Romans 7:9 - Sa Ugud Apudyus

⁹ Sa naḻaḵpuse aḻgaw, nat-opaḵ si nantataguḵ te adiḵpun inigammu ustu we pion ni lintog ḵanan. Yaḵon naawataḵ ḵad piona ḵanan, naawataḵ ose gagangaye ḵabasbassuḻanaḵ ya isuḵ natoye nisina ḵan Apudyus.

Romans 7:9 ပူးပေါင်းရင်းမြစ်များ

Matthew 19:20

Ḵanan ni laḻaḵi, “Tinuttuwaḵ losan da sadi ye lintog. Pun ngai naippun ḵan saḵon?”

Luke 15:29

Yaḵon ḵananae summongbat, ‘Pigan tawone nanḵewaaḻaḵe isun da musassum ḵad tinuttuwaḵ losan da bilinnu. Yaḵon adiḵapun paat nangitod taḵon ay ubbun di kalding ta awad pay oḵyan naḵagangganasaḵ atta buḻbuḻunḵu.

Luke 18:21

Ḵanana ḵan siya, “Inggan ay ni ḵaban-ogḵu, tinuttuwaḵ losan da sadi ye lintog.”

Romans 10:5

Awad de inggilin Moses mipanggob si maun-unan ni tagu si sinagung Apudyus gapu si anuttuwaanda'tte lintog. Ḵanana, “Ngaimane anuttuwa'tta losane bilin ni lintog matagu gapu'tte sadi ye lintog.”

Romans 7:10

Sinsadi, sa lintoge nangikari ye angitod si biyag antaḻgodaḵe matataguwaḵ aḵ inggana, sadi amo gapun ni matoyaḵ ḵan misinaaḵ ḵan Apudyus aḵ inggana.

Romans 7:11

Te sa basuḻ, ginundawayana lintog woḵ inallelawna saḵone nambanag si matoyaḵ.

Romans 7:4

Ḵad isuna bos ḵan diḵayu susunudḵu ḵan Kristu, napuḵayan ḵayu si ḵaḻabbongan ni lintog mipagapu'tte natoyan Kristu we nidatun para ḵan ditaḵu woḵ nidoga ḵayu ḵan siya si nataguwana. Pun sinsana, nawaya taḵu we anserbi ḵan siya'ḵ madayawan Apudyus.

Romans 7:6

Yaḵon sinsana, gapu'tte nidog-an taḵu ḵan Kristu si natoyana, napuḵayan taḵu si lintog Moses we namabaḻud ḵan ditaḵu. Ḵad anserbi taḵu ḵan Apudyus ya daḵampun ogon aḵ sa dadaane lintog yaḵon sa baru we biyage naḻpu si Ispiritu Santu.

Romans 7:8

Yaḵon gapu ta anna lintoge angipaigammu mipanggob si basuḻ, amo nitoḵwaḻ da losane kalasin di ḵamommode anna ḵan saḵon. Nu naippun oḵyan lintog, sa amaamaye bumasuḻ adipun madog-an.

Romans 8:7

Sa tagu we siya isisimoḵna gagangaye pipion ni long-agna, sumullagi ḵan Apudyus te adinapun tuttuwaon pinion Apudyus. Ḵad sa ḵinatuttuwaan, adinapun lamoge anuttuwa'tte lintogna.

Galatians 2:19

Te gapu si lintoge adiḵpun lamog unudon, inigammuḵe naḵoddonganaḵ aḵ matoy ya misinaaḵ ḵan Apudyus. Pun ibelangḵu we natoyaḵ mipanggob atte lintog ta mataguwaḵ para ḵan Apudyus.

Galatians 3:10

Yaḵon losan atta antaḻgod si anuttuwaanda'tte lintog ta mibelangda'ḵ maun-unan, andagson dusada te awad de Ugud Apudyus we ḵanana, “Ngaimane adi patilayun anuttuwa'tta losane biline nigili si Lintog Apudyus, andagson dusana.”