Romans 9:32 - Sa Ugud Apudyus

³² Ngaipa? Te sa angngitanda si inondae maun-unan, daḵampun aḵ mibatay atte pammati yaḵon sa angwaanda'tta ambaḻu. Nasaktanda ḵan Kristu we mipani'tte batu we misubuḵan da tagu.

Romans 9:32 ပူးပေါင်းရင်းမြစ်များ

Matthew 13:57

Pun lummaweng somsomoḵda woḵ adidapun namati. Ḵanan Jesus ḵan dida, “Sa profeta mapatgan si sabali ye ili yaḵon adipun mapatgan atta mismu we ḵailiyana ya da ḵabaḻyanna.”

Luke 2:34

Pune sadi, binindisyunan Simeon dida woḵ ḵanana ḵan Mary, “Dongngom, sa annae abeng, dinutuḵan Apudyus siya'ḵ mataguwan da adu ḵan ditaḵu we ganaḵ Israel ya adu bos da madusa. Awad da anging-ingnga ḵan siya.

Luke 7:23

Ḵad pian tagu we adipun anduwaduwa si mipanggob ḵan saḵon.”

Romans 10:3

Te adidapun igammu inon Apudyus we angwa'tta tagu'ḵ maun-unan. Pinadasdae mismu unudon lintog si maun-unanda woḵ indiyanda inon Apudyus we angwa'tta tagu'ḵ maun-unan.

Romans 11:11

Ḵad awad de imusoḵ, sa sadi ye nisubuḵan da Judyu, piona ḵad ain ugudone adidapun labbong bumangon ḵasin? Naid! Te gapu'tte basuḻdae indiyanda'ḵ Kristu, dummatong nanaguwan Apudyus atta Gentil ta umapos da Judyu ḵan dida.

Romans 4:16

Pun sana gapunae mibatay atte pammati ta sa inkarin Apudyus mibatay si ḵinabaḻuna ya aaddi ye mituttuwa'tta losane mibelang aḵ ganaḵna, daḵampun aḵ abus da Judyu aḵ angigammu'tte lintog yaḵon da losane amati ye isun ni pammatin Abraham. Te siya ama taḵu losan.

1 Corinthians 1:23

Yaḵon siya iwwaḻagawagni mipanggob atte natoyan Kristu atte kros ḵad siya nisubuḵan da Judyu ya dinodong-og atta Gentil.

1 Peter 2:6

Te ḵanan ni nigili'tte Ugud Apudyus, “Ilanyu, isaadḵu'd Zion annae batu we amapagdot si boḻoy. Siya piniliḵ ya siya ḵapatogan. Ḵad ngaimane amati ḵan siya, adipun paat madismaya.”

1 Peter 2:8

Iḵagasmoḵda oḵyan os awad si Ugud Apudyus we ḵanana, “Sana batu we ampasanga ya misubuḵan ḵan maottagan da tagu.” Misubuḵda te adidapun tuttuwaon gapu si adidapun amatiyan atte Ugud Apudyus ya sana bos planun Apudyus para ḵan dida.