Romans 9:22 - Sa Ugud Apudyus

²² Isuna bos ḵan Apudyus. Taḵon ay nu piona ipaila sangana ḵan ḵabooḻanae anusa'tta labbongna'ḵ madusa yaḵon inan-anusana dida.

Romans 9:22 ပူးပေါင်းရင်းမြစ်များ

Romans 1:18

Te aḵ Apudyus ad langit, impaigammuna sangana'tta adipun andayaw ḵan siya ya da angwa'ḵ lawweng. Te sa ḵinalawengda anupod si mipaigammuwan ni ḵatuttuwaan.

Romans 9:17

Ḵanan ni nigili ye Ugud Apudyus ḵan Pharaoh we ari'd Egypt, “Annaya panggobḵu'tte ḵingwaḵ: Nambalinoḵ siḵa'ḵ ari ta angipail-aḵ si ḵabooḻaḵ ḵan siḵa ya mipaigammu ngadanḵu si intero we luta.”

Romans 9:20

Yaḵon ngaiḵa ḵammane sumongbat ḵan Apudyus? Maḵwa ḵammane ḵanan ni nadiwin atte nandiwin, “Ngaipa ḵaḵna nangwam ḵan saḵon?”

Romans 9:21

Ippun ḵamman ḵaḻabbongan ni andidiwine angwa si piona'tte lutae madiwin? Te maḵwa ḵoona gogwana'ḵ gusi ye ampatog ya ḵoona udum aḵ banga, sigun si piona.

1 Thessalonians 2:16

te taḵtaḵonda diḵani ye angibaga'tte Ugud Apudyus atta Gentil ta mataguda oḵyan. Sa ḵoondae sanat, dog-adog-anda da basuḻda ḵad dumatong ḵan dida sindumallu we sangan Apudyus.

1 Thessalonians 5:9

Te adimpun ditaḵu pinili ḵan Apudyus aḵ midoga si umamdane sangana. Yaḵon pinilina ditaḵu'ḵ matagu mipagapu ḵan Jesu Kristu we Apu taḵu,

2 Timothy 2:20

Awatna, sa daḵoḻe boḻoy ni baḵnang. Wadawad da kalasin di palatu we ḵaḵaḵḵanan. Awad da buḻawan ḵan silver ḵopyadae ampatog mausaranda. Awad os da ḵayu ḵan nadiwine luta ḵopyadae mausar atte baḻangna.

1 Peter 2:8

Iḵagasmoḵda oḵyan os awad si Ugud Apudyus we ḵanana, “Sana batu we ampasanga ya misubuḵan ḵan maottagan da tagu.” Misubuḵda te adidapun tuttuwaon gapu si adidapun amatiyan atte Ugud Apudyus ya sana bos planun Apudyus para ḵan dida.

1 Peter 3:20

Da sanae ḵalidodwae nibabaḻud, ḵalidodwan da tagu we adipun tummuttuwa gapu si adidapun namatiyan ḵan Apudyus si timpun Noah si awe. Sa nangwaan Noah si bapur, inan-anusan Apudyus we nanguuway si amatiyan da tagu ḵan siya yaḵon adidapun tummuttuwa gapu si adidapun namatiyan, abuse waḻu we tagu da tinagun Apudyus si timpu we nalitapan ni lubung.

2 Peter 2:3

Ḵad gapu si ḵamommodda, da sanae tagu tultulliyan diḵayu si nangnangwada'ḵ ug-uggud ḵad usaronda diḵayu ta angaḻ-anda'ḵ pilaḵda. Yaḵon nabayage naḵasagana dusada ya adipun masuyop anadail ḵan dida.

2 Peter 2:9

Losan da sadi ye naḵwa'tte awe, sadi angigammuwan taḵu we aḵ Apudyus igammunae anagu'tta naapudyusane tagu'tta ampaḵaḻamanda. Ḵad igammuna bose angibaḻud atta tagu ta asida madusa si aḻgawe anguwisana'tta tagu.

2 Peter 3:15

Sosomḵonyu we sa gapunae naanus Apu taḵu, pionae awad wayan da tagu ta taguwona dida. Sadi da insuḻat Paul we ay-ayaton taḵu we sunud taḵu ḵan Kristu ḵan diḵayu sigun si lainge innatod Apudyus ḵan siya.

Jude 1:4

Te annat da tagu we illimoddae nidoga ḵan diḵayu we adiḵayupun naḵaimatun ḵan dida. Dida da nipadtu si awe si Ugud Apudyus we asi maḵuwis. Sana da tagu we daḵampun aḵ naapudyusane baliwanda ḵatuttuwaan mipanggob si ḵinabaḻun Apudyus te usaronda Ugud Apudyus aḵ analingodda'tta lawwenge ḵoḵoḵḵonda. Adidapun os bigbigon ḵatuttuwaan mipanggob ḵan Jesu Kristu we abus aḵ Apu we anserbiyan taḵu.