Titus 1:4 - Sa Ugud Apudyus

⁴ Annaya suḻatḵu ḵan siḵa Titus we imbelangḵu'ḵ abengḵu gapu si pammati taḵu. Awad oḵyan ḵan siḵa ḵinabaḻu ḵan lin-awae maḻpu ḵan Apudyus we Ama taḵu ya aḵ Jesu Kristu we anagu ḵan ditaḵu.

Titus 1:4 ပူးပေါင်းရင်းမြစ်များ

Luke 2:11

Te ḵan diḵayu niyanaḵ sinsadi ye labi sina'tte ili ye niyanaḵan Ari David, aḵ Kristu we Apu.

John 4:42

Ḵananda si bubai, “Daḵampun ogon atta imbagam namatiyanni te dingngoḻni ye mismu ḵad igammuni ye siya tuttuwae Anagu'tta tagu'tte lubung.”

Romans 1:12

Sa pioḵ ibaga, an-asisoḻgag taḵu si pammati ta pumigsa pammatiḵ mipagapu'tta pammatiyu ya pumigsa bos pammatiyu gapu si pammatiḵ.

Romans 1:7

Pun anuḻataḵ ḵan diḵayu we annat ad Rome we inay-ayat Apudyus ḵan pinilina'ḵ taguna. Awad oḵyan ḵan diḵayu ḵinabaḻu ḵan lin-awae maḻpu ḵan Apudyus we Ama taḵu ya aḵ Jesu Kristu we Apu taḵu.

2 Corinthians 12:18

Saḵone mismu nangibuun ḵan Titus we umali sinat ya imbuunḵu osae sunud taḵu ḵan Kristu. Ginundawayaḵ ḵad ain diḵayu? Naid! Daḵampun ḵad ain aḵ an-iisu da somsomoḵni, panggobni ya ugali ye unudonni? On ḵingwani!

2 Corinthians 2:13

Yaḵon taḵon ay nu ḵatti ye naatod gundaway ḵan saḵon, amod de binsawḵu te naippun indasaḵ ḵan sunud taḵu we Titus sidi. Pun siya nampaḵadaaḵ atta susunud taḵu ḵan Kristu woḵ iyyaḵ ad Macedonia.

2 Corinthians 4:13

Ḵanan ni nangigili si Ugud Apudyus, “Namatiyaḵ ḵan Apudyus, pun sanat da inugudḵu.” Pun isuna bos ḵan diḵani ye gapu ta amati ḵani ḵan Apudyus, ugudonni bos da patiyonni.

2 Corinthians 7:6

Yaḵon aḵ Apudyus we alliwliwa'tta andadauy, niliwliwana bos diḵani gapu'tte dummaḵngan Titus.

2 Corinthians 8:16

Nanggappiyaaḵ ḵan Apudyus we nangitod ḵan Titus atte ayatnae bumadang ḵan diḵayu we isun ni ayatḵu we bumadang ḵan diḵayu.

2 Corinthians 8:23

Aḵ Titus, siya buḻunḵu ḵan bumadang ḵan saḵone anserbi ḵan diḵayu. Ḵad da annae susunud taḵu ḵan Kristu we mitun-ud ḵan siya, dida nibuune angitaḵdoḻ atta gimung da namati. Ḵad gapu ḵan dida, madayaw ḵinangatun Kristu.

2 Corinthians 8:6

Pun gapu ta aḵ Titus nangilapu'tte angitod ḵayu'ḵ badangyu, sinoḻgagni ta mipauli oḵyan sinat ta bumadang ḵan diḵayu we angigangput atta sinaḻdanae ambaḻu we ḵewaaḻe mipail-an ni ḵinabaḻuyu.

Galatians 2:3

Taḵon ay aḵ Titus we buḻunḵu we Gentil, adidapun impatute ampasogyat.

Galatians 3:26

Te losan ḵayu nibelang aḵ dummaḵoḻe abeng Apudyus mipagapu si pammatiyu ḵan Jesu Kristu si niyossaananyu ḵan siya.

Galatians 3:28

Ḵad nu ḵatti, sa antotollong Apudyus, naippun mangadanan aḵ Judyu baḵon nu Gentil, musassu baḵon nu daḵampun, laḻaḵi baḵon nu bubai te os-ossaan ḵayu gapu si niyossaananyu ḵan Jesu Kristu.

Ephesians 1:2

Awad oḵyan ḵan diḵayu ḵinabaḻu ḵan lin-awae maḻpu ḵan Apudyus we Ama taḵu ya aḵ Apu Jesu Kristu.

