Romans 8:34 - Sa Ugud Apudyus

³⁴ Ngai ḵad ain maḵwae angoddong ḵan ditaḵu'ḵ madusa? Naippun te aḵ Jesu Kristu natoy woḵ ummuli. Pun siya tutuḵdu si madawinan Apudyus we maḵapangat ya angiyugud ḵan ditaḵu.

Romans 8:34 ပူးပေါင်းရင်းမြစ်များ

Matthew 20:28

Siya unudonyu saḵone Abeng Di Tagu te daḵampun aḵ ummaliyaḵ ta anserbi da tagu ḵan saḵon. Yaḵon ummaliyaḵ ta anserbiyaḵ ḵan dida ya ittoḵ biyagḵu ta masubut da adu we tagu'tte madusaanda'tta basuḻda.”

Mark 16:19

Nagangput ḵad da imbagan Apu Jesus ḵan dida, nipangatu'd langit woḵ tummuḵdu'tte madawinan Apudyus.

John 14:19

Sin-aḵitan ya da tagu we adipun amati naippun ogon ilanda ḵan saḵon yaḵon diḵayu asiyu ilan saḵon. Te mataguwaḵ ḵasin ya matagu ḵayu bos.

John 16:23

“Sa sadi ye aḻgaw, naippun ḵodawonyu ḵan saḵon. Ibagaḵ ḵan diḵayu ḵatuttuwaan, ngaimane ḵodawonyu ḵan Amaḵ mipagapu'tte ḵabooḻaḵ, ittona ḵan diḵayu.

Acts 2:24

Yaḵon aḵ Apudyus, tinaguna ḵasin ya pinuḵayana'tte ḵatoy te naippun ḵabooḻan ni ḵatoy ḵan siya.

Romans 14:13

Ḵad siya gapunae adi taḵu ogon ḵuwison da udume namati yaḵon ḵasapuḻane pasig taḵu sosomḵone adi taḵu angwa'ḵ ngaimane gapun ni maḵabasuḻan da susunud taḵu ḵan Kristu.

Romans 14:9

Te natoy ya ummuli'ḵ Jesu Kristu ta siya an-Apun da matattagu ya da natoy.

Romans 4:25

Impuḻang Apudyus aḵ matoy aḵ Jesus ta bayad da basuḻ taḵu ya tinaguna ta ibelang Apudyus ditaḵu'ḵ naun-unan.

Romans 8:1

Pun sinsadi ḵan ditaḵu losane nidoga ḵan Jesu Kristu, aditaḵupun maḵoddongan aḵ madusa.

Romans 8:27

Ḵad aḵ Apudyus we angigammu'tta somsomoḵ taḵu, igammuna bos ḵasomsomḵan ni Ispirituna te sa iluwaḻuna para ḵan ditaḵu we taguna, sigun si pinion Apudyus.

Colossians 3:1

Gapu ta nidoga ḵayu si ummuliyan Kristu, singtonyu da banage awad ad langit si igaw Kristu we tutuḵdu si madawinan Apudyus we maḵapangat ḵan siya.

Hebrews 1:3

Sa Abeng angil-an taḵu si ḵadayawan Apudyus ya miyiissu ḵinaapudyusna. Ḵad siya amagatup atta losane mipagapu si ḵabooḻan ni ugudna. Ginangputna ḵad pinapoḻḵas da tagu'tta basuḻda, nipauli'd langit woḵ tutuḵdu si madawinan Apudyus we ḵangatuwan ya maḵapangat ḵan siya.

Hebrews 7:25

Pun sadi gapunae maḵwae taguwona si losane timpu da umadani ḵan Apudyus mipagapu ḵan siya te siya matattagu'ḵ ingganae angiyugud ḵan ditaḵu si sinagung Apudyus.

Hebrews 9:24

Te adipun nillumnoḵ aḵ Kristu si Ḵasantuwane Kuwartu we ḵingwan di tagu ḵan abuse ladawan ni tuttuwae igaw Apudyus. Yaḵon siyae mismu nillumnoḵ ad langit ya awad sinsadi ye angitaḵdoḻ ḵan ditaḵu si sinagung Apudyus.

1 Peter 3:18

Te aḵ Kristu, namingpingsane nampaḵaḻam ya natoy gapu'tta basuḻ taḵu. Sa naun-unan, natoy para ḵan ditaḵu we adipun naun-unan ta iyadanina ditaḵu ḵan Apudyus. Gingngatda nainlubungane long-agna yaḵon ummuli ḵad, daguse naispirituwan long-agna.

1 Peter 3:22

Nipauli'ḵ Kristu ad langit woḵ awad si madawinan Apudyus we maḵapangat ḵan siya ya ipangatana da losane anghel ya da udume adipun mailae ḵingwanae awad de saadda ḵan ḵabooḻanda.

Revelation 1:18

ya saḵon matattagu. Natoyaḵ yaḵon ilam ḵad saḵon, matataguwaḵ aḵ inggana. Saḵon os asi ḵigad atte ḵatoy ya anna ḵan saḵon tuḻbiḵe amuḵat ad Hades we igaw da natoy.