Romans 8:15 - Sa Ugud Apudyus

¹⁵ Te sa Ispiritu we innatod Apudyus ḵan ditaḵu, adinapun ditaḵu nambalinon aḵ musassu we umogyate isun ni ḵasasaad taḵu si awe yaḵon nambalinon ditaḵu'ḵ abeng Apudyus. Pun gapu'tte ḵabooḻan ni Ispiritu Santu, maḵwa ḵanan taḵu ḵan Apudyus we Ama!

Romans 8:15 ပူးပေါင်းရင်းမြစ်များ

Matthew 25:25

Pun ummoyḵu inḵaḻuub palatam te maḵimutaḵ ḵan siḵa. Annaya gaye ipauliḵ.’

Mark 14:36

Ḵanana, “Ama, lamognu ḵoon da ngaiman, nu maḵwa oḵyan, iligsim saḵon si annae ampaḵapaḵaḻamaḵ. Yaḵon daḵampun si pinioḵ maḵwa yaḵon sa piniom.”

Luke 11:2

Ḵanan Jesus ḵan dida, “Ḵaḵna inonyu we alluwaḻu. “ ‘Amani, madayawḵa oḵyane nasantuwane Apudyus. Dumatong oḵyan ampangatam sina'd luta.

Luke 22:42

Ḵanana, “Ama, nu piom, iligsim oḵyan saḵon si annae ampaḵaḻamane sasangnguwoḵ. Yaḵon daḵampun aḵ sa pioḵ mituttuwa yaḵon sa piom.”

Luke 8:28

Ampaḵapaḵaḻamon da aḻan ya taḵon ay nu naguwaḻdaan ḵan naḵawadan da imana ya da suḵina, gosatona. Pinaawid os da aḻan atte bumbummaaw. Pun innilana ḵad aḵ Jesus, napapḵaaw woḵ nanalluḵu ḵan siya. Ḵananae nangidangsoḻ, “Anii! Ngaipaḵa umali ḵan saḵon? Siḵa'ḵ Jesus we Abeng ni Ḵangatuwane Apudyus. Ḵadaguwanaḵ ḵappos ta adim saḵon dusaon!” Te innilan ḵad Jesus, binilinna da aḻan ta lumawada.

Luke 8:37

Ḵad da losane naḻpu si saḵubna'd Gerasa, nandagdaguda ḵan Jesus ta tenana ilida te naḵimtanda. Pun nambangka da Jesus ya da disipulunae naḵasaganae umoyon.

John 16:8

Ḵad nu umali, panoḵnoḵana'tta tagu we adipun namati ye nankamalida mipanggob atta basuḻda ya sa naun-unaḵ ya sa anḵuwisan Apudyus.

John 20:17

Ḵanan Jesus, “Adim yan onnan saḵon te daanaḵpun mipauli ḵan Amaḵ. Yaḵon inḵa'tta susunudḵu we namati ya ibagam ḵan didae mipauliyaḵ ḵan Amaḵ we Amayu ya Apudyusḵu we Apudyusyu.”

Acts 16:29

Pun nampaidatong guwaḻda'ḵ silaw. Indatongda ḵad ay, daguse nillumnoḵ si igaw da Paul ḵan Silas woḵ nanalluḵu we amilpilpil si ḵimutna'tte sinagungda.

Acts 2:37

Dingngoḻ ḵad da adu we tagu imbagan Peter, amod de babawida woḵ ḵananda ḵan Peter ya da udume apostol, “Susunude ganaḵ Israel, ngai ḵoonni?”

Romans 8:16

Sa Ispiritu Santu we mismu anaḵdoḻ atte ispiritu taḵu we tuttuwae abeng Apudyus ditaḵu.

Romans 8:23

Yaḵon daḵampun aḵ abusda'ḵ ampaḵaḻam te ampaḵaḻam taḵu bose inggawan ni Ispiritu Santu we sa ummunae atodna ḵan ditaḵu we amati. Umayuwong taḵu si anguuwayan taḵu'tte timpu we angipail-an Apudyus we ditaḵu abengna nu dumatong angobosana'tta long-ag taḵu si baru we long-age adipun matoy.

Romans 8:26

Daḵampun aḵ abus namnama taḵu'ḵ bumadang ḵan ditaḵu yaḵon sa Ispiritu Santu bumadang atta anḵuyaan taḵu. Te ippun igammu taḵu'tta iluwaḻu taḵu. Yaḵon sa Ispiritu we mismu angiluwaḻu'tta ḵodawon taḵu we adipun mibungangay.

Romans 9:4

Didae mismu we ganaḵ Israel pinilin Apudyus aḵ nambalin abengna ya dida nangipail-ana si ḵinangatuna. Dida bos naḵatuḻagana si nangittana'tte lintog, intuttuduna ḵan dida ustu we inondae andayaw ḵan siya ya adu bos da inkarina ḵan dida.

1 Corinthians 2:12

Sinsadi ditaḵu we namati, daḵampun aḵ sa ispiritun da tagu we adipun namati inawat taḵu yaḵon sa Ispiritu we naḻpu ḵan Apudyus ta maawatan taḵu mipanggob atta losane innatod Apudyus ḵan ditaḵu gapu si ḵinabaḻuna.

2 Corinthians 11:4

Te nu awad umali sinat aḵ angiwaḻagawag ḵan diḵayu'tte sabali nu sa iwwaḻagawagni ye mipanggob ḵan Jesus, allasu we umapyu ḵayu. Ḵad isuna bose allasu we tumimpuyug ḵayu'tta sabali ye ispiritu ya allasu we unudonyu da sabali ye tuttudu we adipun miyisu'tte Ispiritu Santu ya sa Ambaḻu we Damag we dingngoḻyu ḵan diḵani.

Galatians 2:4

Ummoy ḵani sidi gapu'tta allolloḵḵone namatida ḵan Kristu, da sanae tagu nidogada ḵan diḵani ta ansiputda ta igammuwonda nawayawayaanni gapu'tte niyossaananni ḵan Jesu Kristu. Piondae ambalin ḵani'ḵ musassu.

Galatians 5:1

Pun tuttuwae pinuḵayan Kristu ditaḵu! Piona ugudone napuḵayan taḵu. Pun gogomgomanyu oḵyan ya adiyu ogon iyunude ambalin ḵayu'ḵ musassu.

Ephesians 1:5

inggallapuna simsimmoḵe ambalinon ditaḵu'ḵ abengna mipagapu ḵan Jesu Kristu te siya piniona ya panggobna'tte amalayad ḵan siya.

2 Timothy 1:7

Te sa Ispiritu we innatod Apudyus ḵan ditaḵu, daḵampun si ogyat yaḵon sa ḵabooḻan taḵu we anserbi ḵan Apudyus, sa ayaton taḵu da udume tagu ya sa lamog taḵu we anupod si long-ag taḵu.

Hebrews 2:15

ya ḵaḵna inonae namuḵay atta losane tagu we isudan musassu we nabaḻud si inggan ni nataguwanda gapu si ogyatda si ḵatoy.

James 2:19

Patiyom ḵammane os-ossaan Apudyus? Sanat ambaḻubaḻu! Yaḵon taḵon ay da aḻan, amatida bos ya amilpilda'tte ogyatda.

1 John 4:18

Nu awad ayat taḵu ḵan Apudyus, naippun umogyatan taḵu yaḵon sa ayate naippun angkurangana, tupodona ogyat. Te sa maḻpuwan ni ogyat sa sosomḵon taḵu mipanggob si andusaan Apudyus. Ḵad ngaimane umogyat, sissiyae angkurang ayatna.