Colossians 1:2

Annaya suḻatni ḵan diḵayu we tagun Apudyus ya mataḻgodane susunudni ḵan Kristu ad Colossae. Awad oḵyan ḵan diḵayu ḵinabaḻu ḵan lin-awae maḻpu ḵan Apudyus we Ama taḵu.

1 Timothy 1:12

Anggappiyaaḵ ḵan Jesu Kristu we Apu taḵu we amaḵosdoḻ ḵan saḵon. Te imbelangna saḵon aḵ mataḻgodan woḵ dinutuḵana saḵon aḵ anserbi ḵan siya.

2 Timothy 1:1

Saḵon aḵ Paul we apostol Jesu Kristu te siya pinion Apudyus. Imbuunna saḵon aḵ umoy angiwaḻagawag si biyage inkarin Apudyus ḵan ditaḵu we nidoga ḵan Jesu Kristu.

2 Timothy 1:2

Annaya suḻatḵu ḵan siḵa Timothy ye imbelangḵu'ḵ abengḵu we ay-ayatoḵ. Awad oḵyan ḵan siḵa ḵinabaḻu, ḵadagu ḵan lin-awae maḻpu ḵan Apudyus we Ama taḵu ya aḵ Jesu Kristu we Apu taḵu.

2 Timothy 4:10

te tinenanaḵ ḵan Demas woḵ ummoy ad Thessalonica te pipiona nainlubungan. Aḵ Crescens ḵad os, ummoy ad Galatia ya aḵ Titus, ummoy ad Dalmatia.

Titus 1:3

Ḵad sa ustu we timpu, impaigammuna'tta tagu mipagapu'tte Ambaḻu we Damag. Ḵad sa sadi ye Ambaḻu we Damag, intaḻgodna ḵan saḵon ta siya iwaḻagawagḵu. Te aḵ Apudyus we nanagu ḵan ditaḵu, siya bos imbilinna ḵan saḵone ḵooḵ.

Titus 2:13

Sana da ugali ye unudon taḵu oḵyan atte anguwayan taḵu'tte bindisyune namnamaon taḵu. Sa annae namnamaon taḵu, sa angipail-an si madayawan ni ḵangatuwane Apudyus ya Anagu ḵan ditaḵu we aḵ Jesu Kristu.

2 Peter 1:1

Saḵon aḵ Simon Peter we osa'tta apostol Jesu Kristu we anserbi ḵan siya. Annaya bos suḻatḵu ḵan diḵayu we innattan Apudyus aḵ pammati ye ippun nisabaliyana si pammatini mipagapu si naun-unan Jesu Kristu we Apudyus taḵu ya Anagu ḵan ditaḵu.

2 Peter 1:11

Ḵad allaylayad os aḵ Apudyus we amaḻonoḵ ḵan diḵayu si annanayune ampangatan Jesu Kristu we Apu taḵu ya Anagu ḵan ditaḵu.

2 Peter 2:20

Nu maabuse miligsida'tte ḵinalawenge antatagun da tagu we adipun amati mipagapu si nangigammuwanda ḵan Jesu Kristu we Apu taḵu ya Anagu ḵan ditaḵu ya mipaulida bose ambalin aḵ musassu ḵan maabaḵ atta gagangaye basuḻda, sillumaweng anungus ni ḵasasaadda nu sa damu.

2 Peter 3:18

yaḵon pagatupanyu oḵyan padason amode ḵinabaḻun Jesu Kristu we Apu taḵu ya Anagu ḵan ditaḵu ḵad dogdog-anyu bos inigammuyu ḵan siya. Madaydayaw oḵyan aḵ Kristu sinsana ya aḵ inggainggana. Amen.

2 Peter 3:2

Pioḵe iḵagasmoḵyu da impadtun da profeta we nanserbi si awe ya da bilin Apu taḵu ya sa Anagu we impaigammuna ḵan diḵayu mipagapu'tta apostol we nantuttudu ḵan diḵayu.

1 John 5:14

Ḵad antaḻgod taḵu we alluwaḻu ḵan Apudyus te igammu taḵu we ngaimane ḵodawon taḵu ḵan siya sigun si piniona, dongngona ditaḵu.

Jude 1:3

Ay-ayatoḵe buḻbuḻun, ansagsaganaaḵe anuḻat ḵan diḵayu si mipanggob atte mataguwan taḵu losane namati. Yaḵon sinsadi, ḵasapuḻane anuḻataḵ ta bagbagaaḵ diḵayu we iggayu ḵabooḻanyu we angitaḵdog si pammati taḵu we namingpingsane intaḻgod Apudyus atta taguna.