Romans 8:36 - Sa Ugud Apudyus

³⁶ Te sa ḵanan ni nigili ye Ugud Apudyus, “Gapu ḵan siḵa Apu, pasige sasagganaonni ḵatoy ḵad isunin karnero we madam-an misida.”

Romans 8:36 ပူးပေါင်းရင်းမြစ်များ

John 16:2

Paḻyawon diḵayu'tta sinagoga. Ḵad dumatong timpu we ngaimane angongat ḵan diḵayu, ḵananapun nu ḵoona ḵad ḵaḵna, anserbi ḵan Apudyus.

Acts 20:24

Adipun ampatog ḵan saḵon nu mataguwaḵ baḵon nu matoyaḵ. Sa biyagḵu ampatog atte angigangputaḵ si ḵewaaḻe innatod Apu Jesus ḵan saḵone sa angiwaḻagawagaḵ si Ambaḻu we Damag mipanggob si ḵinabaḻun Apudyus.

Acts 8:32

Sa sadi ye binasabasana, ḵanana, “Giginnoḵe isunan karnero we gumiginnoḵ si iyoyda'tte lugar we papartiyan ya isuna bos ubbun ni karnero we giginnoḵ nu puḵisanda.

1 Corinthians 15:30

Ḵad ḵan diḵani, nu adipun umuli da matoy, ngai anun ni anḵatoyanni ye antuttudu?

1 Corinthians 15:31

Susunud ḵan Kristu, tuttuwae sasaggungoḵ ḵatoy si inaḻgaw. Ibagaḵ sana te isḵaḻḵu niyossaananyu ḵan Jesu Kristu we Apu taḵu.

1 Corinthians 4:9

Te sa somsomoḵḵu, nambalinon diḵani ḵan Apudyus aḵ apostol we ḵababaan atta losane isun da naḵoddongan aḵ matoy si sinagung da ḵaaduwane tagu. Te impailana diḵani'tta tagu si annae lubung ta buyaon da tagu ya da anghel.

2 Corinthians 1:9

Sa ḵatuttuwaan, ḵanannipun nu nagangput dummatong timpu we matoyanni. Yaḵon naḵwa da sana ta daḵampun aḵ sa long-agni antaḻgodanni yaḵon aḵ Apudyus we anagu'tta natoy.

2 Corinthians 11:23

Ḵad nu ḵanandae anserbida ḵan Kristu, amo nabaḻbaḻu anseserbiḵ ḵan siya nu dida. Isuḵ nin nadongdong-ogane angibaga'tta ḵassana! Amo nasigab ḵewaaḻḵu nu dida, adu timpu we nibaḻudaḵ, naap-aplitaḵ ya adu naamusanaḵ si ḵatoy gapu'tte anserbiyaḵ ḵan Kristu.

2 Corinthians 6:9

Ḵanan da udum, “Ippun angigammu ḵan diḵani,” yaḵon sa ḵatuttuwaan adu da tagu we angigammu ḵan diḵani. Pasigni sasaggungon ḵatoy yaḵon sinsadi tuttuwae sissiyae matattagu ḵani. Taḵon ay nu nampaḵaḻam ḵani, adiḵanipun natoy.

Philippians 3:10

Pioḵ da sana ta igammuwoḵ aḵ Kristu we ustu ya sa ḵabooḻan ni ummuliyana. Ḵad daḵampun aḵ abus sadi, padasoḵ oḵyan ose ampaḵaḻam ya miyisuwaḵ ḵan siya si natoyana