Romans 9:33 - Sa Ugud Apudyus

³³ Te ḵanan ni nigili'tte Ugud Apudyus, “Ilanyu, isaadḵu'd Zion annae batu we amapagdot si boḻoy. Sana batu we ampasanga ya misubuḵan ḵan maottagan da tagu. Yaḵon ngaimane amati ḵan siya adipun paat madismaya.”

Romans 9:33 ပူးပေါင်းရင်းမြစ်များ

Matthew 21:42

Pun ḵanan Jesus ḵan dida, “Iḵagasmoḵyu oḵyan binasayu si nigili ye Ugud Apudyus we ḵanana, “ ‘Sa batu we indiyan da nantaḵad aḵ boḻoy, siya nambalinon Apudyus aḵ ḵapatogane batu we amapagdot atte boḻoy. Sa annae ḵingwan Apudyus, ambaḻubaḻu. Ḵad nakaskasdaaw atte ḵasomsomḵan taḵu.’

Matthew 21:44

Ngaimane maottag si annae batu magomogomoḵ ya sa tagu we maottagan ni sanae batu, magabugabuḵe isun di gabu.”

Romans 10:1

Susunudḵu ḵan Kristu, isisimoḵḵu we alluwaḻu ḵan Apudyus para'tte mataguwan da ḵailiyaḵe Judyu.

Romans 10:11

Te awad de nigili ye Ugud Apudyus we ḵanana, “Ngaimane amati ḵan siya adipun paat madismaya.”

Romans 5:5

Ḵad nu awad namnama taḵu, aditaḵupun oḵyan madismaya te impailan Apudyus amode ayatna para ḵan ditaḵu mipagapu'tte Ispiritu Santu we innatodna ḵan ditaḵu.

Galatians 5:11

Yaḵon saḵon ḵad susunudḵu ḵan Kristu, awad da udume angibagae sissiyae ituttuduḵe ḵasapuḻane tuttuwaon taḵu lintog mipanggob si sogyat ta mibelang taḵu'ḵ naun-unan ḵan Apudyus. Yaḵon sa ḵatuttuwaan, adiḵpun ituttudu sogyat te da Judyu sissiyae ampaḵaḻamonda saḵon. Ḵad nu ituttuduḵe ḵasapuḻane masogyatan da tagu, ippun ogon lasunda'ḵ anasanga ḵan saḵon te adiyaḵpun ogon antuttudu we siya abus aḵ mataguwan taḵu mipagapu si natoyan Kristu atte kros.

Philippians 1:20

Igammuḵe taguwonaḵ gapu'tte namnamaḵ ya sa pioḵ pagay, adiyaḵpun mabain si sinagung Apudyus gapu si adiḵpun daydayawon yaḵon amo tumuḻodaḵ pagay sinsanae isuna awe ta mipagapu'tte long-agḵu midayaw aḵ Kristu, matattaguwaḵ man baḵon nu matoyaḵ.

2 Timothy 1:12

ḵad sadi gapun ni ampaḵapaḵaḻamaḵ. Yaḵon adiyaḵpun mabain te igammuḵ pinatiḵe awad de ḵabooḻanae angayyuwan atta intaḻgodna ḵan saḵon inggana'ḵ dumatong aḻgawe ḵasin umali'ḵ Kristu.

1 John 2:28

Pun sinsadi, diḵayu we aabengḵu, iinggaw ḵayu ḵan siya ta ippun umogyatan taḵu ḵan mabainan taḵu nu ḵasin umali.