Romans 9:4 - Sa Ugud Apudyus

⁴ Didae mismu we ganaḵ Israel pinilin Apudyus aḵ nambalin abengna ya dida nangipail-ana si ḵinangatuna. Dida bos naḵatuḻagana si nangittana'tte lintog, intuttuduna ḵan dida ustu we inondae andayaw ḵan siya ya adu bos da inkarina ḵan dida.

Romans 9:4 ပူးပေါင်းရင်းမြစ်များ

Matthew 21:33

Pun ḵanan Jesus, “Dongngonyu osae pani. Inninggaw tagu we nammuḻa'ḵ aduadu we grape atte lutana. Pun ḵinabitina nampaliḵwos woḵ ummabut atte batu ta mauppunan ni baḻat da de grape nu asotonda. Nantaḵad os aḵ antaḵnange boḻoy ta inggawan da guwaḻda. Pun impatangḵonna'tta udume gumagammole woḵ ummoy atte adayu we ili.

John 1:17

Innatod Apudyus lintog mipagapu ḵan Moses yaḵon mipagapu ḵan Jesu Kristu we pinilin Apudyus aḵ Anagu ya An-ari, impailana ḵinabaḻu ḵan ḵatuttuwaan mipanggob ḵan siya.

John 1:47

Innilan ḵad ay Jesus aḵ Nathanael we umadani, imbagana mipanggob ḵan siya woḵ ḵanana, “Annaya tuttuwae ganaḵ Israel we adipun nasiḵap.”

Acts 2:39

Te sa annae kari para ḵan diḵayu ya da aabengyu ya da losane awad atta adayu we ili ya da losane pinilin Apudyus.”

Romans 3:2

Sa ḵatuttuwaan, ampatog tagu we mibelang aḵ Judyu. Sa umuna, ditaḵu nangitaḻgodan Apudyus si nigili ye ugudna.

Romans 8:15

Te sa Ispiritu we innatod Apudyus ḵan ditaḵu, adinapun ditaḵu nambalinon aḵ musassu we umogyate isun ni ḵasasaad taḵu si awe yaḵon nambalinon ditaḵu'ḵ abeng Apudyus. Pun gapu'tte ḵabooḻan ni Ispiritu Santu, maḵwa ḵanan taḵu ḵan Apudyus we Ama!

Romans 9:6

Sa imbagaḵ mipanggob atta ganaḵ Israel we adipun namati ḵan Jesu Kristu, adiḵpun ḵanane ippun nambanagan da inkarin Apudyus atta taguna. Te daḵampun aḵ tuttuwae tagun Apudyus da losane ganaḵ Israel.

2 Corinthians 11:22

Pun nu ḵanandae Hebrewda, Hebrewaḵ os. Ḵad nu ḵanandae dida ganaḵ Israel, siya bos ḵan saḵon. Ḵad nu ḵananda bose dida ganaḵ Abraham, ganaḵaḵ os ḵan Abraham.

Galatians 3:16

Sinsadi, inkarin Apudyus ḵan Abraham ya sa ganaḵna. Sa ugude ganaḵ atte Ugud Apudyus, daḵampun atta adu we ganaḵ piona ugudon yaḵon sa ossaane ganaḵnae aḵ Kristu.

Ephesians 2:12

Sosomḵonyu we sa awe, nisisina ḵayu ḵan Kristu. Nanaḻsin ḵayu'tta ganaḵ Israel we pinilin Apudyus aḵ taguna. Adiḵayupun os nidoga si intuḻag Apudyus we inkarina'tta tagunae awad de umali ye anagu ḵan dida ya diḵayu we tagu we adipun amati ippun namnamayu ḵan ippun Apudyusyu.

Hebrews 9:1

Sa ummunae tuḻag Apudyus, awad da tuttudu mipanggob si ustu we inondae andaydayaw ḵan siya. Ḵad awad os tuldae ḵingwada sina'd lutae andaydayawanda ḵan siya.

Hebrews 9:10

Yaḵon da annae tuttudu abuse mipanggob atta maḵan, mainum ya da kalasin da inon taḵu we amapoḻḵas si long-ag. Losan atta anna ḵasapuḻane mituttuwada inggana'ḵ dumatong timpu we baliwan Apudyus da losan.

Hebrews 9:3

Sa ḵumagwae kuwartu we naboḻdaḵ si kortina, sadi ngannonda Ḵasantuwane Kuwartu we para ḵan Apudyus.

Hebrews 9:5

Sa ngatuwon ni sanae ḵasun, awad da anghel we ngannonda Cherubim we angipaila si ḵinadayaw Apudyus. Inalidungan da payaḵda tangob ni ḵasune nawaḻagisan si daḻa si tinawon ta laḵḵobana da basuḻ da tagu. Yaḵon daḵampun aḵ sinsadi angipaḵaawataḵ atta sanae banag.

Hebrews 9:6

Nu nauḻnus da awad atte tulda, inaḻgawe lumnoḵ da papadi si umunae kuwartu ta ḵoonda da biyangda.