Romans 8:1 - Sa Ugud Apudyus

¹ Pun sinsadi ḵan ditaḵu losane nidoga ḵan Jesu Kristu, aditaḵupun maḵoddongan aḵ madusa.

Romans 8:1 ပူးပေါင်းရင်းမြစ်များ

John 14:20

Sa sadi ye aḻgaw, igammuwonyu we awadaḵ ḵan Amaḵ ya awad ḵayu ḵan saḵon ya awadaḵ ḵan diḵayu.

John 15:4

Iinggaw ḵayu ḵan saḵon ya iinggawaḵ os ḵan diḵayu. Sa pangae nisina si puunna, adipun amunga nu adi misusugtup si puunna. Isuna bos nu misina ḵayu ḵan saḵon, adiḵayupun os amunga.

John 5:24

“Ibagaḵ ḵan diḵayu ḵatuttuwaan, ngaimane amati'tta ugudḵu ya amati'tte nangibuun ḵan saḵon, awad ḵan siya biyag aḵ inggana. Adipun ogon maḵuwis te illasatna dusa woḵ awad ḵan siya biyag aḵ inggana.

Romans 16:3

Pakumustaonyu da Priscilla we an-asawa ḵan Aquila, dida buḻunḵu we anserbi ḵan Jesu Kristu.

Romans 16:7

Isuna bos ḵan da Andronicus ḵan Junia we dogaḵe Judyu we nabaḻud si awe. Iniiggammun da apostol dida ya ummunada namati ḵan Kristu nu saḵon.

Romans 5:1

Pun gapu ta aḵ Apudyus nangwa ḵan ditaḵu'ḵ naun-unan gapu'tte pammati taḵu, allin-awa maḵabuḻbuḻunan taḵu ḵan Apudyus mipagapu'tte ḵingwan Jesu Kristu we Apu taḵu.

Romans 5:16

Nisabali libli ye atod Apudyus atte ambanagan ni basuḻ ni osae tagu. Te nagangput bummasuḻ osae tagu, pun niḵoddong atta losane tagu we madusada. Yaḵon sa nambanagan ni libli ye atod atte nagangput amode basuḻ da losane tagu, aḵ Apudyus nangwa'tte ummun-unanda.

Romans 7:17

Pun daḵampun ogon aḵ saḵon angwa'ḵ lawweng yaḵon sa amaamayḵu we bumasuḻ siya gapun ni angwaaḵ si basuḻ.

Romans 7:20

Sinsadi nu ḵooḵ adiḵpun pion ḵoon, piona ḵanan daḵampun ḵan saḵon nangwa yaḵon sa basuḻe anna ḵan saḵon.

Romans 8:11

Sa osa bos, aḵ Apudyus we nanagu ḵasin ḵan Jesu Kristu nu awad ḵan diḵayu Ispirituna, taguwona bos da long-agyu we matoy mipagapu si Ispiritunae iinggaw ḵan diḵayu.

Romans 8:14

Te losane tagu we idaḻan ni Ispiritu Santu, dida da abeng Apudyus.

Romans 8:2

Gapu si niyossaanan taḵu ḵan Jesu Kristu, anturay Ispiritu Santu ḵan ditaḵu ya innatodna baru we biyag ḵan ditaḵu ya pinuḵayan ditaḵu'tte ḵabooḻan ni basuḻ ḵan ḵatoy.

Romans 8:34

Ngai ḵad ain maḵwae angoddong ḵan ditaḵu'ḵ madusa? Naippun te aḵ Jesu Kristu natoy woḵ ummuli. Pun siya tutuḵdu si madawinan Apudyus we maḵapangat ya angiyugud ḵan ditaḵu.

Romans 8:39

Taḵon ay da losane awad ad langit ya sina'd luta ya taḵon ay da ngaimane ḵingwana, naippun maḵaisina'tte ayat Apudyus ḵan ditaḵu mipagapu ḵan Apu taḵu we Jesu Kristu.

