Romans 8:5 - Sa Ugud Apudyus

⁵ Te sa tagu we isisimoḵna pion ni long-agna, paituray atte pion ni long-agna. Yaḵon sa tagu we angwa'tta pion ni Ispiritu Santu, sa Ispiritu Santu angituray ḵan siya.

Romans 8:5 ပူးပေါင်းရင်းမြစ်များ

Mark 8:33

Yaḵon nansagung aḵ Jesus atta disipuluna woḵ ḵananae summanga ḵan Peter, “Ḵumassadḵa Satan! Te sa annat si somsomoḵnu daḵampun si pinion Apudyus yaḵon sa pion da tagu.”

John 3:6

Sa miyanaḵ atte tagu, siya abeng di tagu yaḵon sa miyanaḵ atte Ispiritu Santu, siya abeng Apudyus te naispirituwan.

Romans 8:9

Yaḵon ḵan diḵayu, daḵampun ogon si gagangaye pipion ni long-ag angituray ḵan diḵayu yaḵon sa Ispiritu Santu angituray ḵan diḵayu nu tuttuwae siya iinggaw ḵan diḵayu. Ngaimane tagu we naippun Ispiritu Santu we inkarin Jesus, daḵampun aḵ tagun Kristu.

1 Corinthians 15:48

Ḵad gapu ta luta naḻpuwan ni ummunae tagu, isuna bose luta long-ag da losane tagu. Yaḵon da losane amati ḵan Kristu we naḻpu'd langit, miyisu long-agda ḵan siya'tte umali ye aḻgaw.

1 Corinthians 2:14

Yaḵon sa tagu we naippun Ispiritu Santu ḵan siya, adinapun awaton da ngaimane atode maḻpu'tte Ispiritu Santu te dinodong-og ḵan siya. Ḵad adinapun maawatan dida te abus da tagu we iinggawan ni Ispiritu Santu aḵ maḵaawat.

2 Corinthians 10:3

Te taḵon ay nu abuse tagu ḵani si annae lubunge isuyu, adiḵanipun maḵagubat atta bumusuḻ ḵan diḵani ye isun ni ḵoon da adipun namati.

Galatians 5:17

Te da pipion da long-ag taḵu, misullagi si pipion ni Ispiritu Santu. Ḵad sa pipion ni Ispiritu Santu, misullagi bos atta pipion da long-ag taḵu. An-asisullagida, pun sana lamog taḵu adi angwaan atta pion taḵu ḵoon.

Ephesians 5:9

Te nu nasilawan somsomoḵ ni tagu, bumaḻu ugalina ya naun-unan ḵan tuttuwa.

2 Peter 2:10

Sindumallu dusan da angunud atta pipionda ya adidapun bigbigon ḵaḻabbongan Apudyus. Da sadi ye angituttudu si daḵampun aḵ tuttuwa, antuḻoddae angwa'tta lawweng ya ipatutda pipionda. Adidapun os maḵimute an-ugud aḵ lawweng mipanggob atta madaydayawe anghel.