si ḵanon da buḻunna si ustu we timpu.

Ephesians 5:18

Ḵad adi ḵayu ambarbartek te dumadail yaḵon iyunudyu oḵyane sa ḵabooḻan ni Ispiritu Santu awad ḵan diḵayu.

Philippians 1:1

Diḵani ḵan da Paul ya aḵ Timothy ye anserbi ḵan Jesu Kristu. Annaya suḻatni ḵan diḵayu losan sinat ad Philippi we tagun Apudyus gapu si niyossaananyu ḵan Jesu Kristu, midoga da angipangpangu ḵan diḵayu ya da deacon.

Titus 1:5

Sa gapun ni nanenaḵ ḵan siḵa'd Crete, uḻnusom yan da daampun miyuḻnus ya dutuḵam da angipangpangu'tta gimung atta losane ili. Sosomḵom da imbilinḵu.

Titus 2:3

Da anḵamad-an ḵad os, bagbagaam os dida ta siya oḵyan unudonda ambaḻu we ugali ye sa mibagay atta pammatida. Ḵad adida bos an-ugud aḵ lawweng atta buḻunda baḵon nu ambarbartek. Yaḵon siya oḵyan ḵoonda, ituttududa da ambaḻu.

1 Peter 4:10

Ḵad da ḵabooḻane innatod Apudyus atte sin-ossaossae namati, usaronyu we anserbi'tta buḻunyu we isun di mataḻgodane sammilu we angayyuwan atta nankalakalasi ye bindisyune innatod Apudyus.

1 Peter 5:2

Annaya da bilinḵu ḵan diḵayu. Ummanyu ayyuwanan da tagun Apudyus we intaḻgodna ḵan diḵayu we isudan karnero. Adi ḵayu oḵyan mapattupattut yaḵon allaylayad ḵayu oḵyane angayyuwan ḵan dida te sadi pinion Apudyus. Ḵoonyu ḵewaaḻyu we daḵampun aḵ gapu si angamgamanyu si pilaḵ yaḵon gapu si ayatyu we anserbi ḵan Apudyus ya da buḻunyu.

2 Peter 2:10

Sindumallu dusan da angunud atta pipionda ya adidapun bigbigon ḵaḻabbongan Apudyus. Da sadi ye angituttudu si daḵampun aḵ tuttuwa, antuḻoddae angwa'tta lawweng ya ipatutda pipionda. Adidapun os maḵimute an-ugud aḵ lawweng mipanggob atta madaydayawe anghel.