Romans 8:10 - Sa Ugud Apudyus

¹⁰ Yaḵon nu aḵ Kristu awad ḵan diḵayu, taḵon ay matoy ḵayu te sa ḵatoy dusan ni basuḻ, sa Ispiritu Santu angitod si biyag aḵ inggana te siya nangwa si naun-unanyu.

Romans 8:10 ပူးပေါင်းရင်းမြစ်များ

John 14:23

Ḵanan Jesus we summongbat, “Sa angayat ḵan saḵon tuttuwaona ugudḵu ya ayaton Amaḵ. Ḵad saḵon ya aḵ Amaḵ umali ḵani ya iinggaw ḵani ḵan siya.

John 15:5

“Saḵon puun ni waḵaḻ ya diḵayu pangana. Ngaimane iinggaw ḵan saḵon ya iinggawaḵ os ḵan siya, aduadu ibungana. Te nu misina ḵan saḵon, ippun lamogna ḵoon.

John 17:23

Awadaḵ ḵan dida ya awadḵa ḵan saḵon ya an-ossaandae ustuustu ta igammuwon da tagu we siḵa nangibuun ḵan saḵon ya ay-ayatom didae isun ni an-aayatnu ḵan saḵon.

John 4:14

Yaḵon sa uminum atte danume ittoḵ, adipun ogon mauwaw. Te ambalin aḵ isunan bubune bumubus si long-agnae angitod si biyag aḵ inggana.”

John 6:54

Ngaimane angan atte long-agḵu ḵan anginum atte daḻaḵ, awad ḵan siya biyag aḵ inggana. Ḵad ḵasinḵu taguwon dida'tte anungus ni aḻgaw.

John 6:56

Ngaimane angan atte long-agḵu ya anginum atte daḻaḵ, iinggaw ḵan saḵon ya iinggawaḵ os ḵan siya.

Romans 5:12

Ummali basuḻ si annae lubung gapu si ossaane tagu. Ḵad mipagapu si basuḻna, ummali ḵatoy. Sadi gapunae niyasaḵ ḵatoy atta losane tagu sina'd luta te naḵabasuḻ losan da tagu.

Romans 5:21

Yaḵon naḵabasuḻ da losane tagu ḵad sa ambanaganda matoyda ya misinada ḵan Apudyus aḵ inggana. Sinsadi gapu'tte ḵinabaḻuna'tta tagu ya mipagapu'tte ḵingwan Jesu Kristu we Apu taḵu, aḵ Apudyus angwa si maun-unan da tagu ta mataguda'ḵ inggana.

Romans 8:11

Sa osa bos, aḵ Apudyus we nanagu ḵasin ḵan Jesu Kristu nu awad ḵan diḵayu Ispirituna, taguwona bos da long-agyu we matoy mipagapu si Ispiritunae iinggaw ḵan diḵayu.

1 Corinthians 15:45

Te sa nigili ye Ugud Apudyus ḵanana, “Sa ummunae tagu we aḵ Adam, innattan Apudyus aḵ biyag,” yaḵon aḵ Jesu Kristu we maawagan aḵ naudi ye Adam, siya Ispiritu we angitod si naispirituwane biyage ippun anungusna.

2 Corinthians 13:5

Awad oḵyan osa ḵan diḵayu usigona long-agna ta ilana nu tuttuwae namati si Ambaḻu we Damag mipanggob ḵan Jesu Kristu. Adiyupun ḵamman igammu we awad aḵ Jesu Kristu ḵan diḵayu? Malaksid nu daḵampun aḵ tuttuwae namati ḵayu ḵan siya.

2 Corinthians 4:11

Tuttuwae sa inggan ni matattaguwanni, pasigni tataggaḻon ḵatoy gapu ḵan Jesus ta sa antatagun Jesus mipaila si annae long-agni ye matoy.

2 Corinthians 5:21

Aḵ Kristu, ippun paat basuḻna. Yaḵon gapu ḵan ditaḵu, imbelang Apudyus aḵ ḵabasbassuḻan ta mipagapu si niyossaanan taḵu ḵan siya, aḵ Apudyus angwa si maun-unan taḵu.

Galatians 2:20

Te mibelange naḵaḵatoyaḵ ḵan Kristu atte kros. Pun sinsadi, daḵampun ogon aḵ saḵon matattagu yaḵon aḵ Kristu we anna ḵan saḵon. Sa biyagḵu sinsadi, matattaguwaḵ si pammati atte Abeng Apudyus we nangayat ḵan saḵon ya nangitod si biyagna gapu ḵan saḵon.

Ephesians 3:17

ya iinggaw oḵyan aḵ Kristu atta pusuyu mipagapu si pammatiyu ḵan siya. Ḵodaḵodawoḵ os ta amo lumamut antataguyu we nisaad atte ayat Apudyus,

Philippians 1:23

te tuttuwae naippun lin-awan ni somsomoḵḵu. Te pioḵ pagaye tenan annae lubung ta iyyaḵ maḵaigaw ḵan Kristu te amo nabaḻbaḻu.

Philippians 3:9

ya miyossaanaḵ ḵan siya. Pun sinsana, daḵampun aḵ ḵuwaḵ naun-unaḵe mibatay si nanuttuwaaḵ atte lintog yaḵon sa maun-unane itton Apudyus we mibatay si pammati ḵan Kristu.

1 Thessalonians 4:16

Te aḵ Apu Jesus we mismu, dumoḻae maḻpu'd langite iyipḵawna bilin ḵad midisan poḵaw ni ḵangatuwane anghel ya guminga tangguyub Apudyus. Ḵad umuna umuli da natoye namati ḵan Kristu.

Hebrews 12:23

Umadani ḵani'tta losane namati ḵan Apudyus we mibelang aḵ panguḻu we abengnae andatdatong. Da nigili da ngadanda'd langit. Ḵad umadani ḵani ḵan Apudyus we anguwis atta losane tagu ya umadani ḵani'tta ḵalidodwan da naun-unane natoye da nambalinona'ḵ ippun angkuranganda.

Hebrews 9:27

Niḵoddonge amingsan tagu matoy, magangput ḵad, maḵuwis ḵan Apudyus.

Revelation 14:13

Dingngoḻḵu bos gingae naḻpu'd langite ḵanana, “Igilim anna: Inggana sinsadi, pian da tagu we matoye niyossaan ḵan Apu Jesus.” Ḵanan ni Ispiritun Apudyus, “Tuttuwae pianda te maillonganda'tte ansigabe ḵewaaḻda ya magungunaanda gapu'tte ambaḻu we ḵingwada.”