Titus 1:12 - Sa Ugud Apudyus

¹² Inninggaw ḵailiyandae iCrete ye imbelangda'ḵ profeta we an-uuggudon Apudyus we ḵanana, “Da iCrete tuliyanda, isudan ḵumane ayam, baduuḻdae anḵewaaḻ yaḵon ampawotdae angan.”

Titus 1:12 ပူးပေါင်းရင်းမြစ်များ

Acts 17:28

Te inninggaw osae ḵanana, “ ‘Siya angitod atte biyag taḵu ya siya angayyuwan ḵan ditaḵu si anggiduwan taḵu ḵan mataguwan taḵu.’ Ḵanan os da udume naḻpu'tte annae nasyone nalainge an-ullalim, ‘Tuttuwae abengna bos ditaḵu.’

Acts 2:11

da Judyu ya da Gentil we amati ḵan Apudyus we isun da Judyu we amati ḵan siya. Ḵad da udume iCrete ḵan iyArabia. Ḵad annae dodongngon taḵu didae ibagabagada si ugud taḵu da nakaskasdaawe ḵingwan Apudyus.”

Acts 27:12

Da ḵaaduwan ḵad os atta buḻunni ye nallugan, piondae pagatupanni te sa sadi ye lugar lawweng aḵ inggawan ni bapur si timpun ni ageled. Pun ḵananda, “Padason taḵu pagay iduum ad Phoenix we ili'd Crete ta sidi inggawan taḵu si timpun ni ageled.” Ḵad ambaḻu we dadaḵḵaḻan te daḵampun aḵ nansagung si maḻpuwan ni bibbid.

Acts 27:13

Sa sadi, dummatong bibbide naḻpu'd daya, ḵanandapun nu maḵwae pagatupanda baatda. Impangatuda andagsone ḵagae ngannonda angklae amaginoḵ si bapur woḵ nallibbat ḵani ye nangigiigid ad Crete.

Acts 27:7

Innum-ummaan ni bapur si pigan aḻgaw woḵ gapu'tte bibbid nampaḵaḻam ḵani ye dummatong si adani'd Cnidus. Gapu ta pummigsapigsa bibbid, ippun inon ni bapur we maaḵat, pun nangoy ḵani'tte sabali ye maoye matalingdane biiḵna'd Crete woḵ lausanni'd Salmone.

Romans 16:18

Te da ḵassadi ye tagu, daḵampun ḵan Apu taḵu we Kristu anserbiyanda yaḵon da long-agda ya da pipionda. Ḵad mipagapu'tte allin-awae an-uugudda ya ḵinasiḵapda, allelawonda da tagu we ippun ḵon igammuda.

Philippians 3:19

Te aaddi ye sa ambanagan ni biyagda, madusada'ḵ inggana'd infiernu. Te dida ḵad, siya ambalinonda'ḵ apudyusda da pipion da long-agda. Ḵad siya is-isḵaḻda da ḵababbaine ḵoḵoḵḵonda. Siya bos ipapuut ni somsomoḵda da awad si luta.

1 Timothy 4:2

Sa annae tuttudu, naḻpu'tta ḵapappailae tagu we adipun ansigab somsomoḵda nu antultullida te ummingsadae antultulli.

Titus 1:5

Sa gapun ni nanenaḵ ḵan siḵa'd Crete, uḻnusom yan da daampun miyuḻnus ya dutuḵam da angipangpangu'tta gimung atta losane ili. Sosomḵom da imbilinḵu.

2 Peter 2:12

Yaḵon da sanae angituttudu si daḵampun aḵ tuttuwa, an-ugudda'ḵ lawweng atte adidapun maawatan. Isudan tanane ayame miyanaḵda ta madoḵmaanda ya mapatoyda. Ḵad sa ambanagana, madadailda.

2 Peter 2:15

Nan-awidandae angwa'tta ambaḻu ya nalimuda. Inunudda ugalin Balaam we abeng Beor we naḵabasuḻ gapu'tte pipionae pabayad si ḵoonae lawweng.