Romans 8:17 - Sa Ugud Apudyus

¹⁷ Ḵad gapu ta abeng Apudyus ditaḵu, maḵatawid taḵu'tta ipaḻaḵsun Apudyus atta taguna ḵad maḵatawid taḵu'tta impatawidna ḵan Kristu. Nu midoga taḵu si ampaḵaḻaman Kristu, midoga taḵu bos si madayawana.

Romans 8:17 ပူးပေါင်းရင်းမြစ်များ

Matthew 16:24

Pun ḵanan Jesus atta disipuluna, “Ngaimane pionae mitun-ud ḵan saḵon, ḵasapuḻane an-awidana long-agna, buḵudona de krosna ya mitun-ud ḵan saḵon.

Matthew 25:21

“Pun ḵanan ni Apuna, ‘Ḵingwam ambaḻu we ḵewaaḻ! Ambaḻuḵa ḵan mataḻgodanḵae sammilu. Gapu ta mataḻgodanḵa si aḵite intaḻgodḵu ḵan siḵa, iggaḵ siḵa'ḵ angayyuwan atta adu we banag. Awwaynu ta maḵagangganasḵa ḵan saḵon.’

Luke 12:32

“Adi ḵayu maḵimut, taḵon ay nu aḵit ḵayu we disipuluḵ te aḵ Apudyus we Ama taḵu allaylayade nanomsomoḵe midoga ḵayu si ampangatana.

Luke 24:26

Maawatanyu oḵyane ḵasapuḻane sa Kristu umunae ampaḵaḻam ya asiyot midayaw.”

John 17:24

“Ama, pioḵe da innatodnu ḵan saḵon awadda ḵan saḵon atte dinumane igawḵu ta ilanda ḵinaapudyusḵu we innatodnu te inayatnu saḵon atte daan ni lubung maḵwaan.

Acts 14:22

ta papigsaonda pammatin da namati ya soḻgagonda dida ta popotpotanda da pammatida. Ḵananda, “Ḵasapuḻane adu ampaḵaḻaman taḵu si midog-an taḵu si ampangatan Apudyus.”

Acts 20:32

“Sinsadi itaḻgodḵu diḵayu ḵan Apudyus ya sa ḵinabaḻuna. Siya maḵabooḻe amapigsa'tta pammatiyu ya angitod si impaḻaḵsunna'tta losane intotoḵḵonnae taguna.

Acts 26:18

Ibuunḵu siḵa ḵan dida ta igammuwonda ḵatuttuwaan ta masilawan da somsomoḵda ya an-awidanda da lawweng ya ansagungda si padda. Ḵad an-awidanda ḵabooḻan Satan ḵad ansagungda si ḵabooḻan Apudyus ta amatida ḵan saḵon ḵad mapakawan da basuḻda ya mibelangda'tta intotoḵḵon Apudyus aḵ taguna.’

Romans 5:17

Tuttuwae gapu'tte basuḻ ni ossaane tagu, ḵasapuḻane matoy da losane tagu. Yaḵon amo daldallu nambanagan ni ḵingwan Jesu Kristu. Te da losane umawat atte ummamdane ḵinabaḻun Apudyus ya sa libli ye atodna, siya angwa ḵan dida'ḵ maun-unan ḵad awatonda biyag aḵ inggana ya midogada ḵan Kristu we ampangat aḵ inggana.

Romans 8:3

Sa lintog daḵampun aḵ lamogna ditaḵu puḵayan atte ḵabooḻan ni basuḻ te tagu taḵu we abuse aditaḵupun lamog tuttuwaon da imbilin ni lintog. Yaḵon ḵingwan Apudyus adimpun ni lintog lamog ḵoon. Imbuunna abengnae isun da tagu we ḵabasbassuḻan ta maḵoddongan aḵ madusa para'tta basuḻ taḵu. Ḵad sadi inon Apudyus we nangaan atte ḵabooḻan ni basuḻe anturay atta tagu.

1 Corinthians 2:9

Yaḵon sa ḵanan ni nigili ye Ugud Apudyus, “Sa adimpun da tagu innila ya adidapun dingngoḻ baḵon nu adidapun simsimmoḵ, sadi insaganan Apudyus para'tta angayat ḵan siya.”

2 Corinthians 1:5

Te sa ḵaadun da ampaḵaḻamanni ye isun ni nampaḵaḻaman Kristu, ḵaḵnat os isun ni amapigsaan Apudyus atta pammatini mipagapu ḵan Kristu.