Romans 8:4

Ḵatti ḵingwan Apudyus ta maḵwae tuttuwaon taḵu we ustu da bilin atte lintog. Pagatupan taḵu we angunud atte pinion ni Ispiritu Santu we daḵampun atte pinion taḵu.

Romans 8:9

Yaḵon ḵan diḵayu, daḵampun ogon si gagangaye pipion ni long-ag angituray ḵan diḵayu yaḵon sa Ispiritu Santu angituray ḵan diḵayu nu tuttuwae siya iinggaw ḵan diḵayu. Ngaimane tagu we naippun Ispiritu Santu we inkarin Jesus, daḵampun aḵ tagun Kristu.

1 Corinthians 1:30

Yaḵon aḵ Apudyus naḻpuwan ni biyag taḵu mipagapu'tte niyossaanan taḵu ḵan Jesu Kristu we naḻpuwan ni ḵinalaing. Ḵad gapu ḵan siya, naun-unan taḵu ya mitotoḵḵon taḵu'ḵ taguna ta bumaḻu ugali taḵu ya masubut taḵu'tta dusan da basuḻ taḵu.

1 Corinthians 15:22

Losane tagu matoy gapu'tte niyossaananda ḵan Adam. Isuna bose umuli da matoy gapu'tte niyossaananda ḵan Kristu.

2 Corinthians 12:2

Awad de igammuḵe osae namati ḵan Kristu atte naḻaḵpus nasawaḻan aḵ opate tawone nipangatu'tte ḵumaḵlu we langit. Adiḵpun igammu nu abus ispirituna'ḵ ummoy baḵon nu nidoga long-agna. Aḵ Apudyus abus aḵ angigammu. Sa igammuḵ, nipangatu annae tagu si igaw Apudyus ad langit.

2 Corinthians 5:17

Pun ngaimane niyossaan ḵan Kristu, nambalinon Apudyus aḵ baru we naḵwa. Naippun ogon dadaane ḵinatataguna te napasantan si baru we biyag.

Galatians 3:13

Yaḵon sinubut Kristu ditaḵu si madusaan taḵu te aditaḵupun lamog tuttuwaon da losane lintog si natoyana'tte kros para ḵan ditaḵu. Te sa nigili ye Ugud Apudyus ḵanana, “Ngaimane madusa ta matoy gapu si mitayunana'tte ḵayu, nadusa ḵan Apudyus.”

Galatians 3:26

Te losan ḵayu nibelang aḵ dummaḵoḻe abeng Apudyus mipagapu si pammatiyu ḵan Jesu Kristu si niyossaananyu ḵan siya.

Galatians 3:28

Ḵad nu ḵatti, sa antotollong Apudyus, naippun mangadanan aḵ Judyu baḵon nu Gentil, musassu baḵon nu daḵampun, laḻaḵi baḵon nu bubai te os-ossaan ḵayu gapu si niyossaananyu ḵan Jesu Kristu.

Galatians 5:16

Annaya ibagaḵ ḵan diḵayu, paidaḻan ḵayu si Ispiritu Santu te nu ḵatti ḵoonyu, adiyupun tuttuwaon pipion da long-agyu.

Galatians 5:25

Pun gapu ta naḻpu si Ispiritu Santu baru we biyag taḵu, ḵasapuḻan ose siya angidaḻan ḵan ditaḵu.

Ephesians 1:1

Saḵon aḵ Paul we apostol Jesu Kristu mipagapu'tte pinion Apudyus. Annaya suḻatḵu ḵan diḵayu we tagun Apudyus ad Ephesus we ipapatidae amati ḵan Jesu Kristu.

Philippians 3:9

ya miyossaanaḵ ḵan siya. Pun sinsana, daḵampun aḵ ḵuwaḵ naun-unaḵe mibatay si nanuttuwaaḵ atte lintog yaḵon sa maun-unane itton Apudyus we mibatay si pammati ḵan Kristu.