Romans 9:30 - Sa Ugud Apudyus

³⁰ Ngai ibaga taḵu nu? Da Gentil we adidapun ginamgaman naun-unanda'tte sinagung Apudyus, naun-unanda gapu si pammatida ḵan Jesu Kristu.

Romans 9:30 ပူးပေါင်းရင်းမြစ်များ

Romans 10:10

Te gapu'tte sipupusu we amatiyan taḵu ḵan Jesu Kristu aḵ Apudyus angwa ḵan ditaḵu'ḵ maun-unan ḵad sa angibabaggaan taḵu bose aḵ Jesus Apu, sadi mataguwan taḵu.

Romans 10:20

Antuḻod os aḵ Profeta Isaiah we nangibaga'tta imbagan Apudyus we ḵanana, “Indasanaḵ atta daḵampun aḵ angngit ḵan saḵon, ḵad nampailaaḵ atta daḵampun aḵ angim-imus mipanggob ḵan saḵon.”

Romans 10:6

Yaḵon sa inon Apudyus we angwa'tte tagu'ḵ maun-unan gapu'tte pammatina, awad de nigili si Ugud Apudyus we amanoḵnoḵe daḵampun aḵ anḵamnut awad pammati ye ḵanana, “Adiyu ḵanan atta somsomoḵyu we ḵasapuḻane awad umoy ad langit.” Sa piona ḵanan an-osog aḵ Jesu Kristu sina'd luta.

Romans 3:5

Yaḵon nu sa angwaan taḵu'tta ḵinalaweng angipaila si naun-unan aḵ Apudyus, maḵwa ḵammane ḵanan taḵu we adipun naun-unan aḵ Apudyus nu dusaona ditaḵu gapu'tta ḵinalaweng taḵu? An-ugudaḵe ḵasomsomḵan di tagu.

Romans 4:11

Pun nasogyatan aḵ Abraham ta angipanoḵnoḵe imbelang Apudyus aḵ naun-unan gapu si pammatina si daannapun masogyatan. Pun nambalinon Apudyus aḵ aman da losane namati taḵon ay nu adidapun nasogyatan, mibelangda'ḵ naun-unan.

Romans 4:13

Sa awe, inkarin Apudyus ḵan Abraham ya da ganaḵnae allaḵsunda annae lubung. Yaḵon daḵampun aḵ gapu'tte nanuttuwaan Abraham si lintog nangibelangan Apudyus ḵan siya'ḵ naun-unan yaḵon gapu'tte pammatina.

Romans 4:22

Pun gapu si pammatina, siya nangibelangan Apudyus ḵan siya'ḵ naun-unan te namati'tta inkarin Apudyus ḵan siya.

Romans 4:9

Ngai nangibag-an Ari David si ḵananae pian? Abus taḵu ḵad aine Judyu aḵ nanuttuwa si ugali ye masogyatan? Naid! Te taḵon ay da Gentil we adipun nasogyatan, nidogada. Ḵananni ye imbelang Apudyus aḵ Abraham aḵ naun-unan gapu'tte pammatina.

Romans 5:1

Pun gapu ta aḵ Apudyus nangwa ḵan ditaḵu'ḵ naun-unan gapu'tte pammati taḵu, allin-awa maḵabuḻbuḻunan taḵu ḵan Apudyus mipagapu'tte ḵingwan Jesu Kristu we Apu taḵu.

Romans 9:14

Ngai ibaga taḵu nu? Piona ḵad ain ḵanane sa ḵingwan Apudyus daḵampun aḵ ustu? Naid!

Romans 9:31

Yaḵon da ganaḵ Israel we nangipapati nangunud atta lintog ta maun-unanda, daḵampun aḵ sanat gapun ni angwaan Apudyus ḵan dida'ḵ maun-unan.

Galatians 2:16

Yaḵon iniiggammu taḵu we sa antotollong Apudyus, daḵampun aḵ siya angwa si maun-unan ni tagu anuttuwaana'tte lintog te sa pammatina ḵan Jesu Kristu sanat angwa si maun-unana. Siya gapunae taḵon ay ditaḵu we Judyu, namati taḵu ḵan Jesu Kristu ta aḵ Apudyus angwa ḵan ditaḵu'ḵ maun-unan gapu si pammati taḵu we daḵampun si anuttuwaan taḵu si lintog. Te ippun pulus naun-unan si antotollong Apudyus gapu si anuttuwaana si lintog.

Galatians 3:24

Pun isun di binantayan ditaḵu si lintog inggana si ummaliyan Kristu ta siya angwa si maun-unan taḵu si antotollong Apudyus gapu si pammati.

Galatians 3:8

Nipadtu bos atte Ugud Apudyus we gapu'tte pammati, aḵ Apudyus angwa si maun-unan da Gentil si antotollongna te siya pion ni Ambaḻu we Damag ugudon. Sa annae Ambaḻu we Damag, sa naabuse imbagan Apudyus ḵan Abraham we nigili bos atte ugudna. Ḵanana, “Gapu ḵan siḵa, mabindisyunan da tagu'tta losane ili.”

Galatians 5:5

Yaḵon ditaḵu ḵad, namnamaon taḵu we aḵ Apudyus angwa si maun-unan taḵu ya sa Ispiritu Santu bumadang ḵan ditaḵu we anguuway si mituttuwaana gapu'tte pammati taḵu.

Ephesians 2:12

Sosomḵonyu we sa awe, nisisina ḵayu ḵan Kristu. Nanaḻsin ḵayu'tta ganaḵ Israel we pinilin Apudyus aḵ taguna. Adiḵayupun os nidoga si intuḻag Apudyus we inkarina'tta tagunae awad de umali ye anagu ḵan dida ya diḵayu we tagu we adipun amati ippun namnamayu ḵan ippun Apudyusyu.

Philippians 3:9

ya miyossaanaḵ ḵan siya. Pun sinsana, daḵampun aḵ ḵuwaḵ naun-unaḵe mibatay si nanuttuwaaḵ atte lintog yaḵon sa maun-unane itton Apudyus we mibatay si pammati ḵan Kristu.

1 Timothy 6:11

Yaḵon siḵae osae tagun Apudyus, ḵasapuḻane an-awidam da sana ya iggam ḵabooḻame angunud si ustu ḵan naapudyusane biyag. Ḵad papigsaom pammatim ḵan Apudyus, sa ayatnu, sa ḵinaanusnu ya sa an-ammaye biyag atta asintatagum.

Hebrews 11:7

Mipagapu si pammatin Noah, nandongoḻ atta imbagan Apudyus mipanggob atta banage maḵwa si umali ye aḻgawe daannapun yan ilan. Tinuttuwana'ḵ Apudyus woḵ nangwa'ḵ daḵoḻe bapur ta matagudae simbaḻyan. Gapu si pammatina, impailanae nankamali da tagu'tte lubunge adidapun amati ḵan Apudyus ya dusaon Apudyus oḵyan dida. Pun imbelang Apudyus aḵ naun-unan mipagapu si pammatina.

1 Peter 4:3

Sa awe, amod de tinangtanggayu we timpu si nangwaanyu'tta pipion da adipun amati ḵoon. Te ḵingwayu da isun da ḵaissaw ḵan ḵababbaine pipion da long-agyu, da bartek, natuḻ-ayane gangganas ya sa nanaydayawanyu'tta sinan-apudyus we misullagi si bilin Apudyus.