2 Corinthians 1:7

Ḵad ippun duwaduwan ni namnamani ḵan diḵayu te igammuni ye taḵon ay nu napadasanyu ampaḵaḻamane isun ni nampaḵaḻamanni, papigsaon Apudyus pammatiyu we isun ni namapigsaana ḵan diḵani.

Galatians 3:29

Ḵad gapu ta niyossaan ḵayu ḵan Kristu, nibelang ḵayu'ḵ ganaḵ Abraham ya maḵatawid ḵayu'tta inkarin Apudyus ḵan siya.

Galatians 4:7

Pun mipagapu ḵan Apudyus daḵampun ogon aḵ musassu ḵayu te nambalin ḵayu'ḵ abeng Apudyus. Ḵad nu abeng Apudyus diḵayu, asina bos itton da tawidonyu.

Ephesians 3:6

Annaya impaigammunae planuna. Gapu si namatiyanyu si Ambaḻu we Damag, nibelang ḵayu we Gentil aḵ abeng Apudyus we miyisu ḵan diḵani ye Judyu ya nibelang ḵayu bos atta losane namati aḵ ḵamangay ni long-ag Kristu. Maḵabillay ḵayu bos si inkarin Apudyus we ittona'tta losane niyossaan ḵan Jesu Kristu.

Philippians 1:29

Te innatod Apudyus wayayu we daḵampun aḵ abus amatiyanyu ḵan Kristu yaḵon sa ampaḵaḻamanyu bos mipagapu'tte amatiyanyu ḵan siya.

Philippians 3:10

Pioḵ da sana ta igammuwoḵ aḵ Kristu we ustu ya sa ḵabooḻan ni ummuliyana. Ḵad daḵampun aḵ abus sadi, padasoḵ oḵyan ose ampaḵaḻam ya miyisuwaḵ ḵan siya si natoyana

Colossians 1:24

Sinsadi allaylayadaḵ atta ampaḵaḻamaḵ te igammuḵe bumaḻuwanyu te da sanae ampaḵaḻamaḵ dogan ni ampaḵaḻamane nilaḵ-am Kristu para'tta losane namati ye isun di long-agna.

Titus 3:7

Ḵingwana ḵaḵna ta ambalin taḵu'ḵ angilaḵsune awad de namnama taḵu si biyag aḵ inggana. Pun sa angibatayan taḵu si annae namnama taḵu, ḵingwana ditaḵu'ḵ maun-unan gapu'tte ḵinabaḻuna.

Hebrews 1:14

Ngai da anghel nu? Dida da Ispiritu we anserbi ḵan Apudyus ḵad imbuunna dida'ḵ bumadang atta tagu we umawat si mataguwan.

Hebrews 1:2

Yaḵon sa sanae anungus ni aḻgaw, nan-ugud aḵ Apudyus ḵan ditaḵu mipagapu si Abengna. Siya dinutuḵan Apudyus aḵ anawid atta losane anna si lubung ya mipagapu si Abengna ḵingwana lubung.

Hebrews 6:17

Ḵad aḵ Apudyus pionae mipaḵaawate ustu'tta anawid si inkarinae adipun paat mabaliwan panggobna. Pun pinanoḵnoḵana gapu'tte ampigsae karinae inusarna mismu we ngadanna.

James 2:5

Andongoḻ ḵayu ay-ayatoḵe susunud ḵan Kristu. Daḵampun ḵamman ḵan Apudyus namili'tta ḵapus si annae lubung aḵ bumaḵnang si pammati ya gangganasonda da laḵsunda si midog-anda si ampangatan Apudyus we inkarina'tta angay-ayat ḵan siya?

1 Peter 1:4

ḵad sana laḵsun taḵu we maḻpu ḵan Apudyus we adipun paat madadail ḵan maḵaissawan ya adipun os umaḵit patognae nigagappot ad langite para ḵan ditaḵu.

1 Peter 4:13

Yaḵon allaylayad ḵayu oḵyan nu ampaḵaḻam ḵayu we isun ni ampaḵaḻaman Kristu ta amod de layadyu si mipail-an ni sumilisilinge ḵinaapudyusna.

Revelation 21:7

Sa tagu ḵade oḻgona lawweng, allaḵsunna da anna losan. Bigbigona saḵon aḵ Apudyusna ya bigbigoḵ ose abengḵu.

Revelation 3:21

Da tagu we angngog si lawweng, ittaḵ dida'ḵ ḵaḻabbongane maḵatuḵdu ḵan saḵone ampangate isun ni nangngogaḵ ḵan Satan woḵ naḵatuḵduwaḵ ḵan Amaḵ atte tronona.