Romans 8:6 - Sa Ugud Apudyus

⁶ Nu siya abus aḵ sosomḵon ni tagu da pion ni long-agna, ambanag atte matoyana. Yaḵon nu siya isisimoḵna mipanggob atte Ispiritu Santu, matagu ḵan malin-awaan aḵ inggana.

Romans 8:6 ပူးပေါင်းရင်းမြစ်များ

John 14:27

“Tenaḵ ḵan diḵayu lin-awa ya sa lin-awaḵ ittoḵ ḵan diḵayu. Daḵampun aḵ isun ni an-aatod da tagu we adipun amati an-aatodḵu ḵan diḵayu. Ḵad adi ḵayu maal-alimuunan ya maḵimut.

John 14:6

Ḵanan Jesus, “Saḵon daḻan, ḵatuttuwaan ḵan biyag. Naippun maḵaoy ḵan Amaḵ nu adi angoy ḵan saḵon.

John 17:5

Sinsadi Ama, mipauliyaḵ ḵan siḵa ya ipailam ḵinaapudyusḵu we isun ni nangipail-am si awe atte inninggawaḵ ḵan siḵa si daan ni lubung maḵwaan.

Romans 13:14

Yaḵon sa ḵoon taḵu oḵyan, unudon taḵu ugalin Apu taḵu we Jesu Kristu ya adi taḵu oḵyan iyunud da pion da long-ag taḵu.

Romans 14:17

Te sa ampangatan Apudyus atta taguna, daḵampun aḵ ampatog ḵanon taḵu ḵan inumon taḵu. Yaḵon sa ampatog, ḵoona ditaḵu'ḵ maun-unan, sa allin-awaan taḵu'tta sin-ossaossa ya sa laylayad taḵu we maḻpu si Ispiritu Santu.

Romans 5:1

Pun gapu ta aḵ Apudyus nangwa ḵan ditaḵu'ḵ naun-unan gapu'tte pammati taḵu, allin-awa maḵabuḻbuḻunan taḵu ḵan Apudyus mipagapu'tte ḵingwan Jesu Kristu we Apu taḵu.

Romans 5:10

Sa awe sissiyae ḵabusuḻ taḵu'ḵ Apudyus. Yaḵon sinsadi, nipaḻ-og naḵabuḻbuḻunan taḵu ḵan siya mipagapu'tte natoyan Jesu Kristu we abengna. Gapu ta buḻbuḻunna ditaḵu, amo dallu we taguwona ditaḵu gapu si ummuliyana.

Romans 6:21

Yaḵon ngai ginanabyu we dam-on nangwa'tta ḵassadi ye siya mabainanyu sinsana? Sa ambanagan da ḵassadi ye ḵoḵoḵḵon, matoyan ḵan misinaan ḵan Apudyus aḵ inggana!

Romans 6:23

Te sa bayad ni basuḻ siya ḵatoy. Yaḵon sa libli ye atod Apudyus siya biyag aḵ inggana mipagapu si niyossaanan taḵu ḵan Jesu Kristu we Apu taḵu.

Romans 7:11

Te sa basuḻ, ginundawayana lintog woḵ inallelawna saḵone nambanag si matoyaḵ.

Romans 7:5

Sa awe ye nangunudan taḵu'tta pion da long-ag taḵu, inigammu taḵu ḵad lintog amo amaamayon taḵu we angwa'ḵ basuḻ. Pun siya gapunae ḵoon taḵu da ambanag si matoyan taḵu ḵan misinaan taḵu ḵan Apudyus aḵ inggana.

Romans 8:13

Te nu tuttuwaon taḵu da pipion da long-ag taḵu, matoy taḵu ḵad misina taḵu ḵan Apudyus aḵ inggana. Yaḵon nu an-awidan taḵu da pipion da long-ag taḵu mipagapu'tte ḵabooḻan ni Ispiritu Santu, matagu taḵu'ḵ inggana.

Romans 8:27

Ḵad aḵ Apudyus we angigammu'tta somsomoḵ taḵu, igammuna bos ḵasomsomḵan ni Ispirituna te sa iluwaḻuna para ḵan ditaḵu we taguna, sigun si pinion Apudyus.

Romans 8:7

Sa tagu we siya isisimoḵna gagangaye pipion ni long-agna, sumullagi ḵan Apudyus te adinapun tuttuwaon pinion Apudyus. Ḵad sa ḵinatuttuwaan, adinapun lamoge anuttuwa'tte lintogna.

Galatians 5:22

Yaḵon sa ugali ye itton ni Ispiritu Santu ḵan ditaḵu ta ambalbaliw taḵu, dida da anna: ayat, layad, lin-awan ni somsomoḵ, anus, bumabbadang, ambaḻu ḵoona'tta asintataguna, mataḻgodan,

Galatians 6:8

Inigammuyu we ngaimane imuḻayu, sanat apitonyu. Pun sa tagu we siya imuḻamuḻana unudon da pipion ni long-agna, apitona madadailana'ḵ ingganae maḻpu'tte pipion ni long-agna. Yaḵon sa angimuḻamuḻa si pinion ni Ispiritu Santu, apitona biyag aḵ ingganae itton ni Ispiritu Santu.