Romans 9:5 - Sa Ugud Apudyus

⁵ Ḵad dida bos ganaḵ da ampapatoge tagun Apudyus si awe. Dida da iyIsrael we naḻpuwan Kristu. Siya angipangat atta losan ya siya Apudyus we madaydayaw aḵ inggainggana! Amen.

Romans 9:5 ပူးပေါင်းရင်းမြစ်များ

Matthew 28:20

Ḵad tuttuduwanyu dida ta tuttuwaonda da losane imbilinḵu ḵan diḵayu. Sosomḵonyu we patilayune annaaḵ ḵan diḵayu inggana'ḵ anungus ni timpu.”

Matthew 6:13

Ḵad adim iyunude masulisug ḵani, yaḵon iligsim diḵani si lawweng.’ ”

Luke 20:44

Pun nu ḵanan Ari David we aḵ Kristu Apuna, ngai inonae ganaḵna bos nu?”

John 10:30

Saḵon ya aḵ Amaḵ, ossaan ḵani.”

Acts 20:28

“Pun ummanyu ayyuwanan da long-agyu ya da losane tagu we ipaayyuwan ni Ispiritu Santu ḵan diḵayu te sanat biyangyu we angipangpangu. Ayyuwananyu we ustu da magimugimunge namati ḵan Apudyus te sinubutna dida si daḻan ni mismu we abengna.

Acts 3:13

Daḵampun ḵan diḵani yaḵon sa Apudyus da Abraham, Isaac, Jacob ya da losane danaḵḵoḻ taḵu. Siya namataddaḻan si laḻaḵi ta maila ḵinaapudyus Jesus we nanserbi ḵan siya si annae lubung. Aḵ Jesus, siya impuḻangyu'tta papangat ya indiyanyu si sinagung Gobernor Pilate atte simsimmoḵnae piona puḵayan.

Romans 1:25

Te pinasantanda ḵatuttuwaan mipanggob ḵan Apudyus atte tinutuli. Ḵad siya dinaydayawda ḵan nanserbiyanda da ḵingwan Apudyus yaḵon daḵampun ḵan Apudyus we nangwa'tta losane siya madaydayaw aḵ inggana. Amen.

Romans 10:12

Te naippun laḵsigon Apudyus taḵon ay Judyu baḵon nu Gentil te aḵ Jesu Kristu abus aḵ Apu taḵu we amindisyun atta losane anḵodaw aḵ ḵadagu ḵan Apu.

Romans 11:28

Gapu ta adimpun da Judyu pinati Ambaḻu we Damag, nambalinda'ḵ ḵabusuḻ Apudyus gapu ḵan diḵayu we Gentil. Yaḵon gapu ta pinilin Apudyus dida, ay-ayatona dida gapu'tte inkarina'tta danaḵḵoḻda.

1 Corinthians 14:16

Ḵad nu alluwaḻu ḵan anggappiya somsomoḵḵu ḵan Apudyus we adipun maawatan, ngai inon da udume sumongbat atte “Amen” nu adida maawatan ugudoḵ?

2 Corinthians 11:31

Aḵ Apudyus we Aman Apu Jesus we madaydayaw aḵ inggana, igammunae adiyaḵpun antultulli.

1 Timothy 3:16

Ḵad iniiggammu taḵu we ampatopatog pinati taḵu mipanggob ḵan Jesu Kristu. Adipun nipaigammu si awe yaḵon impaigammun Apudyus ḵan ditaḵu sinsadi. Nambalin aḵ tagu ya pinanoḵnoḵan ni Ispiritu Santu we siya Abeng Apudyus. Innilan da anghel, niwaḻagawag mipanggob ḵan siya'tta ḵinailin di ili. Namati da tagu'tte lubung ḵan siya woḵ nipangatu'd langit ta madaydayaw.

1 Timothy 6:15

Ḵad nu dumatong ustu we timpu, siya ipaigammun Apudyus we madaydayaw ya abus aḵ ampangat atta losan, siya Arin da losane Ari ya Apun da losane Apu.

2 Timothy 2:8

Sosomkom aḵ Jesu Kristu we ummuli ye ganaḵ Ari David. Siya Ambaḻu we Damag we iwwaḻagawagḵu.

Hebrews 7:24

Yaḵon aḵ Jesus matattagu'ḵ inggana, ḵad sissiya ḵinapadina'ḵ inggana.

1 John 5:20

Ḵumaḵlu, igammu taḵu we ummali Abeng Apudyus woḵ innatodna ḵan ditaḵu pannakaawat ta igammuwon taḵu tuttuwae Apudyus. Ḵad sinsadi iinggaw taḵu si tuttuwae Apudyus te iinggaw taḵu si Abengna we aḵ Jesu Kristu. Siya tuttuwae Apudyus ya siya maḻpuwan ni biyag aḵ inggana.

Revelation 1:18

ya saḵon matattagu. Natoyaḵ yaḵon ilam ḵad saḵon, matataguwaḵ aḵ inggana. Saḵon os asi ḵigad atte ḵatoy ya anna ḵan saḵon tuḻbiḵe amuḵat ad Hades we igaw da natoy.

Revelation 22:16

Ḵanana bos, “Saḵon aḵ Jesus we nangibuun si anghelḵu'ḵ anaḵdoḻ si ḵatuttuwaan da anna ḵan diḵayu ta ipaigammuyu'tta gimung da namati. Saḵon ganaḵ Ari David we nipadtu si awe ya nangadanan aḵ ambigattone sa ampigsa silawna.”

Revelation 22:20

Sa anaḵdoḻe tuttuwa losan da anna ḵanana, “Tuttuwae madam-an umaliyaḵ.” Amen! Awwaynu, Apu Jesus.

Revelation 5:14

Pun ḵanan da opate matattagu we ḵingwam, “Amen.” Ḵad da angipangpangu, nanalluḵuda bose nandaydayaw.