Romans 8:38 - Sa Ugud Apudyus

³⁸ Ḵad aaddi ye naippun ḵallamog maḵaisina'tte ayatna ḵan ditaḵu. Te taḵon ay nu matoy taḵu baḵon nu matattagu taḵu, ay-ayatona ditaḵu. Taḵon ay da anghel, da aḻan, da turaye adipun maila, da maḵwa ḵan ditaḵu sinsana ya sa umali ye aḻgaw ya da ḵabooḻan.

Romans 8:38 ပူးပေါင်းရင်းမြစ်များ

John 10:28

Ittoḵ ḵan dida biyag aḵ inggana ta adidapun misina ḵan Apudyus aḵ inggana ya naippun paat maḵapuḻos ḵan dida ḵan saḵon.

Romans 14:7

Te losan ḵan ditaḵu we namati, daḵampun atte madayawan taḵu singsington taḵu si mataguwan taḵu ya taḵon ay matoyan taḵu.

Romans 14:8

Nu matagu taḵu, matagu taḵu ta madayawan Apu Jesus ḵad nu matoy taḵu, matoy taḵu bos ta madayawan Apu Jesus. Pun taḵon ay matagu taḵu baḵon nu matoy taḵu, ḵuwan Apu Jesu Kristu ditaḵu.

Romans 4:21

te aaddi ye lamog Apudyus ḵoon da inkarina.

Romans 6:23

Te sa bayad ni basuḻ siya ḵatoy. Yaḵon sa libli ye atod Apudyus siya biyag aḵ inggana mipagapu si niyossaanan taḵu ḵan Jesu Kristu we Apu taḵu.

1 Corinthians 15:24

Ḵad nu dumatong anungus da losan, oḻgon Kristu da losane pangat, ḵaḻabbongan ḵan ḵabooḻan ḵad ipuḻangna ampangatana ḵan Apudyus we Amana.

2 Corinthians 11:14

Ḵad adi taḵu oḵyan mataag si sana te taḵon ay aḵ Satan maḵwa gay ipailana long-agna'ḵ isun di ambaḻu we anghel Apudyus.

2 Corinthians 4:13

Ḵanan ni nangigili si Ugud Apudyus, “Namatiyaḵ ḵan Apudyus, pun sanat da inugudḵu.” Pun isuna bos ḵan diḵani ye gapu ta amati ḵani ḵan Apudyus, ugudonni bos da patiyonni.

Ephesians 1:21

Sidi ampangatana sinsana ḵad nangatngatu'ḵ adayu ḵabooḻana nu da anna ḵaḻabbonganda ḵan ḵabooḻanda ya da ngadan da ngaimane pangat si annae lubung ya da losane adipun maila'd langite awad de ampangatanda. Naippun paat nangatngatu nu siya sinsana ya sa umali ye timpu.

Colossians 1:16

Te mipagapu ḵan siya nangwaan Apudyus atta losane awad ad langit ya da awad sina'd luta, da maila ḵan adipun maila, midoga da papangate isuna bos atta nankalakalasi ye ispiritu we awad da ḵaḻabbonganda ḵan ḵabooḻanda. Ḵingwana da losane banag mipagapu ḵan Jesu Kristu ya para'tte madayawana.

Colossians 2:15

Ḵad gapu'tte natoyan Kristu atte kros, ḵinaan Apudyus ḵabooḻan ḵan ḵaḻabbongan ni adipun maila ḵad impailanae illogna dida si antotollong da losan.

2 Timothy 1:12

ḵad sadi gapun ni ampaḵapaḵaḻamaḵ. Yaḵon adiyaḵpun mabain te igammuḵ pinatiḵe awad de ḵabooḻanae angayyuwan atta intaḻgodna ḵan saḵon inggana'ḵ dumatong aḻgawe ḵasin umali'ḵ Kristu.

Hebrews 11:13

Namati losan da sanae tagu ḵan Apudyus inggana'ḵ natoyda. Ḵad taḵon ay nu adidapun inawat da inkarin Apudyus si matattaguwanda, isun di oottapondae abus nu ngai maatod ḵan dida si umali ye aḻgaw taḵon ay nu manunnuwan mituttuwaanda. Binigbigdae mangilidae abuse naippun ustu'ḵ ilida sina'd luta.

1 Peter 3:22

Nipauli'ḵ Kristu ad langit woḵ awad si madawinan Apudyus we maḵapangat ḵan siya ya ipangatana da losane anghel ya da udume adipun mailae ḵingwanae awad de saadda ḵan ḵabooḻanda.