Romans 8:23 - Sa Ugud Apudyus

²³ Yaḵon daḵampun aḵ abusda'ḵ ampaḵaḻam te ampaḵaḻam taḵu bose inggawan ni Ispiritu Santu we sa ummunae atodna ḵan ditaḵu we amati. Umayuwong taḵu si anguuwayan taḵu'tte timpu we angipail-an Apudyus we ditaḵu abengna nu dumatong angobosana'tta long-ag taḵu si baru we long-age adipun matoy.

Romans 8:23 ပူးပေါင်းရင်းမြစ်များ

Luke 20:36

Te adidapun ogon matoye isun da anghel we adidapun ogon matoy ya dida da abeng Apudyus te ummulida.

Luke 21:28

Pun nu dumatong misaḻdan da annae maḵwa, papigsaonyu da somsomoḵyu te madam-ane subuton Apudyus diḵayu.”

Romans 5:11

Daḵampun aḵ abus sadi yaḵon allaylayad taḵu bos si naḵabuḻbuḻunan taḵu ḵan Apudyus mipagapu ḵan Apu taḵu we Jesu Kristu. Gapu ḵan siya, nipaḻ-og maḵabuḻbuḻunan Apudyus ḵan ditaḵu.

Romans 5:3

Daḵampun aḵ abus da sadi'ḵ allaylaydan taḵu yaḵon allaylayad taḵu'tta ampaḵaḻaman taḵu te igammu taḵu we sa ampaḵaḻaman siya ibungana ḵan ditaḵu ḵinaattom.

Romans 5:5

Ḵad nu awad namnama taḵu, aditaḵupun oḵyan madismaya te impailan Apudyus amode ayatna para ḵan ditaḵu mipagapu'tte Ispiritu Santu we innatodna ḵan ditaḵu.

Romans 7:24

Ḵaddaguwaḵ! Ngai nin anaḻaḵnib ḵan saḵon atte annae long-age siya gapun ni matoyaḵ?

Romans 8:19

Te da losane ḵingwan Apudyus, uuwayonda timpu we angipail-an Apudyus atte ḵinangatun da abengna.

1 Corinthians 1:7

ta ippun angkuranganyu'tta ngaimane naispirituwane ḵabooḻan si anguuwwayanyu'tte mipauliyan Apu taḵu we Jesu Kristu.

2 Corinthians 1:22

Innatod Apudyus Ispiritunae iinggaw ḵan ditaḵu we isun di maḻḵae ditaḵu da taguna ya sa Ispiritunae iinggaw ḵan ditaḵu amanoḵnoḵan taḵu we ittona da losane inkarina.

2 Corinthians 7:5

Te taḵon ay dummaḵnganni'd Macedonia, ippun umillongan da somsomoḵ ḵan long-agni gapu'tta amode ampaḵaḻamane nilaḵ-amni'tta ngaimane ummayanni. Ḵad adu we gulu'tte nampaliḵwos ḵan diḵani ya ambimbinsaw ḵani.

Galatians 5:5

Yaḵon ditaḵu ḵad, namnamaon taḵu we aḵ Apudyus angwa si maun-unan taḵu ya sa Ispiritu Santu bumadang ḵan ditaḵu we anguuway si mituttuwaana gapu'tte pammati taḵu.

Ephesians 1:14

Ḵad sa annaan ni Ispiritu Santu ḵan ditaḵu, ippun duwaduwanae awaton taḵu si umali ye aḻgaw da losane inkarina ḵan ditaḵu we napuḵayan ta madaydayaw nakaskasdaawe ḵinaapudyusna.

Ephesians 4:30

Ḵad adi ḵayu oḵyan angwa'ḵ lawweng aḵ adin ni Ispiritu Santu andadauyan te sanat innatod Apudyus we isun di maḻḵae taguna diḵayu. Ḵad sadi angipaigammu we subutona diḵayu si umali ye aḻgaw.

Ephesians 5:9

Te nu nasilawan somsomoḵ ni tagu, bumaḻu ugalina ya naun-unan ḵan tuttuwa.

2 Timothy 4:8

Pun sinsadi awad de insaganan Apu we para ḵan saḵone gungunae ittona'tta losane naun-unane tagu. Ittona anna si umali ye aḻgawe anguwisana'tta losane tagu sigun si ustu we anḵuḵuwisna. Ḵad daḵampun aḵ abusaḵ aḵ gungunaana nu adi da losane ummayu si mipauliyana.

Titus 2:13

Sana da ugali ye unudon taḵu oḵyan atte anguwayan taḵu'tte bindisyune namnamaon taḵu. Sa annae namnamaon taḵu, sa angipail-an si madayawan ni ḵangatuwane Apudyus ya Anagu ḵan ditaḵu we aḵ Jesu Kristu.

Hebrews 9:28

Isuna bos ḵan Kristu, namingpingsane indatunna long-agna ta ḵaanona da basuḻ da adu we tagu. Ḵad nu umali ḵasin, daḵampun aḵ gapu'tta basuḻ yaḵon taguwona da anguuway ḵan siya.

1 Peter 1:7

Sa gapunae padasonyu da sanae ampaḵaḻaman, maḵwada ta mapanoḵnoḵan gattoḵe pammatiyu. Sa pammatiyu isunan buḻawane mapadas si apuy ta mapanoḵnoḵan nu tuttuwae buḻawan. Ampatog tuwa buḻawan yaḵon abuse madadail. Yaḵon amo napatpatog pammatiyu. Pun nu mapanoḵnoḵan pammatiyu, ambanag si midayaw ḵayu, mitaḻayag ḵayu ḵan mapatgan ḵayu si mipauliyan Jesu Kristu.

1 John 3:2

Ay-ayatoḵe buḻbuḻun, abeng Apudyus ditaḵu sinsadi taḵon ay nu daantaḵupun maawatane ustu ambalinan taḵu si umali ye aḻgaw. Yaḵon inigammu taḵu we nu umali ḵasin aḵ Kristu, miyisu taḵu ḵan siya te ilan taḵu we ustuustu.