Titus 1:5 - Sa Ugud Apudyus

⁵ Sa gapun ni nanenaḵ ḵan siḵa'd Crete, uḻnusom yan da daampun miyuḻnus ya dutuḵam da angipangpangu'tta gimung atta losane ili. Sosomḵom da imbilinḵu.

Titus 1:5 ပူးပေါင်းရင်းမြစ်များ

Acts 11:30

Ḵingwada ḵad, indagasda ḵan da Barnabas ḵan Saul ta ittonda'tta angipangpangu'tta namati'd Jerusalem.

Acts 14:23

Ginangputda ḵad dinutuḵan da angipangpangu'tta losane gimung da namati, nalluwaḻuda ya nallaunda woḵ intaḻgodda dida ḵan Apu we pinatida ta ayyuwanana dida.

Acts 2:11

da Judyu ya da Gentil we amati ḵan Apudyus we isun da Judyu we amati ḵan siya. Ḵad da udume iCrete ḵan iyArabia. Ḵad annae dodongngon taḵu didae ibagabagada si ugud taḵu da nakaskasdaawe ḵingwan Apudyus.”

Acts 27:12

Da ḵaaduwan ḵad os atta buḻunni ye nallugan, piondae pagatupanni te sa sadi ye lugar lawweng aḵ inggawan ni bapur si timpun ni ageled. Pun ḵananda, “Padason taḵu pagay iduum ad Phoenix we ili'd Crete ta sidi inggawan taḵu si timpun ni ageled.” Ḵad ambaḻu we dadaḵḵaḻan te daḵampun aḵ nansagung si maḻpuwan ni bibbid.

Acts 27:13

Sa sadi, dummatong bibbide naḻpu'd daya, ḵanandapun nu maḵwae pagatupanda baatda. Impangatuda andagsone ḵagae ngannonda angklae amaginoḵ si bapur woḵ nallibbat ḵani ye nangigiigid ad Crete.

Acts 27:21

Gapu ta nabayage ippun nangananda, summiḵad aḵ Paul woḵ ḵanana, “Susunud, nu tinuttuwayu oḵyan imbagaḵe adi taḵu malikkat ad Crete, naippun nadadail ḵan nataḻaḵ.

Acts 27:7

Innum-ummaan ni bapur si pigan aḻgaw woḵ gapu'tte bibbid nampaḵaḻam ḵani ye dummatong si adani'd Cnidus. Gapu ta pummigsapigsa bibbid, ippun inon ni bapur we maaḵat, pun nangoy ḵani'tte sabali ye maoye matalingdane biiḵna'd Crete woḵ lausanni'd Salmone.

1 Corinthians 11:34

Ḵad nu awad nauḻat, umuna oḵyane angan atte boḻoyna ta magimung ḵayu ḵad adin diḵayu ḵan Apudyus ḵuwison. Ḵad sa mipanggob atta udume ibilinḵu ḵan diḵayu, asiḵ ibaga nu umaliyaḵ sinat.

1 Corinthians 14:40

Yaḵon ilanyu bos ta losane ḵoonyu, ustuustu ḵan nauḻnus.

1 Corinthians 4:17

Sadi gapunae imbuunku'ḵ Timothy sinat, we ibelangku'ḵ abengḵu we ay-ayatoḵ ḵan mataḻgodane abeng ḵan Apu taḵu. Umali ta ipaspasmoḵna ḵan diḵayu inoḵe nangunud atte ugalin Kristu we intuttuduḵ atta losane namati ye magimugimung atta ḵinailin di ili.

Colossians 2:5

Taḵon ay nu naippunaḵ ḵan diḵayu sinat, sosomḵoḵ diḵayu ya amod de layadḵu si dingngoḻḵu we nauḻnus ḵayu ya ampigsa da pammatiyu ḵan Kristu.

1 Timothy 1:3

Timothy, adim maliwatan imbagaḵ ḵan siḵa si ayonaḵ ad Macedonia. Ḵodawoḵ ḵan siḵae inggawḵa'd Ephesus ta bilinom da udume tagu sinat ta agaydae angituttudu si tinutuli ye tuttudu.

2 Timothy 2:2

Ḵad da losane dingngoḻnu we intuttuduḵ ḵan siḵa'tta sinagung da adu we tagu, itaḻgodnu'tta mataḻgodane ḵallabbong os angituttudu'tta udum.

Titus 1:12

Inninggaw ḵailiyandae iCrete ye imbelangda'ḵ profeta we an-uuggudon Apudyus we ḵanana, “Da iCrete tuliyanda, isudan ḵumane ayam, baduuḻdae anḵewaaḻ yaḵon ampawotdae angan.”