Romans 7:7 - Sa Ugud Apudyus

⁷ Ngai ibaga taḵu nu? Maḵwa ḵad ain ibaga taḵu we lawweng lintog? Naid! Yaḵon nu naippun lintog, adipun maawatan basuḻ. Isun ni amaamay, adiḵpun oḵyan inigammu we lawweng nu adin ni lintog imbaga ḵanane, “Adim amaamayon ḵuḵuwan da udum.”

Romans 7:7 ပူးပေါင်းရင်းမြစ်များ

Matthew 5:28

Yaḵon ibagaḵ ḵan diḵayu we ngaimane angitotollong si bubai ya pionae adaḻugon, nagagangput naḵabasuḻ si dagdagas atte somsomoḵna.

Luke 12:15

Ḵanana'tta losane tagu, “Ummanyu ta adi ḵayu masulisug ya maḵabasuḻ si ḵamommod atta ḵuḵuwan da buḻunyu. Te sa biyag daḵampun aḵ mibatay atta ḵuḵuwa, taḵon ay nu ngai ḵinabaḵnang taḵu.”

Luke 20:16

Dumatong ḵad, gongatona dida ya impaayyuwanna'tta udume tagu mumuḻḻaan atta de grape.” Dingngoḻ ḵad da tagu sana, ḵananda, “Adi oḵyan maḵwa da ḵaḵna!”

Acts 20:33

Saḵon ḵad, ippun nanḵodawaḵ aḵ pilaḵ, buḻawan baḵon nu silup atta ngaiman ḵan diḵayu.

Romans 13:9

Te ḵanan da bilin, “Adiḵa maḵadagdagas, adiḵa pumatoy, adiḵa an-aḵaw ya adim ḵamommodon da ḵuwan da udum” ya da udume bilin sinalimungmung ni ossaane biline ḵanana, “Ayatom da asintatagume isun ni an-aayatnu'tte long-agnu.”

Romans 3:20

Te naippun tagu'ḵ naun-unan atte antotollong Apudyus gapu'tte anuttuwaana'tte lintog te sa usar ni lintog ipaigammunae naḵabasuḻ losan da tagu.

Romans 3:5

Yaḵon nu sa angwaan taḵu'tta ḵinalaweng angipaila si naun-unan aḵ Apudyus, maḵwa ḵammane ḵanan taḵu we adipun naun-unan aḵ Apudyus nu dusaona ditaḵu gapu'tta ḵinalaweng taḵu? An-ugudaḵe ḵasomsomḵan di tagu.

Romans 4:1

Sosomḵon taḵu ḵad aḵ Abraham we daḵdaḵoḻ taḵu we Judyu. Ngai inon Abraham we nibelang aḵ naun-unan ḵan Apudyus?

Romans 4:15

Te sa lintog ambanag si sumang-an Apudyus ḵan ditaḵu te aditaḵupun lamog tuttuwaon. Yaḵon nu naippun lintog naippun malisalis.

Romans 5:20

Innatod Apudyus lintog ta angigammuwandae amo ummaduadu basuḻ da tagu. Yaḵon taḵon ay nu ummaduadu basuḻ da tagu, amo ummamdan ḵinabaḻun Apudyus.

Romans 6:15

Ngai ḵad ain pion ni sana ḵanan? Nu matagu taḵu gapu'tte ḵinabaḻun Apudyus we daḵampun si anuttuwaan taḵu'tte lintog, pagatupan taḵu ḵad aine bumasuḻ? Adipun maḵwa!

Romans 7:11

Te sa basuḻ, ginundawayana lintog woḵ inallelawna saḵone nambanag si matoyaḵ.

Romans 7:13

Piona ḵad ain ḵanane sa ambaḻu we lintog siya gapun ni matoyaḵ? Naid! Te sa mismu we basuḻḵu gapun ni matoyaḵ. Mipagapu si ambaḻu we lintoge igammu taḵu we ḵoon taḵu we lawweng, basuḻ ḵad ambanag si ḵatoy. Ḵad mipagapu si bilin mipaila ummamdane basuḻ taḵu.

Romans 7:5

Sa awe ye nangunudan taḵu'tta pion da long-ag taḵu, inigammu taḵu ḵad lintog amo amaamayon taḵu we angwa'ḵ basuḻ. Pun siya gapunae ḵoon taḵu da ambanag si matoyan taḵu ḵan misinaan taḵu ḵan Apudyus aḵ inggana.

Romans 7:8

Yaḵon gapu ta anna lintoge angipaigammu mipanggob si basuḻ, amo nitoḵwaḻ da losane kalasin di ḵamommode anna ḵan saḵon. Nu naippun oḵyan lintog, sa amaamaye bumasuḻ adipun madog-an.

1 Corinthians 15:56

Te sa angaḻ-an ni ḵatoy si ḵabooḻana, sa bumasubasuḻan taḵu ya sa angaḻ-an ni basuḻ atte ḵabooḻana, sa aditaḵupun anuttuwaan si lintoge innatod Apudyus ḵan Moses.

Ephesians 5:3

Pun adiyu oḵyan ḵoon da ḵababbain ya adiyu bos ḵoon da udume kalasin di ḵaissawe banag. Adiyu bos ḵamommodon da daḵampun aḵ ḵuwayu. Ḵad naippun oḵyan os maugudanyu we tagun Apudyus atta ḵassanae banag.

Colossians 3:5

Pun ḵasapuḻane an-awidanyu da dadaane ḵasomsomḵanyu ya da ugaliyu we isun da maḵadagdagas ya da udume kalasin di ḵaissaw, da pipion ni long-ag ya sa ḵamommod te siya isun di anayawan atta sinan-apudyus.

1 Thessalonians 4:5

Daḵampun oḵyan aḵ siya unudonyu pipion ni long-agyu we isun ni ḵoon da Gentil we adipun angigammu ḵan Apudyus.

Hebrews 7:19

Sa sanae lintog Moses ippun ḵabooḻanae ambalinona da tagu'ḵ maun-unan. Pun sinsadi, naatod ḵan ditaḵu nabaḻu we namnamae maḵwae umadaniyan taḵu ḵan Apudyus.